헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 33

(디오니시오스, Antiquitates Romanae, Books IV-VI, book 4, chapter 33)

παυσαμένου δ’ αὐτοῦ παραλαβὼν τὸν λόγον ὁ Τύλλιοσ ἔλεξεν ὧδε· ἅπαντα μέν, ὡσ ἐοίκεν, ἄνθρωπον ὄντα δεῖ προσδοκᾶν, ὦ βουλή, καὶ μηδὲν ἡγεῖσθαι ἄπιστον, ὅπου γε κἀμὲ Ταρκύνιοσ οὑτοσὶ τῆσ ἀρχῆσ παῦσαι πρόθυμόσ ἐστιν·

ὃν ἐγὼ νήπιον παραλαβὼν καὶ ἐπιβουλευόμενον ὑπὸ τῶν ἐχθρῶν ἔσωσα καὶ ἐξέθρεψα καὶ εἰσ ἄνδρασ ἐλθόντα κηδεστὴν ἠξίωσα λαβεῖν, καὶ εἴ τι πάθοιμι διάδοχον ἔμελλον καταλείψειν ἁπάντων τῶν ἐμῶν. ἐπειδὴ δὲ παρὰ γνώμην ἅπαντ’ ἀπήντηκέ μοι καὶ ὥσπερ ἀδικῶν αὐτὸσ ἐγκαλοῦμαι, τὴν μὲν τύχην ὕστερον ἀνακλαύσομαι, τὰ δὲ δίκαια νῦν πρὸσ αὐτὸν ἐρῶ. ἐγὼ τὴν μὲν ἐπιτροπείαν ὑμῶν ἔλαβον, ὦ Ταρκύνιε, νηπίων καταλειφθέντων οὐχ ἑκών, ἀλλ’ ὑπὸ τῶν πραγμάτων ἀναγκασθείσ· ἐπειδὴ τὸν μὲν πάππον ὑμῶν οἱ τῆσ βασιλείασ ἀντιποιούμενοι φανερῶσ ἀπέκτειναν, ὑμῖν δὲ καὶ τοῖσ ἄλλοισ αὐτοῦ συγγενέσιν ἐπιβουλεύειν ἐλέγοντο ἀφανῶσ·

καὶ πάντεσ τοῦθ’ οἱ προσήκοντεσ ὑμῖν ὡμολόγουν, ὅτι κρατήσαντεσ ἐκεῖνοι τῆσ ἀρχῆσ οὐδὲ σπέρμα τοῦ Ταρκυνιείου καταλείψουσι γένουσ.

κηδεμὼν δὲ καὶ φύλαξ οὐδεὶσ ὑμῶν ἕτεροσ ἦν, ὅτι μὴ γυνή, πατρὸσ μήτηρ, καὶ αὐτὴ διὰ γῆρασ ἑτέρων δεομένη κηδεμόνων· ἀλλ’ ἐν ἐμοὶ κατελείπεσθε μόνῳ φύλακι τῆσ ἐρημίασ, ὃν νῦν ἀλλότριον καὶ οὐδὲν προσήκοντα ἀποκαλεῖσ. τοιούτοισ μέντοι πράγμασιν ἐπιστὰσ ἐγὼ τούσ τ’ ἀποκτείναντασ τὸν πάππον ὑμῶν ἐτιμωρησάμην καὶ ὑμᾶσ εἰσ ἄνδρασ ἤγαγον καὶ γενεᾶσ ἄρρενοσ οὐχ ὑπαρχούσησ τῶν ἐμαυτοῦ κυρίουσ προειλόμην ποιῆσαι.

ἔχεισ τὸν τῆσ ἐπιτροπῆσ λόγον, ὦ Ταρκύνιε, καὶ οὐκ ἂν ἐπιχειρήσειασ εἰπεῖν, ὡσ ψεύδομαί τι τούτων.