헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 9)

πολλή με ἀνάγκη κατείληφεν, ἄνδρεσ πολῖται, κήδεσθαι τῶν παιδίων τούτων καὶ νηπίων. Ταρκύνιοσ γὰρ ὁ πάπποσ αὐτῶν ἀπάτορα καὶ ἄπολιν ὄντα με παραλαβὼν ἐξέθρεψεν οὐδὲν ἐνδεέστερον ἄγων τῶν αὑτοῦ τέκνων καὶ τὴν ἑτέραν τῶν θυγατέρων ἔδωκέ μοι γυναῖκα, καὶ παρὰ πάντα τὸν τοῦ βίου χρόνον ὥσπερ ἐξ αὑτοῦ γεγονότα τιμῶν καὶ φιλῶν, ὡσ καὶ ὑμεῖσ ἴστε, διετέλεσε, καὶ ἐπειδὴ τὰ περὶ τὴν ἐπιβουλὴν αὐτῷ συνέπεσεν, εἴ τι πάθοι τῶν ἀνθρωπίνων, ἐμοὶ τὴν ἐπιμέλειαν τῶν παιδίων ἐπίστευσε.

τίσ οὖν ἢ πρὸσ θεοὺσ ὅσιον ἢ πρὸσ ἀνθρώπουσ δίκαιον ὑπολήψεταί με, ἐὰν ἐγκαταλίπω καὶ προδῶ τοὺσ ὀρφανούσ, οἷσ τοσαύτασ ὀφείλω χάριτασ;

ἀλλ’ οὔτε τὴν ἐμαυτοῦ προδώσω πίστιν οὐδὲ τὴν τῶν παιδίων ἐρημίαν ἐγκαταλείψω κατὰ δύναμιν τὴν ἐμήν. τοσαύτασ πόλεισ ἀντιποιουμένασ τῆσ ἀρχῆσ, ὑπηκόουσ δὲ ποιήσασ Τυρρηνοὺσ ἅπαντασ μέγιστον τῶν περιοίκων δυναμένουσ, ἀναγκάσασ δὲ τὸ Σαβίνων ἔθνοσ ὑποχείριον ὑμῖν γενέσθαι, μετὰ πολλῶν ἅκαντα ταῦτα καὶ μεγάλων κινδύνων κατεργασάμενοσ.

ὅσον μὲν οὖν αὐτὸσ ἔζη χρόνον, ἐκείνῳ κροσῆκεν ὑμᾶσ τὰσ ὑπὲρ τῶν εὐεργεσιῶν χάριτασ εἰδέναι, ἐπειδὴ δὲ τετελεύτηκε τὸν βίον τοῖσ ἐγγόνοισ αὐτοῦ τὰσ ἀμοιβὰσ ἀποτίνειν, καὶ μὴ συγκατορύττειν ἅμα τοῖσ σώμασι τῶν εὐεργετῶν καὶ τὴν μνήμην τῶν ἔργων.

δόξατε οὖν κοινῇ πάντεσ ἐπίτροποι καταλελεῖφθαι τῶν παιδίων καὶ βεβαιοῦτε αὐτοῖσ ἣν ὁ πάπποσ κατέλιπεν ἀρχήν. οὐδὲν γὰρ τοσοῦτον ἀπολαύσειαν ἂν ἐκ τῆσ ἐμῆσ ἑνὸσ ὄντοσ προστασίασ, ὅσον ἐκ τῆσ κοινῆσ ἁπάντων ὑμῶν βοηθείασ. ταῦτα δ’ εἰπεῖν ἠνάγκασμαι συνισταμένουσ τινὰσ ἐπ’ αὐτοὺσ αἰσθόμενοσ καὶ τὴν ἀρχὴν ἑτέροισ παραδοῦναι βουλομένουσ.

ἀξιῶ δ’ ὑμᾶσ, ἄνδρεσ Ῥωμαῖοι, καὶ τῶν ἐμῶν μεμνημένουσ ἀγώνων, οὓσ ὑπὲρ τῆσ ἡγεμονίασ ἠγωνισάμην, οὔτε μικρῶν ὄντων οὔτ’ ὀλίγων, οὓσ οὐδὲν δέομαι πρὸσ εἰδότασ ὑμᾶσ λέγειν, τὰσ ἀντὶ τούτων ὀφειλομένασ ἐμοὶ χάριτασ τοῖσ παιδίοισ ἀκοδοῦναι τούτοισ. οὐ γὰρ ἰδίαν ἀρχὴν ἐμαυτῷ κατασκευαζόμενοσ, ἧσ οὐδενὸσ ἧττον ἄξιοσ ἦν βουληθεὶσ τυγχάνειν, ἀλλὰ τῷ Ταρκυνίου γένει βοηθῶν τὰ κοινὰ πράττειν προῄρημαι.

ἱκέτησ δ’ ὑμῶν γίνομαι μὴ τοὺσ ὀρφανοὺσ ἐγκαταλιπεῖν νῦν μὲν ὑπὲρ τῆσ ἀρχῆσ κινδυνεύοντασ, εἰ δ’ ἡ πρώτη πεῖρα τοῖσ ἐχθροῖσ αὐτῶν χωρήσει κατὰ νοῦν, καὶ ἐκ τῆσ πόλεωσ ἐξελαθησομένουσ.

ἀλλ’ ὑπὲρ μὲν τούτων ὡσ ἐγνωκόσιν ὑμῖν τὰ δέοντα καὶ ποιήσουσιν, ὅσα προσήκει, οὐδὲν δέομαι πλείω λέγειν· ἃ δὲ παρεσκεύασμαι ποιεῖν ὑμᾶσ αὐτὸσ ἀγαθὰ καὶ ὧν χάριν τὴν ἐκκλησίαν συνεκάλεσα, ἀκούσατέ μου. χρημάτων δίδωμι διαλύσασθαι τὰ χρέα.

ὅσοι δ’ ἂν μετὰ ταῦτα δανείσωνται, τούτουσ οὐκ ἐάσω πρὸσ τὰ χρέα ἀπάγεσθαι καὶ νόμον θήσομαι μηδένα δανείζειν ἐπὶ σώμασιν ἐλευθέροισ ἱκανὸν ἡγούμενοσ τοἱσ δανεισταῖσ τῆσ οὐσίασ τῶν συμβαλόντων κρατεῖν. τοὺσ μὲν πολλὰ κεκτημένουσ πολλὰ εἰσφέρειν, τοὺσ δ’ ὀλίγα ἔχοντασ ὀλίγα.

δοκεῖ δέ μοι καὶ τῆσ δημοσίασ γῆσ, ἣν διὰ τῶν ὅπλων κτησάμενοι κατέχετε, μὴ τοὺσ ἀναιδεστάτουσ ὥσπερ νῦν κρατεῖν οὔτε χάριτι λαβόντασ οὔτ’ ὠνῇ κτησαμένουσ, ἀλλὰ τοὺσ μηδένα κλῆρον ἔχοντασ ὑμῶν, ἵνα μὴ θητεύητε ὄντεσ ἐλεύθεροι μηδὲ τὰσ ἀλλοτρίασ κτήσεισ, ἀλλὰ τὰσ ἰδίασ γεωργῆτε·

οὐ γὰρ ἂν γένοιτο φρόνημα εὐγενὲσ ἐν ἀνδράσιν ἀπορουμένοισ τῶν καθ’ ἡμέραν ἀναγκαίων. ὑπὲρ ἅπαντα δὲ ταῦτ’ ἔγνων καὶ ἴσην καὶ κοινὴν ποιεῖν τὴν πολιτείαν καὶ τὰ δίκαια πᾶσι πρὸσ ἅπαντασ ὅμοια.

εἰσ τοῦτο γὰρ ἥκουσί τινεσ αὐθαδείασ, ὥσθ’ ὑβρίζειν εἰσ τὸ δημοτικὸν ἀξιοῦσι καὶ μηδ’ ἐλευθέρουσ ἡγεῖσθαι τοὺσ πένητασ ὑμῶν. ἵνα δὲ καὶ λαμβάνωσι τὰ δίκαια καὶ ὑπέχωσιν οἱ μείζουσ τοῖσ ἐλάττοσιν ἐξ ἴσου, νόμουσ θήσομαι κωλυτὰσ μὲν τῆσ βίασ, φύλακασ δὲ τῆσ δικαιοσύνησ καὶ αὐτὸσ οὐδένα χρόνον ἀνήσω τῆσ ἁπάντων προνοούμενοσ ἰσηγορίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 9

(디오니시오스, Antiquitates Romanae, Books IV-VI, book 4, chapter 9)

상위

목록

SEARCH

MENU NAVIGATION