헬라어 문장 검색 - Διονψσ́Αντιθυί1́28́

(디오니시오스, Antiquitates Romanae, book 1, chapter 28)

τούτῳ τῷ λόγῳ πολλοὺσ καὶ ἄλλουσ συγγραφεῖσ περὶ τοῦ Τυρρηνῶν γένουσ χρησαμένουσ ἐπίσταμαι, τοὺσ μὲν κατὰ ταὐτά, τοὺσ δὲ μεταθέντασ τὸν οἰκισμὸν καὶ τὸν χρόνον. ἔλεξαν γὰρ δή τινεσ Ἡρακλέουσ υἱὸν εἶναι τὸν Τυρρηνὸν ἐξ Ὀμφάλησ τῆσ Λυδῆσ γενόμενον· τοῦτον δ’ ἀφικόμενον εἰσ Ἰταλίαν ἐκβαλεῖν τοὺσ Πελασγοὺσ ἐκ τῶν πόλεων οὐχ ἁπασῶν, ἀλλ’ ὅσαι πέραν ἦσαν τοῦ Τεβέριοσ ἐν τῷ βορείῳ μέρει. ἕτεροι δὲ Τηλέφου παῖδα τὸν Τυρρηνὸν ἀποφαίνουσιν, ἐλθεῖν δὲ μετὰ τὴν Τροίασ ἅλωσιν εἰσ Ἰταλίαν.

Ξάνθοσ δὲ ὁ Λυδὸσ ἱστορίασ παλαιᾶσ εἰ καί τισ ἄλλοσ ἔμπειροσ ὤν, τῆσ δὲ πατρίου καὶ βεβαιωτὴσ ἂν οὐδενὸσ ὑποδεέστεροσ νομισθείσ, οὔτε Τυρρηνὸν ὠνόμακεν οὐδαμοῦ τῆσ γραφῆσ δυνάστην Λυδῶν οὔτε ἀποικίαν Μῃόνων εἰσ Ἰταλίαν κατασχοῦσαν ἐπίσταται Τυρρηνίασ τε μνήμην ὡσ Λυδῶν ἀποκτίσεωσ ταπεινοτέρων ἄλλων μεμνημένοσ οὐδεμίαν πεποίηται·

Ἄτυοσ δὲ παῖδασ γενέσθαι λέγει Λυδὸν καὶ Τόρηβον, τούτουσ δὲ μερισαμένουσ τὴν πατρῴαν ἀρχὴν ἐν Ἀσίᾳ καταμεῖναι ἀμφοτέρουσ· καὶ τοῖσ ἔθνεσιν ὧν ἦρξαν ἐπ’ ἐκείνων φησὶ τεθῆναι τὰσ ὀνομασίασ, λέγων ὧδε· ἁ̓πὸ Λυδοῦ μὲν γίνονται Λυδοὶ, ἀπὸ Τορήβου δὲ Τόρηβοι. τούτων ἡ γλῶσσα ὀλίγον παραφέρει, καὶ νῦν ἔτι σιλλοῦσιν ἀλλήλουσ ῥήματα οὐκ ὀλίγα, ὥσπερ Ιὤνεσ καὶ Δωριεῖσ’. Ἑλλάνικοσ δὲ ὁ Λέσβιοσ τοὺσ Τυρρηνούσ φησι Πελασγοὺσ πρότερον καλουμένουσ, ἐπειδὴ κατῴκησαν ἐν Ἰταλίᾳ, παραλαβεῖν ἣν νῦν ἔχουσι προσηγορίαν. ἔχει δὲ αὐτῷ ἐν Φορωνίδι ὁ λόγοσ ὧδε·

̔τοῦ Πελασγοῦ τοῦ βασιλέοσ αὐτῶν καὶ Μενίππησ τῆσ Πηνειοῦ ἐγένετο Φράστωρ, τοῦ δὲ Ἀμύντωρ, τοῦ δὲ Τευταμίδησ, τοῦ δὲ Νάνασ. ἐπὶ τούτου βασιλεύοντεσ οἱ Πελασγοὶ ὑπ’ Ἑλλήνων ἀνέστησαν, καὶ ἐπὶ Σπινῆτι ποταμῷ ἐν τῷ Ιὀνίῳ κόλπῳ τὰσ νῆασ καταλιπόντεσ Κρότωνα πόλιν ἐν μεσογείῳ εἷλον καὶ ἐντεῦθεν ὁρμώμενοι τὴν νῦν καλεομένην Τυρσηνίην ἔκτισαν’. Μυρσίλοσ δὲ τὰ ἔμπαλιν ἀποφαινόμενοσ Ἑλλανίκῳ τοὺσ Τυρρηνούσ φησιν, ἐπειδὴ τὴν ἑαυτῶν ἐξέλιπον, ἐν τῇ πλάνῃ μετονομασθῆναι Πελαργοὺσ, τῶν ὀρνέων τοῖσ καλουμένοισ πελαργοῖσ εἰκασθέντασ, ὡσ κατ’ ἀγέλασ ἐφοίτων εἴσ τε τὴν Ἑλλάδα καὶ τὴν βάρβαρον·

καὶ τοῖσ Ἀθηναίοισ τὸ τεῖχοσ τὸ περὶ τὴν ἀκρόπολιν, τὸ Πελαργικὸν καλούμενον, τούτουσ περιβαλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 28

(디오니시오스, Antiquitates Romanae, book 1, chapter 28)

상위

목록

SEARCH

MENU NAVIGATION