헬라어 텍스트

Dionysius of Halicarnassus, Antiquitates Romanae, book 1, chapter 10

(디오니시오스, Antiquitates Romanae, book 1, chapter 10)

τοὺσ δὲ Ἀβοριγῖνασ, ἀφ’ ὧν ἄρχει Ῥωμαίοισ τὸ γένοσ, οἱ μὲν αὐτόχθονασ Ἰταλίασ, γένοσ αὐτὸ καθ’ ἑαυτὸ γενόμενον ἀποφαίνουσιν· Ἰταλίαν δὲ καλῶ τὴν ἀκτὴν σύμπασαν, ὅσην Ιὄνιόσ τε κόλποσ καὶ Τυρρηνικὴ θάλασσα καὶ τρίται περιέχουσιν ἐκ γῆσ Ἄλπεισ. καὶ τὴν ὀνομασίαν αὐτοῖσ τὴν πρώτην φασὶ τεθῆναι διὰ τὸ γενέσεωσ τοῖσ μετ’ αὐτοὺσ ἄρξαι, ὥσπερ ἂν ἡμεῖσ εἴποιμεν γενεάρχασ ἢ πρωτογόνουσ.

ἕτεροι δὲ λέγουσιν ἀνεστίουσ τινὰσ καὶ πλάνητασ ἐκ πολλῶν συνελθόντασ χωρίων κατὰ δαίμονα περιτυχεῖν ἀλλήλοισ αὐτόθι καὶ τὴν οἴκησιν ἐπὶ τοῖσ ἐρύμασι καταστήσασθαι, ζῆν δὲ ἀπὸ λῃστείασ καὶ νομῆσ.

παραλλάττουσι δὲ καὶ τὴν ὀνομασίαν αὐτῶν ἐπὶ τὸ ταῖσ τύχαισ οἰκειότερον, Ἀβερριγῖνασ λέγοντεσ, ὥστε δηλοῦσθαι αὐτοὺσ πλάνητασ. κινδυνεύει δὴ κατὰ τούτουσ μηδὲν διαφέρειν τὸ τῶν Ἀβοριγίνων φῦλον ὧν ἐκάλουν οἱ παλαιοὶ Λελέγων· τοῖσ γὰρ ἀνεστίοισ καὶ μιγάσι καὶ μηδεμίαν γῆν βεβαίωσ ὡσ πατρίδα κατοικοῦσι ταύτην ἐπετίθεντο τὴν ὀνομασίαν ὡσ τὰ πολλά. ἄλλοι δὲ Λιγύων ἀποίκουσ μυθολογοῦσιν αὐτοὺσ γενέσθαι τῶν ὁμορούντων Ὀμβρικοῖσ· οἱ γὰρ Λίγυεσ οἰκοῦσι μὲν καὶ τῆσ Ἰταλίασ πολλαχῇ, νέμονται δέ τινα καὶ τῆσ Κελτικῆσ.

ὁποτέρα δ’ αὐτοῖσ ἐστι γῆ πατρίσ, ἄδηλον· οὐ γὰρ ἔτι λέγεται περὶ αὐτῶν προσωτέρω σαφὲσ οὐδέν.