헬라어 문장 검색 - Διοδορ́Λιβραρψ́7́07́

(디오도로스 시켈로스, Library, book xiv, chapter 8)

Διονύσιοσ δὲ καταπλαγεὶσ τὴν ἀπόστασιν τῶν Συρακοσίων, τὴν μὲν πολιορκίαν ἔλυσεν, εἰσ δὲ τὰσ Συρακούσασ ἠπείγετο, σπεύδων καταλαβέσθαι τὴν πόλιν. οὗ φυγόντοσ οἱ τὴν ἀπόστασιν ποιησάμενοι στρατηγοὺσ εἵλαντο τοὺσ ἀποκτείναντασ τὸν ἔπαρχον, καὶ παραλαβόντεσ τοὺσ ἐξ Αἴτνησ ἱππεῖσ ἐν ταῖσ καλουμέναισ Ἐπιπολαῖσ ἀντεστρατοπέδευσαν τῷ τυράννῳ, καὶ διέκλεισαν αὐτὸν τῆσ ἐπὶ τὴν χώραν ἐξόδου. εὐθὺσ δὲ πρόσ τε Μεσσηνίουσ καὶ Ῥηγίνουσ πρέσβεισ ἀπέστειλαν, δεόμενοι κατὰ θάλατταν συναντιλαβέσθαι τῆσ ἐλευθερίασ·

εἰώθεισαν γὰρ αἱ πόλεισ αὗται κατ’ ἐκεῖνον τὸν καιρὸν τριήρεισ πληροῦν οὐκ ἐλάττουσ ὀγδοήκοντα. ἃσ τότε τοῖσ Συρακοσίοισ αἱ πόλεισ ἀπέστειλαν, σπεύδουσαι συνεπιλαβέσθαι τῆσ ἐλευθερίασ. ἐπεκήρυξαν δὲ καὶ χρημάτων πλῆθοσ τοῖσ ἀνελοῦσι τὸν τύραννον, καὶ τοῖσ μεταβαλομένοισ τῶν ξένων ἐπηγγείλαντο μεταδώσειν τῆσ πολιτείασ.

κατεσκεύασαν δὲ καὶ μηχανήματα, δι’ ὧν τὰ τείχη σαλεύοντεσ ἐξελοῦσι, καὶ προσέβαλλον καθ’ ἡμέραν τῇ Νήσῳ, καὶ τοὺσ μεταβαλλομένουσ τῶν ξένων φιλανθρώπωσ ἀπεδέχοντο. Διονύσιοσ δὲ τῆσ εἰσ τὴν χώραν ἐξόδου διακεκλεισμένοσ καὶ ὑπὸ τῶν μισθοφόρων ἐγκαταλειπόμενοσ, συνήγαγε τοὺσ φίλουσ βουλευσόμενοσ περὶ τῶν ἐνεστώτων·

οὕτω γὰρ τελέωσ ἀπήλπιστο τὰ τῆσ δυναστείασ, ὥστε οὐ ζητεῖν αὐτόν, πῶσ καταπολεμήσῃ τοὺσ Συρακοσίουσ, ἀλλὰ ποῖον ὑπομείνασ θάνατον μὴ παντελῶσ ἄδοξον ποιήσῃ τὴν κατάλυσιν τῆσ ἀρχῆσ. Ἕλωρισ μὲν οὖν, εἷσ τῶν φίλων, ὡσ δ’ ἔνιοί φασιν, ὁ ποιητὸσ πατήρ, εἶπεν αὐτῷ, διότι καλὸν ἐντάφιόν ἐστιν ἡ τυραννίσ·

Πολύξενοσ δὲ ὁ κηδεστὴσ ἀπεφήνατο δεῖν λαβόντα τὸν ὀξύτατον ἵππον εἰσ τὴν τῶν Καρχηδονίων ἐπικράτειαν ἀφιππεῦσαι πρὸσ τοὺσ Καμπανούσ· τούτουσ γὰρ Ἰμίλκων ἀπελελοίπει φυλακῆσ ἕνεκα τῶν κατὰ Σικελίαν τόπων· Φίλιστοσ δ’ ὁ μετὰ ταῦτα τὰσ ἱστορίασ συνταξάμενοσ, ἀντειπὼν τῷ Πολυξένῳ, προσήκειν ἔφησεν οὐκ ἐφ’ ἵππου θέοντοσ ἐκπηδᾶν ἐκ τῆσ τυραννίδοσ, ἀλλὰ τοῦ σκέλουσ ἑλκόμενον ἐκπίπτειν. ᾧ προσσχὼν ὁ Διονύσιοσ ἔκρινε πᾶν ὑπομεῖναι πρότερον ἢ τὴν δυναστείαν ἐκλιπεῖν ἑκουσίωσ.

διόπερ ἀποστείλασ πρέσβεισ πρὸσ τοὺσ ἀφεστηκότασ, τούτουσ μὲν παρεκάλει δοῦναι τὴν ἐξουσίαν αὐτῷ μετὰ τῶν ἰδίων ἀπελθεῖν ἐκ τῆσ πόλεωσ, πρὸσ δὲ τοὺσ Καμπανοὺσ λάθρᾳ διαπεμψάμενοσ ὡμολόγησεν αὐτοῖσ δώσειν χρήματα ὅσα ἂν αἰτήσωσιν εἰσ τὴν πολιορκίαν. τούτων δὲ πραχθέντων οἱ μὲν Συρακόσιοι τὴν ἐξουσίαν δόντεσ τῷ τυράννῳ μετὰ πέντε νεῶν ἀποπλεῖν, ῥᾳθυμότεροι καθειστήκεσαν, καὶ τοὺσ μὲν ἱππεῖσ ἀπέλυσαν οὐδὲν χρησίμουσ ὄντασ πρὸσ τὴν πολιορκίαν, τῶν δὲ πεζῶν οἱ πλεῖστοι κατὰ τὴν χώραν ἐξῄεσαν ὡσ ἤδη καταλελυμένησ τῆσ τυραννίδοσ.

οἱ δὲ Καμπανοὶ ταῖσ ἐπαγγελίαισ μετεωρισθέντεσ τὸ μὲν πρῶτον ἐπ’ Ἀγύριον παρεγενήθησαν·

ἐκεῖ δὲ τὴν ἀποσκευὴν Ἄγυρι παραθέμενοι τῷ δυναστεύοντι τῆσ πόλεωσ ἐξώρμησαν ἐπὶ Συρακούσασ εὔζωνοι, τὸν ἀριθμὸν ὄντεσ ἱππεῖσ χίλιοι διακόσιοι. ταχὺ δὲ διανύσαντεσ τὴν ὁδὸν ἀπροσδοκήτωσ ἐπεφάνησαν τοῖσ Συρακοσίοισ, καὶ πολλοὺσ αὐτῶν ἀνελόντεσ εἰσεβιάσαντο πρὸσ τὸν Διονύσιον.

κατέπλευσαν δὲ καὶ τριακόσιοι μισθοφόροι τῷ τυράννῳ κατὰ τὸν αὐτὸν καιρόν, ὥστε αὐτὸν ἀνακῦψαι ταῖσ ἐλπίσιν. οἱ δὲ Συρακόσιοι πάλιν τῆσ δυναστείασ ἰσχυροποιουμένησ ἐστασίασαν πρὸσ ἀλλήλουσ, τῶν μὲν ἀποφαινομένων μένειν καὶ πολιορκεῖν, τῶν δὲ λύειν τὸ στρατόπεδον καὶ τὴν πόλιν ἐκλιπεῖν.

ἃ δὴ συνιδὼν ὁ Διονύσιοσ ἐξήγαγεν ἐπ’ αὐτοὺσ τὴν δύναμιν, καὶ τεταραγμένοισ ἐπιπεσὼν ῥᾳδίωσ ἐτρέψατο περὶ τὴν Νέαν πόλιν καλουμένην.

ἀνῃρέθησαν μὲν οὖν οὐ πολλοί· παριππεύων γὰρ ὁ Διονύσιοσ ἐκώλυσε φονεύειν τοὺσ φεύγοντασ· οἱ δὲ Συρακόσιοι παραχρῆμα μὲν κατὰ τὴν χώραν ἐσκεδάσθησαν, μετ’ ὀλίγον δὲ πρὸσ τοὺσ ἱππεῖσ εἰσ Αἴτνην ἠθροίσθησαν ὑπὲρ τοὺσ ἑπτακισχιλίουσ. Διονύσιοσ δὲ τοὺσ πεσόντασ τῶν Συρακοσίων θάψασ ἀπέστειλε πρέσβεισ εἰσ Αἴτνην, ἀξιῶν τοὺσ φυγάδασ διαλύεσθαι καὶ τὴν πατρίδα κατοικεῖν, διδοὺσ πίστιν μὴ μνησικακήσειν αὐτοῖσ.

τινὲσ μὲν οὖν τέκνα καὶ γυναῖκασ ἀπολελοιπότεσ ἠναγκάσθησαν πεισθῆναι τοῖσ παρακαλουμένοισ·

οἱ δὲ λοιποί, προφερομένων τῶν πρεσβευτῶν τὴν τοῦ Διονυσίου περὶ τὴν ταφὴν τῶν πεσόντων εὐεργεσίαν, ἔφασαν αὐτὸν ἄξιον εἶναι τυχεῖν τῆσ ὁμοίασ χάριτοσ, καὶ τοῖσ θεοῖσ ηὔχοντο τὴν ταχίστην αὐτὸν ἐπιδεῖν ταύτησ τυγχάνοντα. οὗτοι μὲν οὖν οὐδενὶ τρόπῳ βουληθέντεσ πιστεῦσαι τῷ τυράννῳ κατέμειναν ἐν Αἴτνῃ, καιρὸν ἐπιτηροῦντεσ κατ’ αὐτοῦ·

Διονύσιοσ δὲ τοῖσ μὲν κατελθοῦσι φυγάσι φιλανθρώπωσ ἐχρήσατο, βουλόμενοσ καὶ τοὺσ ἄλλουσ προτρέψασθαι κατελθεῖν εἰσ τὴν πατρίδα, τοὺσ δὲ Καμπανοὺσ ταῖσ καθηκούσαισ δωρεαῖσ τιμήσασ ἐξαπέστειλεν ἐκ τῆσ πόλεωσ, ὑφορώμενοσ αὐτῶν τὴν ἀβεβαιότητα. οἳ πορευθέντεσ εἰσ Ἔντελλαν, καὶ πείσαντεσ τοὺσ ἐν τῇ πόλει λαβεῖν ἑαυτοὺσ συνοίκουσ, νυκτὸσ ἐπιθέμενοι τοὺσ μὲν ἡβῶντασ ἀπέσφαξαν, τὰσ δὲ γυναῖκασ τῶν παρασπονδηθέντων γήμαντεσ κατέσχον τὴν πόλιν.

κατὰ δὲ τὴν Ἑλλάδα Λακεδαιμόνιοι καταλελυκότεσ τὸν Πελοποννησιακὸν πόλεμον ὁμολογουμένην ἔσχον τὴν ἡγεμονίαν καὶ τὴν κατὰ γῆν καὶ τὴν κατὰ θάλατταν.

καταστήσαντεσ δὲ ναύαρχον Λύσανδρον, τούτῳ προσέταξαν ἐπιπορεύεσθαι τὰσ πόλεισ, ἐν ἑκάστῃ τοὺσ παρ’ αὐτοῖσ καλουμένουσ ἁρμοστὰσ ἐγκαθιστάντα· ταῖσ γὰρ δημοκρατίαισ προσκόπτοντεσ οἱ Λακεδαιμόνιοι δι’ ὀλιγαρχίασ ἐβούλοντο τὰσ πόλεισ διοικεῖσθαι. ἔταξαν δὲ καὶ φόρουσ τοῖσ καταπολεμηθεῖσι, καὶ τὸν πρὸ τοῦ χρόνον οὐ χρώμενοι νομίσματι, τότε συνήθροιζον ἐκ τοῦ φόρου κατ’ ἐνιαυτὸν πλείω τῶν χιλίων ταλάντων.

ἐπεὶ δὲ τὰ κατὰ τὴν Ἑλλάδα πράγματα κατὰ τὴν ἰδίαν ἀξίαν διῴκησαν, ἀπέστειλαν Ἄριστον ἄνδρα τῶν ἐπιφανῶν εἰσ Συρακούσασ, τῷ μὲν λόγῳ προσποιούμενοι καταλύειν τὴν δυναστείαν, τῇ δ’ ἀληθείᾳ σπεύδοντεσ αὐξῆσαι τὴν τυραννίδα· ἤλπιζον γὰρ συγκατασκευάζοντεσ τὴν ἀρχὴν ὑπήκοον ἕξειν τὸν Διονύσιον διὰ τὰσ εὐεργεσίασ. ὁ δ’ Ἄριστοσ καταπλεύσασ εἰσ Συρακούσασ καὶ τῷ τυράννῳ λάθρᾳ περὶ τούτων διαλεχθείσ, τούσ τε Συρακοσίουσ ἀνασείων καὶ τὴν ἐλευθερίαν ἀποκαταστήσειν ἐπαγγειλάμενοσ, Νικοτέλην μὲν τὸν Κορίνθιον ἀνεῖλεν ἀφηγούμενον τῶν Συρακοσίων, τοὺσ δὲ πιστεύσαντασ προδοὺσ τὸν μὲν τύραννον ἰσχυρὸν κατέστησε, διὰ δὲ τῆσ πράξεωσ ταύτησ ἀσχημονεῖν ἐποίησεν αὑτὸν ἅμα καὶ τὴν πατρίδα.

Διονύσιοσ δὲ τοὺσ Συρακοσίουσ ἐπὶ τὸν θερισμὸν ἀποστείλασ ἐπῆλθε τὰσ οἰκίασ, καὶ τὰ μὲν ὅπλα πάντων ἀφείλετο, μετὰ δὲ ταῦθ’ ἕτερον τεῖχοσ ᾠκοδόμει περὶ τὴν ἀκρόπολιν, καὶ ναῦσ τε κατεσκευάζετο, συνῆγε δὲ καὶ μισθοφόρων πλῆθοσ, καὶ τὰ λοιπὰ παρεσκευάζετο πρὸσ τὴν ἀσφάλειαν τῆσ τυραννίδοσ, ὡσ ἂν ἔργοισ ἤδη πεῖραν εἰληφὼσ ὅτι πᾶν ὑπομένουσιν οἱ Συρακόσιοι χάριν τοῦ μὴ δουλεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 8

(디오도로스 시켈로스, Library, book xiv, chapter 8)

상위

목록

SEARCH

MENU NAVIGATION