헬라어 문장 검색 - Διοδορ́Λιβραρψ́7́61́

(디오도로스 시켈로스, Library, book xiv, chapter 104)

διανυσάντων δ’ αὐτῶν τὸ πλεῖστον τῆσ ὁδοῦ καὶ στρατοπεδευσάντων πρὸσ τὸν Ἐλέπορον ποταμόν, ἀνέζευξεν ὁ Διονύσιοσ ἀπὸ τῆσ πόλεωσ καὶ συνήντα τοῖσ Ἰταλιώταισ. ὁ μὲν οὖν Ἕλωρισ μετὰ τῶν ἀρίστων πεντακοσίων προηγεῖτο τῆσ δυνάμεωσ, ὁ δὲ Διονύσιοσ ἔτυχε μὲν ἀπὸ τεσσαράκοντα σταδίων ἐστρατοπεδευκὼσ τῶν ἐναντίων, διὰ δὲ τῶν κατασκόπων μαθὼν ἐγγὺσ ὄντασ τοὺσ πολεμίουσ, ὄρθρου τὴν δύναμιν ἐγείρασ προήγαγεν εἰσ τοὔμπροσθεν. ἅμα δ’ ἡμέρᾳ τοῖσ περὶ τὸν Ἕλωριν ὀλίγοισ οὖσιν ἀπαντήσασ ἄφνω προσεμάχετο, καὶ διεσκευασμένην ἔχων τὴν δύναμιν ἀνοχὴν οὐδ’ ἡντινοῦν ἐδίδου τοῖσ πολεμίοισ.

ὁ δ’ Ἕλωρισ εἰσ πολλὴν ἐμπεσὼν ἀπορίαν, αὐτὸσ μὲν μεθ’ ὧν εἶχεν ὑπέστη τοὺσ ἐπιφερομένουσ, τῶν δὲ φίλων τινὰσ ἀπέστειλεν ἐπὶ τὸ στρατόπεδον, ἐπισπεῦσαι τὰ πλήθη παρακελευόμενοσ.

ὧν ταχέωσ ποιησάντων τὸ προσταχθέν, οἱ μὲν Ἰταλιῶται πυθόμενοι τὸν στρατηγὸν καὶ τοὺσ μετ’ αὐτοῦ κινδυνεύοντασ δρομαῖοι παρῆσαν ἐπὶ τὴν βοήθειαν, ὁ δὲ Διονύσιοσ ἀθρόᾳ τῇ δυνάμει περιχυθεὶσ τόν θ’ Ἕλωριν καὶ τοὺσ μετ’ αὐτοῦ γενναίωσ ἀγωνισαμένουσ σχεδὸν ἅπαντασ ἀνεῖλε. τῶν δ’ Ἰταλιωτῶν σποράδην διὰ τὴν σπουδὴν ἐκβοηθούντων, οἱ Σικελιῶται τὰσ τάξεισ διαφυλάττοντεσ ῥᾳδίωσ τῶν πολεμίων περιεγίνοντο.

οὐ μὴν ἀλλ’ ἐπὶ μέν τινα χρόνον οἱ κατὰ τὴν Ἰταλίαν Ἕλληνεσ ὑπέμενον τὸν κίνδυνον, καίπερ ἑαυτῶν πολλοὺσ ὁρῶντεσ ἀναιρουμένουσ· ὡσ δὲ τὴν τοῦ στρατηγοῦ τελευτὴν ἐπύθοντο καὶ διὰ τὸν θόρυβον ἀλλήλοισ ἐμπίπτοντεσ ἠλαττοῦντο μεγάλωσ, τότε δὴ τελέωσ ἀθυμήσαντεσ ἐτράπησαν. πολλῶν δ’ ἀναιρουμένων ἐν τῇ κατὰ τὸ πεδίον τροπῇ, κατέφυγε τὸ πλῆθοσ ἐπί τινα λόφον, ἐρυμνὸν μὲν ὄντα πρὸσ τὴν πολιορκίαν, ἄνυδρον δὲ καὶ δυνάμενον ῥᾳδίωσ ὑπὸ τῶν πολεμίων φυλάττεσθαι.

ὃν ὁ Διονύσιοσ περιστρατοπεδεύσασ τήν τε ἡμέραν ἐκείνην καὶ τὴν νύκτα διηγρύπνησεν ἐν τοῖσ ὅπλοισ, ἐπιμελῶσ ταῖσ φυλακαῖσ χρησάμενοσ. τῇ δ’ ὑστεραίᾳ διὰ τὸ καῦμα καὶ τὴν ἀνυδρίαν οἱ συμπεφευγότεσ κακῶσ ἀπήλλαττον. ἐπικηρυκευσαμένων δ’ αὐτῶν πρὸσ τὸν Διονύσιον καὶ παρακαλούντων λύτρα πράξασθαι, οὐ μέτριοσ ἐν τοῖσ εὐημερήμασι γενόμενοσ προσέταττεν ἀποθέσθαι τὰ ὅπλα καὶ σφᾶσ αὐτοὺσ ἐγχειρίσαι τῷ κρατοῦντι.

σκληροῦ δὲ τοῦ προστάγματοσ ὄντοσ, μέχρι μέν τινοσ διεκαρτέρουν, ὡσ δ’ ὑπὸ τῆσ φυσικῆσ ἀνάγκησ κατεβαροῦντο, παρέδωκαν αὑτοὺσ περὶ ὀγδόην ὡρ́αν, ἤδη τὰ σώματα παρειμένοι. Διονύσιοσ δὲ λαβὼν ῥάβδον καὶ πατάξασ ἐπὶ τοῦ ἐδάφουσ ἠρίθμει τοὺσ καταβαίνοντασ αἰχμαλώτουσ, ὄντασ πλείουσ τῶν μυρίων.

καὶ πάντων αὐτοῦ ὑποπτευόντων τὸ θηριῶδεσ, τοὐναντίον ἐφάνη πάντων ἐπιεικέστατοσ· τούσ τε γὰρ αἰχμαλώτουσ ἀφῆκεν αὐτεξουσίουσ χωρὶσ λύτρων καὶ πρὸσ τὰσ πλείστασ τῶν πόλεων εἰρήνην συνθέμενοσ ἀφῆκεν αὐτονόμουσ.

ἐπὶ δὲ τούτοισ ἐπαίνου τυχὼν ὑπὸ τῶν εὖ παθόντων χρυσοῖσ στεφάνοισ ἐτιμήθη, καὶ σχεδὸν τοῦτ’ ἔδοξε πρᾶξειν ἐν τῷ ζῆν κάλλιστον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 104

(디오도로스 시켈로스, Library, book xiv, chapter 104)

상위

목록

SEARCH

MENU NAVIGATION