헬라어 문장 검색 - Διοδορ́Λιβραρψ́7́36́

(디오도로스 시켈로스, Library, book xiv, chapter 62)

μετὰ δὲ ταῦτα Διονύσιοσ μὲν καταπεπληγμένοσ τοὺσ Καρχηδονίουσ, ἀπέστειλε πρεσβευτὴν πρόσ τε τοὺσ κατ’ Ἰταλίαν Ἕλληνασ καὶ πρὸσ Λακεδαιμονίουσ, ἔτι δὲ Κορινθίουσ, Πολύξενον τὸν κηδεστήν, δεόμενοσ βοηθεῖν καὶ μὴ περιιδεῖν τὰσ ἐν Σικελίᾳ πόλεισ τῶν Ἑλλήνων ἄρδην ἀναιρουμένασ. ἔπεμψε δὲ καὶ ξενολόγουσ εἰσ Πελοπόννησον μετὰ πολλῶν χρημάτων, ἐντειλάμενοσ ὡσ πλείστουσ ἀθροίζειν στρατιώτασ, μὴ φειδομένουσ τῶν μισθῶν. Ἰμίλκων δὲ τοῖσ ἀπὸ τῶν πολεμίων σκύλοισ κοσμήσασ τὰσ ναῦσ κατέπλευσεν εἰσ τὸν μέγαν λιμένα τῶν Συρακοσίων, καὶ πολλὴν τοῖσ ἐν τῇ πόλει κατάπληξιν ἐπέστησεν.

διακόσιαι μὲν γὰρ καὶ πεντήκοντα μακραὶ ναῦσ εἰσέπλεον ἐν τάξει τὰσ εἰρεσίασ ποιούμεναι καὶ τοῖσ ἐκ τοῦ πολέμου λαφύροισ πολυτελῶσ κεκοσμημέναι, μετὰ δὲ ταῦτα αἱ φορτηγοὶ ναῦσ εἰσθεόμεναι μὲν ὑπὲρ τρισχιλίασ, φέρουσαι δὲ πλείουσ τῶν πεντακοσίων, αἱ δὲ πᾶσαι σχεδὸν δισχίλιαι. διὸ καὶ συνέβαινε τὸν λιμένα τῶν Συρακοσίων, καίπερ ὄντα μέγαν, ἐμπεφράχθαι μὲν τοῖσ σκάφεσι, συγκαλύπτεσθαι δὲ σχεδὸν ἅπαντα τοῖσ ἱστίοισ. τούτων δὲ καθορμισθεισῶν εὐθὺσ καὶ τὸ πεζὸν στρατόπεδον ἐκ θατέρου μέρουσ ἀντιπαρῆγε, συνεστηκόσ, ὡσ μέν τινεσ ἀνέγραψαν, ἐκ τριάκοντα μυριάδων πεζῶν, ἱππέων δὲ τρισχιλίων.

ὁ μὲν οὖν στρατηγὸσ τῶν δυνάμεων Ἰμίλκων κατεσκήνωσεν ἐν τῷ τοῦ Διὸσ νεῴ, τὸ δὲ λοιπὸν πλῆθοσ ἐν τῷ παρακειμένῳ τόπῳ κατεστρατοπέδευσεν, ἀπέχον τῆσ πόλεωσ σταδίουσ δώδεκα. μετὰ δὲ ταῦτα Ἰμίλκων ἐξήγαγε τὴν στρατιὰν ἅπασαν, καὶ πρὸ τῶν τειχῶν ἐξέταξε τὴν δύναμιν, εἰσ μάχην προκαλούμενοσ τοὺσ Συρακοσίουσ.

ἐπέπλευσε δὲ καὶ τοῖσ λιμέσιν ἑκατὸν ναυσὶ ταῖσ ἀρίσταισ, ὅπωσ καταπλήξηται τοὺσ κατὰ τὴν πόλιν καὶ συναναγκάσῃ συγχωρεῖν ἥττουσ εἶναι καὶ κατὰ θάλατταν. οὐδενὸσ δ’ ἐπεξιέναι τολμῶντοσ τότε μὲν ἀπῆγε τὴν δύναμιν εἰσ τὴν στρατοπεδείαν, μετὰ δὲ ταῦτ’ ἐφ’ ἡμέρασ τριάκοντα τὴν χώραν ἐπῄει δενδροτομῶν καὶ πᾶσαν φθείρων, ὅπωσ ἅμα μὲν τοὺσ στρατιώτασ πληρώσῃ παντοίασ ὠφελείασ, ἅμα δὲ τοὺσ ἐντὸσ τῶν τειχῶν εἰσ ἀθυμίαν καταστήσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 62

(디오도로스 시켈로스, Library, book xiv, chapter 62)

상위

목록

SEARCH

MENU NAVIGATION