헬라어 문장 검색 - Διοδορ́Λιβραρψ́7́29́

(디오도로스 시켈로스, Library, book xiv, chapter 52)

οἱ δὲ Μοτυηνοὶ τὸ μέγεθοσ τοῦ κινδύνου λογιζόμενοι, καὶ τῶν γυναικῶν καὶ τῶν τέκνων ἐν ὀφθαλμοῖσ ὄντων, τῷ περὶ τούτων φόβῳ προθυμότερον ἠγωνίζοντο. οἱ μὲν γὰρ γονέων παρεστώτων καὶ δεομένων μὴ περιιδεῖν αὐτοὺσ τῇ τούτων ὕβρει παραδιδομένουσ ἐπηγείροντο ταῖσ ψυχαῖσ, οὐδεμίαν φειδὼ τοῦ ζῆν ποιούμενοι, οἱ δὲ γυναικῶν καὶ νηπίων τέκνων θρῆνον ἀκούοντεσ ἔσπευδον εὐγενῶσ ἀποθανεῖν, πρὶν ἐπιδεῖν τὴν τῶν τέκνων αἰχμαλωσίαν· οὐδὲ γὰρ φυγεῖν ἐκ τῆσ πόλεωσ ἦν, ὡσ ἂν περιεχούσησ μὲν θαλάττησ, τῶν δὲ πολεμίων θαλαττοκρατούντων.

ἐξέπληττέ τε καὶ μάλιστα ἀπογινώσκειν ἐποίει τοὺσ Φοίνικασ τὸ ὠμῶσ κεχρῆσθαι τοῖσ τῶν Ἑλλήνων ἡλωκόσιν, οἷσ ταὐτὸ προσεδόκων πείσεσθαι. ἀπελείπετ’ οὖν αὐτοῖσ εὐγενῶσ μαχομένοισ ἢ νικᾶν ἢ τελευτᾶν. τοιαύτησ δὲ παραστάσεωσ ἐμπεσούσησ εἰσ τὰσ τῶν πολιορκουμένων ψυχάσ, συνέβαινε τοὺσ Σικελιώτασ εἰσ πολλὴν ἀπορίαν ἐμπίπτειν.

ἀπὸ γὰρ τῶν ἐπερεισθεισῶν σανίδων μαχόμενοι κακῶσ ἀπήλλαττον διά τε τὴν στενοχωρίαν καὶ διὰ τὸ τοὺσ ἐναντίουσ ἀπονενοημένωσ κινδυνεύειν, ὡσ ἂν ἀπογινώσκοντασ τὸ ζῆν·

ὥσθ’ οἱ μὲν εἰσ χεῖρασ συμπλεκόμενοι καὶ τραύματα διδόντεσ καὶ λαμβάνοντεσ ἀπέθνησκον, οἱ δ’ ὑπὸ τῶν Μοτυαίων ἐξωθούμενοι καὶ ἀπὸ τῶν σανίδων ἀποπίπτοντεσ εἰσ τὴν γῆν ἀπώλλυντο. τέλοσ δ’ ἐφ’ ἡμέρασ τοιαύτησ τινὸσ τῆσ πολιορκίασ γινομένησ, Διονύσιοσ αἰεὶ πρὸσ τὴν ἑσπέραν τῇ σάλπιγγι τοὺσ μαχομένουσ ἀνακαλούμενοσ ἔλυε τὴν πολιορκίαν.

εἰσ τοιαύτην δὲ συνήθειαν τοὺσ Μοτυαίουσ ἀγαγών, ἐπειδὴ παρ’ ἑκατέρων οἱ κινδυνεύοντεσ ἀπῆλθον, ἀπέστειλεν Ἀρχύλον τὸν Θούριον μετὰ τῶν ἐπιλέκτων· οὗτοσ δ’ ἤδη νυκτὸσ οὔσησ προσήρεισε ταῖσ πεπτωκυίαισ οἰκίαισ κλίμακασ, δι’ ὧν ἀναβὰσ καὶ καταλαβόμενόσ τινα τόπον εὔκαιρον παρεδέχετο τοὺσ περὶ τὸν Διονύσιον.

οἱ δὲ Μοτυαῖοι τὸ γεγενημένον αἰσθόμενοι παραυτίκα μετὰ πάσησ σπουδῆσ παρεβοήθουν, καὶ τῶν καιρῶν ὑστεροῦντεσ οὐδὲν ἧττον ὑπέστησαν τὸν κίνδυνον.

γενομένησ δὲ τῆσ μάχησ ἰσχυρᾶσ καὶ πολλῶν προσαναβάντων, μόγισ οἱ Σικελιῶται τῷ πλήθει κατεπόνησαν τοὺσ ἀνθεστηκότασ. εὐθὺσ δὲ καὶ διὰ τοῦ χώματοσ ἡ δύναμισ ἅπασα τοῦ Διονυσίου παρεισέπεσεν εἰσ τὴν πόλιν, καὶ πᾶσ τόποσ ἔγεμε τῶν ἀναιρουμένων·

οἱ γὰρ Σικελιῶται ὠμότητα ὠμότητι σπεύδοντεσ ἀμύνεσθαι, πάντασ ἑξῆσ ἀνῄρουν, ἁπλῶσ οὐ παιδόσ, οὐ γυναικόσ, οὐ πρεσβύτου φειδόμενοι. Διονύσιοσ δὲ βουλόμενοσ ἐξανδραποδίσασθαι τὴν πόλιν, ὅπωσ ἀθροισθῇ χρήματα, τὸ μὲν πρῶτον ἀνεῖργε τοὺσ στρατιώτασ τοῦ φονεύειν τοὺσ αἰχμαλώτουσ·

ὡσ δ’ οὐδεὶσ αὐτῷ προσεῖχεν, ἀλλ’ ἑώρα τὴν τῶν Σικελιωτῶν ὁρμὴν ἀκατάσχετον οὖσαν, παρεστήσατο κήρυκασ τοὺσ μετὰ βοῆσ δηλώσοντασ τοῖσ Μοτυαίοισ φυγεῖν εἰσ τὰ παρὰ τοῖσ Ἕλλησιν ἱερὰ τιμώμενα. οὗ γενηθέντοσ οἱ μὲν στρατιῶται τοῦ φονεύειν ἔληγον, ἐπὶ δὲ τὴν τῶν κτήσεων διαρπαγὴν ὡρ́μησαν·

καὶ διεφορεῖτο πολὺσ μὲν ἄργυροσ, οὐκ ὀλίγοσ δὲ χρυσόσ, καὶ ἐσθῆτεσ πολυτελεῖσ καὶ τῆσ ἄλλησ εὐδαιμονίασ πλῆθοσ. τὴν δὲ τῆσ πόλεωσ διαρπαγὴν ἔδωκεν ὁ Διονύσιοσ τοῖσ στρατιώταισ, βουλόμενοσ προθύμουσ αὐτοὺσ ποιῆσαι πρὸσ τοὺσ ἐπιφερομένουσ κινδύνουσ. ἀπὸ δὲ τούτων γενόμενοσ Ἀρχύλον τὸν ἀναβάντα πρῶτον ἐπὶ τὸ τεῖχοσ ἑκατὸν μναῖσ ἐστεφάνωσεν, τῶν δ’ ἄλλων κατὰ τὴν ἀξίαν ἕκαστον τῶν ἠνδραγαθηκότων ἐτίμησεν, καὶ τῶν Μοτυαίων τοὺσ περιλειφθέντασ ἐλαφυροπώλησεν·

Δαϊμένην δὲ καί τινασ τῶν Ἑλλήνων συμμαχοῦντασ Καρχηδονίοισ λαβὼν αἰχμαλώτουσ ἀνεσταύρωσεν. μετὰ δὲ ταῦτα φύλακασ τῆσ πόλεωσ καταστήσασ, Βίτωνα τὸν Συρακόσιον φρούραρχον ἀπέδειξε·

τὸ δὲ πλεῖον μέροσ ἐκ τῶν Σικελῶν ὑπῆρχεν. καὶ Λεπτίνην μὲν τὸν ναύαρχον μετὰ νεῶν εἴκοσι καὶ ἑκατὸν ἐκέλευσεν παρατηρεῖν τὴν διάβασιν τῶν Καρχηδονίων, συνέταξε δ’ αὐτῷ τὴν Αἴγεσταν καὶ τὴν Ἔντελλαν πολιορκεῖν, καθάπερ ἐξ ἀρχῆσ πορθεῖν αὐτὰσ ἐνεστήσατο· αὐτὸσ δὲ τοῦ θέρουσ ἤδη λήγοντοσ ἀνέζευξε μετὰ τῆσ δυνάμεωσ εἰσ Συρακούσασ. ἐν δὲ ταῖσ Ἀθήναισ Σοφοκλῆσ ὁ Σοφοκλέουσ τραγῳδίαν διδάσκειν ἤρξατο, καὶ νίκασ ἔσχε δεκαδύο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 52

(디오도로스 시켈로스, Library, book xiv, chapter 52)

상위

목록

SEARCH

MENU NAVIGATION