헬라어 문장 검색 - Διοδορ́Λιβραρψ́7́46́

(디오도로스 시켈로스, Library, book xiv, chapter 79)

κατὰ δὲ τὴν Ἑλλάδα Λακεδαιμόνιοι προορώμενοι τὸ μέγεθοσ τοῦ πρὸσ Πέρσασ πολέμου, τὸν ἕτερον τῶν βασιλέων Ἀγησίλαον ἐπέστησαν τοῖσ πράγμασιν. οὗτοσ δ’ ἑξακισχιλίουσ στρατιώτασ ἐπιλέξασ, τριάκοντα δὲ τῶν πολιτῶν εἰσ τὸ συνέδριον τοὺσ ἀρίστουσ κατατάξασ, διεβίβασε τὴν δύναμιν ἐκ τῆσ Αὐλίδοσ εἰσ Ἔφεσον. ἐκεῖ δὲ στρατολογήσασ τετρακισχιλίουσ, προήγαγε τὴν δύναμιν εἰσ ὕπαιθρον, οὖσαν πεζῶν μὲν μυρίων, ἱππέων δὲ τετρακοσίων·

ἠκολούθει δ’ ἀγοραῖοσ αὐτοῖσ ὄχλοσ καὶ τῆσ ἁρπαγῆσ χάριν οὐκ ἐλάττων τοῦ προειρημένου. διεξιὼν δὲ τὸ Καύ̈στριον πεδίον, διέφθειρε τὴν χώραν τὴν ὑπὸ τοὺσ Πέρσασ οὖσαν, μέχρι ὅτου κατήντησεν εἰσ Κύμην.

ἐκεῖθεν δ’ ὁρμηθεὶσ τὸ πλεῖστον τοῦ θέρουσ τήν τε Φρυγίαν καὶ τὰ συνεχῆ διετέλεσε πορθῶν, καὶ τὴν δύναμιν ἐμπλήσασ ὠφελείασ ὑπὸ τὸ φθινόπωρον ἀνέκαμψεν εἰσ Ἔφεσον. τούτων δὲ πραττομένων Λακεδαιμόνιοι μὲν πρέσβεισ ἀπέστειλαν πρὸσ Νεφερέα τὸν Αἰγύπτου βασιλέα περὶ συμμαχίασ, ὃσ ἀντὶ τῆσ βοηθείασ ἐδωρήσατο σκευὴν τοῖσ Σπαρτιάταισ ἑκατὸν τριήρεσι, σίτου δὲ μυριάδασ πεντήκοντα.

Φάραξ δὲ ὁ τῶν Λακεδαιμονίων ναύαρχοσ ἀναχθεὶσ ἐκ Ῥόδου ναυσὶν ἑκατὸν εἴκοσι κατέπλευσε τῆσ Καρίασ πρὸσ Σάσανδα, φρούριον ἀπέχον τῆσ Καύνου σταδίουσ ἑκατὸν πεντήκοντα. ἐκεῖθεν δὲ ὁρμώμενοσ ἐπολιόρκει τὴν Καῦνον, καὶ Κόνωνα μὲν τὸν τοῦ βασιλικοῦ στόλου τὴν ἡγεμονίαν ἔχοντα, διατρίβοντα δ’ ἐν Καύνῳ μετὰ νεῶν τεσσαράκοντα.

Ἀρταφέρνουσ δὲ καὶ Φαρναβάζου μετὰ πολλῆσ δυνάμεωσ παραβοηθήσαντοσ τοῖσ Καυνίοισ, ὁ Φάραξ ἔλυσε τὴν πολιορκίαν καὶ μετὰ τοῦ στόλου παντὸσ ἀπῆρεν εἰσ Ῥόδον. μετὰ δὲ ταῦτα Κόνων μὲν ἀθροίσασ ὀγδοήκοντα τριήρεισ ἔπλευσεν εἰσ Χερρόνησον, Ῥόδιοι δ’ ἐκβαλόντεσ τὸν τῶν Πελοποννησίων στόλον ἀπέστησαν ἀπὸ Λακεδαιμονίων, καὶ τὸν Κόνωνα προσεδέξαντο μετὰ τοῦ στόλου παντὸσ εἰσ τὴν πόλιν.

οἱ δ’ ἐκ τῆσ Αἰγύπτου τὸν δωρηθέντα σῖτον κατακομίζοντεσ Λακεδαιμόνιοι τὴν ἀπόστασιν τῶν Ῥοδίων ἀγνοοῦντεσ τεθαρρηκότεσ προσέπλεον τῇ νήσῳ·

Ῥόδιοι δὲ καὶ Κόνων ὁ τῶν Περσῶν ναύαρχοσ καταγαγόντεσ τὰσ ναῦσ εἰσ τοὺσ λιμένασ ἐπλήρωσαν σίτου τὴν πόλιν. παρεγενήθησαν δὲ τῷ Κόνωνι τριήρεισ ἐνενήκοντα, δέκα μὲν ἀπὸ Κιλικίασ, ὀγδοήκοντα δ’ ἀπὸ Φοινίκησ, ὧν ὁ Σιδωνίων δυνάστησ εἶχε τὴν ἡγεμονίαν.

μετὰ δὲ ταῦτα Ἀγησίλαοσ μὲν ἐξαγαγὼν τὴν δύναμιν εἰσ τὸ Καύ̈στρου πεδίον καὶ τὴν περὶ Σίπυλον χώραν, ἐδῄωσε τὰσ τῶν ἐγχωρίων κτήσεισ·

Τισσαφέρνησ δὲ μυρίουσ μὲν ἱππεῖσ, πεντακισμυρίουσ δὲ πεζοὺσ ἀθροίσασ, ἐπηκολούθει τοῖσ Λακεδαιμονίοισ καὶ τοὺσ ἀποσπωμένουσ τῆσ τάξεωσ ἐν ταῖσ προνομαῖσ ἀνῄρει. Ἀγησίλαοσ δὲ εἰσ πλινθίον συντάξασ τοὺσ στρατιώτασ ἀντείχετο τῆσ παρὰ τὸν Σίπυλον παρωρείασ, ἐπιτηρῶν καιρὸν εὔθετον εἰσ τὴν τῶν πολεμίων ἐπίθεσιν. ἐπελθὼν δὲ τὴν χώραν μέχρι Σάρδεων ἔφθειρε τούσ τε κήπουσ καὶ τὸν παράδεισον τὸν Τισσαφέρνουσ, φυτοῖσ καὶ τοῖσ ἄλλοισ πολυτελῶσ πεφιλοτεχνημένον εἰσ τρυφὴν καὶ τὴν ἐν εἰρήνῃ τῶν ἀγαθῶν ἀπόλαυσιν.

μετὰ δὲ ταῦτ’ ἐπιστρέψασ, ὡσ ἀνὰ μέσον ἐγενήθη τῶν τε Σάρδεων καὶ Θυβάρνων, ἀπέστειλε Ξενοκλέα τὸν Σπαρτιάτην μετὰ χιλίων καὶ τετρακοσίων στρατιωτῶν νυκτὸσ εἴσ τινα δασὺν τόπον, ὅπωσ ἐνεδρεύσῃ τοὺσ βαρβάρουσ. αὐτὸσ δ’ ἅμ’ ἡμέρᾳ πορευόμενοσ μετὰ τῆσ δυνάμεωσ, ἐπειδὴ τὴν μὲν ἐνέδραν παρήλλαξεν, οἱ δὲ βάρβαροι προσπίπτοντεσ ἀτάκτωσ τοῖσ ἐπὶ τῆσ οὐραγίασ ἐξήπτοντο, παραδόξωσ ἐξαίφνησ ἐπέστρεψεν ἐπὶ τοὺσ Πέρσασ.

γενομένησ δὲ καρτερᾶσ μάχησ, καὶ τοῦ συσσήμου τοῖσ κατὰ τὴν ἐνέδραν οὖσιν ἀρθέντοσ, ἐκεῖνοι μὲν παιανίσαντεσ ἐπεφέροντο τοῖσ πολεμίοισ, οἱ δὲ Πέρσαι θεωροῦντεσ αὑτοὺσ ἀπολαμβανομένουσ εἰσ μέσον κατεπλάγησαν καὶ παραχρῆμα ἔφευγον. οἱ δὲ περὶ τὸν Ἀγησίλαον μέχρι μέν τινοσ ἐπιδιώξαντεσ ἀνεῖλαν μὲν ὑπὲρ τοὺσ ἑξακισχιλίουσ, αἰχμαλώτων δὲ πολὺ πλῆθοσ ἤθροισαν, τὴν δὲ παρεμβολὴν διήρπασαν, γέμουσαν πολλῶν ἀγαθῶν.

ἀπὸ δὲ τῆσ μάχησ Τισσαφέρνησ μὲν εἰσ Σάρδεισ ἀπεχώρησε καταπεπληγμένοσ τὴν τόλμαν τῶν Λακεδαιμονίων, Ἀγησίλαοσ δ’ ἐπεχείρησε μὲν εἰσ τὰσ ἄνω σατραπείασ, ἐν δὲ τοῖσ ἱεροῖσ οὐ δυνάμενοσ καλλιερῆσαι πάλιν ἀπήγαγε τὴν δύναμιν ἐπὶ θάλατταν.

Ἀρταξέρξησ δὲ ὁ τῆσ Ἀσίασ βασιλεὺσ τά τε ἐλαττώματα πυθόμενοσ καὶ κατορρωδῶν τὸν πρὸσ τοὺσ Ἕλληνασ πόλεμον, δι’ ὀργῆσ εἶχε τὸν Τισσαφέρνην.

τοῦτον γὰρ αἴτιον τοῦ πολέμου γεγονέναι ὑπελάμβανε· καὶ ὑπὸ τῆσ μητρὸσ δὲ Παρυσάτιδοσ ἦν ἠξιωμένοσ τιμωρήσασθαι τὸν Τισσαφέρνην· εἶχε γὰρ αὕτη διαφόρωσ πρὸσ αὐτὸν ἐκ τοῦ διαβεβληκέναι τὸν υἱὸν αὐτῆσ Κῦρον, ὅτε τὴν ἐπὶ τὸν ἀδελφὸν στρατείαν ἐποιεῖτο. καταστήσασ οὖν Τιθραύστην ἡγεμόνα, τούτῳ μὲν παρήγγειλε συλλαμβάνειν Τισσαφέρνην, πρὸσ δὲ τὰσ πόλεισ καὶ τοὺσ σατράπασ ἔπεμψεν ἐπιστολὰσ ὅπωσ πάντεσ τούτῳ ποιῶσι τὸ προσταττόμενον.

ὁ δὲ Τιθραύστησ παραγενόμενοσ εἰσ Κολοσσὰσ τῆσ Φρυγίασ συνέλαβε τὸν Τισσαφέρνην διά τινοσ Ἀριαίου σατράπου λουόμενον, καὶ τὴν κεφαλὴν ἀποκόψασ ἀπέστειλε πρὸσ τὸν βασιλέα·

αὐτὸσ δὲ τὸν Ἀγησίλαον πείσασ εἰσ λόγουσ ἐλθεῖν ἑξαμηνιαίουσ ἀνοχὰσ ἐποιήσατο. τῶν δὲ κατὰ τὴν Ἀσίαν τοῦτον τὸν τρόπον διῳκημένων, Φωκεῖσ πρὸσ Βοιωτοὺσ ἔκ τινων ἐγκλημάτων εἰσ πόλεμον καταστάντεσ ἔπεισαν τοὺσ Λακεδαιμονίουσ συμμαχεῖν κατὰ τῶν Βοιωτῶν.

καὶ τὸ μὲν πρῶτον αὐτοῖσ ἀπέστειλαν Λύσανδρον μετὰ στρατιωτῶν ὀλίγων, ὃσ εἰσελθὼν εἰσ τὴν Φωκίδα συνήγαγε δύναμιν· μετὰ δὲ ταῦτα καὶ Παυσανίασ ὁ βασιλεὺσ ἐξεπέμφθη μετὰ στρατιωτῶν ἑξακισχιλίων. Βοιωτοὶ δὲ πείσαντεσ Ἀθηναίουσ συνεπιλαβέσθαι τοῦ πολέμου, τότε μὲν καθ’ αὑτοὺσ ὡρ́μησαν, καὶ κατέλαβον Ἁλίαρτον ὑπὸ Λυσάνδρου καὶ Φωκέων πολιορκουμένην.

γενομένησ δὲ μάχησ ὅ τε Λύσανδροσ ἔπεσε καὶ τῶν Λακεδαιμονίων καὶ τῶν συμμάχων πολλοί, τῶν δὲ Βοιωτῶν ἡ μὲν ὅλη φάλαγξ ταχέωσ ἐπέστρεψεν ἀπὸ τοῦ διωγμοῦ, τῶν δὲ Θηβαίων ὡσ διακόσιοι προχειρότερον εἰσ τόπουσ τραχεῖσ ἑαυτοὺσ δόντεσ ἀνῃρέθησαν. ὁ μὲν οὖν πόλεμοσ οὗτοσ ἐκλήθη Βοιωτικόσ, Παυσανίασ δὲ ὁ τῶν Λακεδαιμονίων βασιλεὺσ πυθόμενοσ τὴν ἧτταν ἀνοχὰσ ἐποιήσατο πρὸσ Βοιωτοὺσ καὶ τὴν δύναμιν ἀπήγαγε πρὸσ Πελοπόννησον.

Κόνων δ’ ὁ τῶν Περσῶν ναύαρχοσ ἐπὶ μὲν τοῦ στόλου κατέστησεν Ιἑρώνυμον καὶ Νικόδημον Ἀθηναίουσ ὄντασ, αὐτὸσ δὲ σπεύδων ἐντυχεῖν τῷ βασιλεῖ παρέπλευσεν εἰσ Κιλικίαν, κἀκεῖθεν εἰσ Θάψακον τῆσ Συρίασ πορευθεὶσ ἀνὰ τὸν Εὐφράτην ποταμὸν ἔπλευσεν εἰσ Βαβυλῶνα.

ἐκεῖ δ’ ἐντυχὼν τῷ βασιλεῖ καταναυμαχήσειν ἐπηγγείλατο τοὺσ Λακεδαιμονίουσ, ἂν αὐτῷ χρήματα καὶ τὴν ἄλλην παρασκευὴν ἑτοιμάσῃ κατὰ τὴν ἑαυτοῦ προαίρεσιν.

ὁ δ’ Ἀρταξέρξησ ἐπαινέσασ αὐτὸν καὶ δωρεαῖσ μεγάλαισ τιμήσασ, συνέστησε ταμίαν τὸν χορηγήσοντα χρημάτων πλῆθοσ ὅσον ἂν προστάττῃ Κόνων, καὶ τὴν ἐξουσίαν ἔδωκεν αὐτῷ λαβεῖν εἰσ τὸν πόλεμον συνηγησόμενον ὃν ἂν προαιρῆται Περσῶν.

Κόνων μὲν οὖν Φαρνάβαζον ἑλόμενοσ τὸν σατράπην κατέβαινεν εἰσ τὴν θάλατταν, ἅπαντα διῳκηκὼσ κατὰ τὴν ἑαυτοῦ διάνοιαν. τοῦ δ’ ἔτουσ τούτου διεληλυθότοσ Ἀθήνησι μὲν τὴν ἀρχὴν ἔλαβε Διόφαντοσ, ἐν Ῥώμῃ δ’ ἀντὶ τῶν ὑπάτων ἓξ χιλίαρχοι τὴν ὑπατικὴν ἀρχὴν διῴκουν, Λεύκιοσ Οὐαλέριοσ, Μάρκοσ Φούριοσ, Κόιντοσ Σερουίλιοσ, Κόιντοσ Σουλπίκιοσ.

τούτων δὲ τὴν ἀρχὴν παρειληφότων Βοιωτοὶ καὶ Ἀθηναῖοι, πρὸσ δὲ τούτοισ Κορίνθιοι καὶ Ἀργεῖοι, συμμαχίαν πρὸσ ἀλλήλουσ ἐποιήσαντο. μισουμένων γὰρ τῶν Λακεδαιμονίων ὑπὸ τῶν συμμάχων διὰ τὸ βάροσ τῆσ ἐπιστασίασ, ᾤοντο ῥᾳδίωσ καταλύσειν αὐτῶν τὴν ἡγεμονίαν, τὰσ μεγίστασ πόλεισ συμφρονούσασ ἔχοντεσ.

καὶ πρῶτον μὲν συνέδριον κοινὸν ἐν τῇ Κορίνθῳ συστησάμενοι τοὺσ βουλευσομένουσ ἔπεμπον καὶ κοινῶσ διῴκουν τὰ κατὰ τὸν πόλεμον, μετὰ δὲ ταῦτα πρέσβεισ εἰσ τὰσ πόλεισ ἀποστέλλοντεσ πολλοὺσ συμμάχουσ ἀπὸ Λακεδαιμονίων ἀπέστησαν· εὐθὺ γὰρ αὐτοῖσ ἥ τε Εὔβοια ἅπασα προσέθετο καὶ Λευκάδιοι, πρὸσ δὲ τούτοισ Ἀκαρνᾶνέσ τε καὶ Ἀμβρακιῶται καὶ Χαλκιδεῖσ οἱ πρὸσ τῇ Θρᾴκῃ.

ἐπεβάλοντο δὲ καὶ τοὺσ ἐν Πελοποννήσῳ κατοικοῦντασ πείθειν ἀποστῆναι Λακεδαιμονίων, οὐδεὶσ δ’ αὐτοῖσ ὑπήκουσεν·

ἡ γὰρ Σπάρτη κατὰ τὰ πλευρὰ κειμένη καθαπερεί τισ ἀκρόπολισ ἦν καὶ φρουρὰ πάσησ Πελοποννήσου. Μηδίου δὲ τοῦ τῆσ Λαρίσσησ τῆσ ἐν Θετταλίᾳ δυναστεύοντοσ διαπολεμοῦντοσ πρὸσ Λυκόφρονα τὸν Φερῶν τύραννον, καὶ δεομένου πέμψαι βοήθειαν, ἀπέστειλεν αὐτῷ τὸ συνέδριον στρατιώτασ δισχιλίουσ·

ὁ δὲ Μήδιοσ τῆσ συμμαχίασ αὐτῷ παραγενομένησ Φάρσαλον εἷλεν ὑπὸ Λακεδαιμονίων φρουρουμένην καὶ τοὺσ ἐν αὐτῇ κατοικοῦντασ ἐλαφυροπώλησεν.

μετὰ δὲ ταῦθ’ οἱ Βοιωτοὶ μετ’ Ἀργείων Ἡράκλειαν τὴν ἐν Τραχῖνι κατελάβοντο, χωρισθέντεσ ἀπὸ Μηδίου· καὶ νυκτὸσ ἐντὸσ τῶν τειχῶν ὑπό τινων εἰσαχθέντεσ Λακεδαιμονίουσ μὲν τοὺσ καταληφθέντασ ἀπέσφαξαν, τοὺσ δ’ ἀπὸ Πελοποννήσου τὰ σφῶν ἔχοντασ εἰάσαν ἀπελθεῖν. εἰσ δὲ τὴν πόλιν τοὺσ Τραχινίουσ φεύγοντασ ἐκ τῶν πατρίδων ὑπὸ Λακεδαιμονίων μεταπεμπόμενοι, τούτοισ ἔδωκαν τὴν πόλιν οἰκεῖν, οἳ καὶ παλαιότατοι τῆσ χώρασ ταύτησ ἦσαν οἰκήτορεσ.

μετὰ δὲ ταῦθ’ ὁ τῶν Βοιωτῶν ἀφηγούμενοσ Ἰσμηνίασ τοὺσ μὲν Ἀργείουσ ἐν τῇ πόλει κατέλιπε φυλακῆσ ἕνεκα, αὐτὸσ δὲ πείσασ ἀποστῆναι ἀπὸ Λακεδαιμονίων Αἰνιᾶνασ καὶ Ἀθαμᾶνασ ἤθροισε παρά τε τούτων καὶ τῶν συμμάχων στρατιώτασ· τοὺσ πάντασ δ’ ἔχων μικρὸν ἀπολείποντασ τῶν ἑξακισχιλίων ἐστράτευσεν εἰσ Φωκεῖσ. καταστρατοπεδεύοντοσ δ’ αὐτοῦ εἰσ Νάρυκα τῆσ Λοκρίδοσ, ἐξ ἧσ φασι τὸν Αἰάντα γεγενῆσθαι, τὸ πλῆθοσ τῶν Φωκέων ἀπήντησε μετὰ τῶν ὅπλων, τὴν ἡγεμονίαν ἔχοντοσ Ἀλκισθένουσ τοῦ Λάκωνοσ.

γενομένησ δὲ μάχησ ἐπὶ πολὺν χρόνον ἰσχυρᾶσ ἐκράτησαν οἱ Βοιωτοί, καὶ μέχρι νυκτὸσ διώξαντεσ τοὺσ φεύγοντασ ἀνεῖλον οὐ πολὺ λείποντασ τῶν χιλίων, τῶν δ’ ἰδίων ἀπέβαλον ἐν τῇ μάχῃ περὶ πεντακοσίουσ.

μετὰ δὲ τὴν παράταξιν ἀμφότεροι μὲν διέλυσαν τὸ στρατόπεδον εἰσ τὰσ ἰδίασ πατρίδασ·

οἱ δ’ εἰσ Κόρινθον τὸ συνέδριον ἀγαγόντεσ, ἐπεὶ κατὰ νοῦν αὐτοῖσ προεχώρει τὰ πράγματα, συνήγαγον ἐξ ἁπασῶν τῶν πόλεων στρατιώτασ εἰσ Κόρινθον, πεζοὺσ μὲν πλείουσ μυρίων πεντακισχιλίων, ἱππεῖσ δὲ περὶ πεντακοσίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 79

(디오도로스 시켈로스, Library, book xiv, chapter 79)

상위

목록

SEARCH

MENU NAVIGATION