헬라어 문장 검색 - Διοδορ́Λιβραρψ́7́60́

(디오도로스 시켈로스, Library, book xiv, chapter 101)

μετὰ δὲ ταῦτα Λευκανῶν τὴν Θουρίαν καταδραμόντων οἱ Θούριοι παρήγγειλαν τοῖσ συμμάχοισ κατὰ τάχοσ ἀπαντᾶν μετὰ τῶν ὅπλων· αἱ γὰρ κατὰ τὴν Ἰταλίαν Ἑλληνίδεσ πόλεισ ἐν ταῖσ συνθήκαισ εἶχον οὕτωσ, ἵν’ ἥτισ ἂν ὑπὸ τῶν Λευκανῶν λεηλατηθῇ χώρα, πρὸσ ταύτην ἅπαντεσ παραβοηθῶσιν· ἧσ δ’ ἂν πόλεωσ μὴ καταστῇ τὸ στρατόπεδον ἐπὶ τὴν βοήθειαν, τεθνάναι τοὺσ ἐκείνησ τῆσ πόλεωσ στρατηγούσ. διόπερ τῶν Θουρίων τοὺσ βιβλιαφόρουσ ἀποστειλάντων ἐπὶ τὰσ πόλεισ πρὸσ τὴν τῶν πολεμίων παρουσίαν, ἅπαντεσ παρεσκευάζοντο πρὸσ τὴν ἀνάζευξιν.

αὐτοὶ δὲ προεξαναστάντεσ ταῖσ ὁρμαῖσ καὶ τὸ τῶν συμμάχων πλῆθοσ οὐκ ἀναμείναντεσ, ἀνέζευξαν ἐπὶ τοὺσ Λευκανούσ, ἔχοντεσ πεζοὺσ μὲν πλείουσ τῶν μυρίων τετρακισχιλίων, ἱππεῖσ δὲ σχεδὸν χιλίουσ. καὶ Λευκανοὶ μὲν ἀκούσαντεσ τὴν τῶν πολεμίων ἔφοδον ἀπεχώρησαν εἰσ τὴν ἰδίαν χώραν·

οἱ δὲ Θούριοι κατὰ σπουδὴν ἐμβαλόντεσ εἰσ τὴν Λευκανίαν, τὸ μὲν πρῶτον φρούριον ἐξεῖλον, καὶ πολλῆσ ὠφελείασ κυριεύσαντεσ καθαπερεὶ δέλεαρ ἔλαβον τῆσ ἑαυτῶν ἀπωλείασ. φρονηματισθέντεσ γὰρ ἐπὶ τῷ προτερήματι καταπεφρονηκότωσ διά τινων στενῶν καὶ ἀποκρήμνων ὁδῶν ἐπορεύθησαν, βουλόμενοι Λᾶον πόλιν εὐδαίμονα πολιορκῆσαι. ἐπειδὴ δὲ παρεγενήθησαν εἴσ τι πεδίον κύκλῳ λόφοισ ὑψηλοῖσ καὶ κρημνοῖσ περιειλημμένον, ἐνταῦθα οἱ Λευκανοὶ πάσῃ τῇ δυνάμει διέκλεισαν αὐτοὺσ τῆσ ἐπὶ τὰσ πατρίδασ ἐπανόδου.

παράδοξον δ’ ἐπὶ τῷ λόφῳ καὶ φανερὰν ποιήσαντεσ τὴν ἑαυτῶν ἐπιφάνειαν ἐξέπληξαν τοὺσ Ἕλληνασ διά τε τὸ μέγεθοσ τοῦ στρατοπέδου καὶ τὴν τῶν τόπων δυσχωρίαν· εἶχον γὰρ Λευκανοὶ τότε πεζοὺσ μὲν τρισμυρίουσ, ἱππεῖσ δ’ οὐκ ἐλάττουσ τετρακισχιλίων. τῶν δ’ Ἑλλήνων ἀνελπίστωσ τηλικούτῳ περιεχομένων κινδύνῳ, κατέβαινον εἰσ τὸ πεδίον οἱ βάρβαροι.

γενομένησ δὲ παρατάξεωσ, καὶ τῶν Ἰταλιωτῶν καταπολεμηθέντων ὑπὸ τοῦ πλήθουσ τῶν Λευκανῶν, ἔπεσον μὲν πλείουσ τῶν μυρίων· παρήγγελλον γὰρ οἱ Λευκανοὶ μηθένα ζωγρεῖν· τῶν δὲ λοιπῶν οἱ μὲν ἐπί τινα πρὸσ τῇ θαλάσσῃ λόφον ἔφυγον, οἱ δὲ θεωροῦντεσ ναῦσ μακρὰσ προσπλεούσασ καὶ νομίζοντεσ τὰσ τῶν Ῥηγίνων εἶναι, συνέφυγον εἰσ τὴν θάλασσαν καὶ διενήχοντο ἐπὶ τὰσ τριήρεισ. ἦν δὲ ὁ στόλοσ ὁ προσπλέων Διονυσίου τοῦ τυράννου, καὶ ναύαρχοσ ὑπῆρχεν αὐτῷ Λεπτίνησ ὁ ἀδελφόσ, ἀπεσταλμένοσ τοῖσ Λευκανοῖσ ἐπὶ βοήθειαν.

ὁ μὲν οὖν Λεπτίνησ δεξάμενοσ φιλανθρώπωσ τοὺσ νηχομένουσ ὡσ ἐπὶ τὴν γῆν ἀπεβίβασε καὶ ἔπεισε τοὺσ Λευκανοὺσ ὑπὲρ ἑκάστου τῶν αἰχμαλώτων λαβεῖν ἀργυρίου μνᾶν· οὗτοι δ’ ἦσαν τὸν ἀριθμὸν ὑπὲρ τοὺσ χιλίουσ. γενόμενοσ δὲ τῶν χρημάτων ἐγγυητὴσ καὶ διαλλάξασ τοὺσ Ἰταλιώτασ τοῖσ Λευκανοῖσ ἔπεισεν εἰρήνην ποιήσασθαι, καὶ μεγάλησ ἀποδοχῆσ ἔτυχε παρὰ τοῖσ Ἰταλιώταισ, συμφερόντωσ αὑτῷ, οὐ λυσιτελῶσ δὲ Διονυσίῳ συντεθεικὼσ τὸν πόλεμον.

ἤλπιζε γὰρ ὁ Διονύσιοσ τῶν Ἰταλιωτῶν πολεμούντων πρὸσ Λευκανοὺσ ἐπελθὼν ῥᾳδίωσ ἂν κρατῆσαι τῶν κατ’ Ἰταλίαν πραγμάτων, ἀπολελυμένων δὲ τηλικούτου πολέμου δυσχερῶσ ἂν περιγενέσθαι. διόπερ τοῦτον μὲν ἀπήλλαξε τῆσ ναυαρχίασ, Θεαρίδην δὲ τὸν ἕτερον ἀδελφὸν ἡγεμόνα τοῦ στόλου κατέστησεν. τούτων δὲ πραχθέντων Ῥωμαῖοι τὴν τῶν Οὐεξίων χώραν κατεκληρούχησαν, κατ’ ἄνδρα δόντεσ πλέθρα τέτταρα, ὡσ δέ τινεσ, εἴκοσι ὀκτώ·

καὶ πρὸσ μὲν Αἰκούσουσ διαπολεμοῦντεσ Λίφλον πόλιν κατὰ κράτοσ εἷλον, Οὐελιτρίνων δ’ ἀποστάντων πόλεμον πρὸσ αὐτοὺσ ἐνεστήσαντο. ἀπέστη δὲ καὶ Σάτρικον ἀπὸ Ῥωμαίων, καὶ εἰσ Κερκίουσ ἀποικίαν ἀπέστειλαν. τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχεν Ἀντίπατροσ, ἐν δὲ τῇ Ῥώμῃ τὴν ὑπατικὴν ἀρχὴν διῴκουν Λεύκιοσ Οὐαλέριοσ καὶ Αὖλοσ Μάλλιοσ.

περὶ δὲ τούτουσ τοὺσ χρόνουσ Διονύσιοσ ὁ τῶν Συρακοσίων δυνάστησ φανερῶσ ἑαυτὸν ἀναδείξασ ἐπὶ τὴν Ἰταλίαν στρατευσόμενον, μετὰ πλείστησ δυνάμεωσ ὡρ́μησεν ἀπὸ Συρακουσῶν. εἶχε δὲ πεζοὺσ μὲν πλείουσ τῶν δισμυρίων, ἱππεῖσ δὲ περὶ τρισχιλίουσ, ναῦσ δὲ μακρὰσ μὲν τεσσαράκοντα, τὰσ δὲ τὸν σῖτον κομιζούσασ οὐκ ἐλάττουσ τριακοσίων.

πεμπταῖοσ δὲ κατανύσασ εἰσ τὴν Μεσσήνην, αὐτὸσ μὲν ἐν τῇ πόλει τὴν δύναμιν ἀνελάμβανε, Θεαρίδην δὲ τὸν ἀδελφὸν ἐπὶ τὰσ Λιπαραίων νήσουσ ἀπέστειλε μετὰ νεῶν τριάκοντα· πεπυσμένοσ γὰρ ἦν δέκα ναῦσ τῶν Ῥηγίνων περὶ ἐκείνουσ τοὺσ τόπουσ οὔσασ. ὁ δὲ Θεαρίδησ ἐκπλεύσασ καὶ καταλαβὼν τὴν Ῥηγίνων δεκαναί̈αν ἔν τισιν εὐθέτοισ τόποισ, αὐτάνδρων τῶν σκαφῶν ἐκυρίευσε καὶ ταχέωσ εἰσ Μεσσήνην πρὸσ Διονύσιον ἐπέστρεψε.

Διονύσιοσ δὲ τοὺσ αἰχμαλώτουσ εἰσ δεσμὰ καταθέμενοσ τοῖσ Μεσσηνίοισ ἔδωκε φυλάττειν, αὐτὸσ δὲ περαιώσασ τὴν δύναμιν εἰσ Καυλωνίαν περιεστρατοπέδευσε τὴν πόλιν, καὶ τὰσ μηχανὰσ προσερείσασ πυκνὰσ προσβολὰσ ἐποιεῖτο. οἱ δὲ κατὰ τὴν Ἰταλίαν Ἕλληνεσ ὡσ ἐπύθοντο τὰσ τοῦ Διονυσίου δυνάμεισ περαιουμένασ τὸν διείργοντα πορθμόν, καὶ αὐτοὶ στρατόπεδα συνήθροιζον.

τῆσ δὲ τῶν Κροτωνιατῶν πόλεωσ μάλιστα πολυοχλουμένησ καὶ πλείστουσ ἐχούσησ Συρακοσίουσ φυγάδασ, τούτοισ τὴν ἡγεμονίαν τοῦ πολέμου παρέδωκαν· οἱ δὲ Κροτωνιᾶται τὰσ πανταχόθεν δυνάμεισ ἀθροίσαντεσ στρατηγὸν Ἕλωριν τὸν Συρακόσιον εἵλοντο.

οὗτοσ δὲ πεφευγὼσ Διονύσιον καὶ δοκῶν τόλμαν ἔχειν ἔμπρακτον, πιστότατα πρὸσ τὸν τύραννον πολεμήσειν διὰ τὸ μῖσοσ ὑπείληπτο. ὡσ δὲ πάντεσ οἱ σύμμαχοι παρεγενήθησαν εἰσ Κρότωνα, κατὰ τὴν ἑαυτοῦ προαίρεσιν Ἕλωρισ διατάξασ ὡρ́μησε μετὰ πάσησ τῆσ δυνάμεωσ ἐπὶ Καυλωνίασ· ἅμα γὰρ ἐνόμιζεν ἐπιφανεὶσ λύσειν τὴν πολιορκίαν, ἅμα δὲ καταπεπονημένουσ τοὺσ πολεμίουσ ὑπὸ τῶν καθ’ ἡμέραν προσβολῶν διαγωνιεῖσθαι.

εἶχε δὲ τοὺσ ἅπαντασ πεζοὺσ μὲν περὶ δισμυρίουσ πεντακισχιλίουσ, ἱππεῖσ δὲ περὶ δισχιλίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 101

(디오도로스 시켈로스, Library, book xiv, chapter 101)

상위

목록

SEARCH

MENU NAVIGATION