헬라어 문장 검색 - Διοδορ́Λιβραρψ́7́11́

(디오도로스 시켈로스, Library, book xiv, chapter 23)

ὡσ δὲ τρεῖσ σχεδὸν σταδίουσ ἀπεῖχον ἀλλήλων αἱ δυνάμεισ, οἱ μὲν Ἕλληνεσ παιανίσαντεσ τὸ μὲν πρῶτον ἡσυχῇ προῆγον· ὡσ δ’ ἐντὸσ βέλουσ ἦσαν, ἔθεον κατὰ πολλὴν σπουδήν. παρηγγελκὼσ δ’ αὐτοῖσ Κλέαρχοσ ὁ Λακεδαιμόνιοσ ἦν τοῦτο πράττειν· τὸ μὲν γὰρ ἐκ διαστήματοσ πολλοῦ μὴ τρέχειν ἤμελλεν ἀκεραίουσ τοῖσ σώμασι τοὺσ ἀγωνιζομένουσ τηρήσειν εἰσ τὴν μάχην, τὸ δ’ ἐγγὺσ ὄντασ δρόμῳ προσιέναι τὰσ τῶν τόξων βολὰσ καὶ τῶν ἄλλων βελῶν ὑπερπετεῖσ ἐδόκει ποιήσειν. ἐπεὶ δ’ ἤγγισαν οἱ μετὰ Κύρου τῷ τοῦ βασιλέωσ στρατοπέδῳ, τοσοῦτ’ ἐπ’ αὐτοὺσ ἐρρίφη βελῶν πλῆθοσ, ὅσον εἰκόσ ἐστιν ἐκ δυνάμεωσ ἐνεχθῆναι συνεστώσησ ἐκ μυριάδων τετταράκοντα.

οὐ μὴν ἀλλὰ βραχὺν χρόνον παντελῶσ τοῖσ παλτοῖσ διαγωνισάμενοι, τὸ λοιπὸν ἐκ χειρὸσ ἤδη τὴν μάχην συνίσταντο. Λακεδαιμόνιοι δὲ μετὰ τῶν ἄλλων μισθοφόρων εὐθὺσ ἐκ τῆσ πρώτησ συστάσεωσ ἐξέπληξαν τοὺσ ἀντιτεταγμένουσ βαρβάρουσ τῇ τε τῶν ὅπλων λαμπρότητι καὶ ταῖσ εὐχειρίαισ.

ἐκεῖνοι μὲν γὰρ ἦσαν ὅπλοισ τε μικροῖσ ἐσκεπασμένοι καὶ τὰ πολλὰ τῶν ταγμάτων ἔχοντεσ ψιλικά, πρὸσ δὲ τούτοισ ἄπειροι τῶν κατὰ πόλεμον κινδύνων·

οἱ δ’ Ἕλληνεσ διὰ τὸ μῆκοσ τοῦ Πελοποννησιακοῦ πολέμου κατὰ τὸ συνεχὲσ ἐν μάχαισ γεγενημένοι πολὺ ταῖσ ἐμπειρίαισ διέφερον. διόπερ εὐθὺ τρεψάμενοι τοὺσ καθ’ αὑτοὺσ ἐδίωκον, καὶ πολλοὺσ τῶν βαρβάρων ἀνῄρουν. κατὰ δὲ μέσην τὴν τάξιν ἔτυχε μὲν ἀμφοτέρουσ τοὺσ ὑπὲρ τῆσ βασιλείασ ἀγωνιζομένουσ ταχθῆναι·

διὸ καὶ κατανοήσαντεσ τὸ γεγενημένον ὡρ́μησαν ἐπ’ ἀλλήλουσ, φιλοτιμούμενοι δι’ ἑαυτῶν κρῖναι τὴν μάχην· συνήγαγε γάρ, ὡσ ἐοίκεν, ἡ τύχη τὴν ὑπὲρ τῆσ ἡγεμονίασ τοῖσ ἀδελφοῖσ ἔριν εἰσ μονομαχίαν καθάπερ εἰσ ἀπομίμημα τῆσ παλαιᾶσ ἐκείνησ καὶ τραγῳδουμένησ τῆσ περὶ τὸν Ἐτεοκλέα καὶ Πολυνείκην τόλμησ. Κῦροσ μὲν οὖν φθάσασ ἐκ διαστήματοσ ἠκόντισε, καὶ τυχὼν τοῦ βασιλέωσ ἔσφηλεν αὐτὸν ἐπὶ τὴν γῆν·

ὃν ταχέωσ οἱ περὶ αὐτὸν ἁρπάσαντεσ ἀπήνεγκαν ἐκ τῆσ μάχησ. καὶ τὴν μὲν τοῦ βασιλέωσ ἡγεμονίαν διαδεξάμενοσ Τισσαφέρνησ ἀνὴρ Πέρσησ παρεκάλει τε τὰ πλήθη καὶ αὐτὸσ λαμπρῶσ ἠγωνίζετο· ἀναμαχόμενοσ δὲ τὸ περὶ τὸν βασιλέα γεγονὸσ ἐλάττωμα καὶ μετὰ τῶν ἐπιλέκτων ἐπὶ πάντα τόπον ἐπιφαινόμενοσ πολλοὺσ ἀνῄρει τῶν ἀντιτεταγμένων, ὥστε τὴν ἐπιφάνειαν αὐτοῦ πόρρωθεν ὑπάρχειν ἐπίσημον. ὁ δὲ Κῦροσ ἐπαρθεὶσ τῷ προτερήματι τῶν περὶ αὐτὸν εἰσ μέσουσ ἐβιάσατο τοὺσ πολεμίουσ, καὶ τὸ μὲν πρῶτον ἀφειδῶσ τῇ τόλμῃ χρώμενοσ πολλοὺσ ἀνῄρει, μετὰ δὲ ταῦτα προχειρότερον κινδυνεύων ὑπό τινοσ τῶν τυχόντων Περσῶν πληγεὶσ ἐπικαίρωσ ἔπεσεν.

τούτου δ’ ἀναιρεθέντοσ οἱ τοῦ βασιλέωσ πρὸσ τὴν μάχην ἐπερρώσθησαν, καὶ τέλοσ τῷ τε πλήθει καὶ τῇ τόλμῃ κατεπόνησαν τοὺσ ἀνθεστηκότασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 23

(디오도로스 시켈로스, Library, book xiv, chapter 23)

상위

목록

SEARCH

MENU NAVIGATION