헬라어 문장 검색 - Διοδορ́Λιβραρψ́7́37́

(디오도로스 시켈로스, Library, book xiv, chapter 63)

κατελάβετο δὲ καὶ τὸ τῆσ Ἀχραδινῆσ προάστειον, καὶ τοὺσ νεὼσ τῆσ τε Δήμητροσ καὶ Κόρησ ἐσύλησεν· ὑπὲρ ὧν ταχὺ τῆσ εἰσ τὸ θεῖον ἀσεβείασ ἀξίαν ὑπέσχε τιμωρίαν. ταχὺ γὰρ αὐτῷ τὰ πράγματα καθ’ ἡμέραν ἐγίνετο χείρω, καὶ τοῦ Διονυσίου θαρροῦντοσ ἀκροβολισμοὺσ συνίστασθαι συνέβαινε προτερεῖν τοὺσ Συρακοσίουσ. ἐγίνοντο δὲ καὶ τὰσ νύκτασ ἐν τῷ στρατοπέδῳ παράλογοι ταραχαί, καὶ μετὰ τῶν ὅπλων συνέτρεχον, ὡσ τῶν πολεμίων ἐπιθεμένων τῷ χάρακι.

ἐπεγενήθη δὲ καὶ νόσοσ, ἣ πάντων αὐτοῖσ αἰτία κακῶν κατέστη· περὶ ἧσ μικρὸν ὕστερον ἐροῦμεν, ἵνα μὴ προλαμβάνωμεν τῇ γραφῇ τοὺσ καιρούσ. Ἰμίλκων μὲν οὖν τεῖχοσ περιβαλὼν τῇ παρεμβολῇ, τοὺσ τάφουσ σχεδὸν πάντασ τοὺσ σύνεγγυσ καθεῖλεν, ἐν οἷσ τόν τε Γέλωνοσ καὶ τῆσ γυναικὸσ αὐτοῦ Δημαρέτησ, πολυτελῶσ κατεσκευασμένουσ.

ᾠκοδόμησε δὲ καὶ τρία φρούρια παρὰ θάλατταν, τὸ μὲν ἐπὶ τοῦ Πλημμυρίου, τὸ δ’ ἐπὶ μέσου τοῦ λιμένοσ, τὸ δὲ κατὰ τὸν νεὼν τοῦ Διόσ· εἰσ δὲ ταῦτα τόν τε οἶνον καὶ τὸν σῖτον καὶ τὰ λοιπὰ τῶν ἐπιτηδείων κατεκόμιζε, νομίζων χρονιωτέραν ἔσεσθαι τὴν πολιορκίαν. ἀπέστειλε δὲ καὶ τὰσ ὁλκάδασ ναῦσ ἔσ τε Σαρδῶνα καὶ Λιβύην, ὅπωσ σῖτον καὶ τὰσ ἄλλασ τροφὰσ παρακομίζωσιν.

Πολύξενοσ δὲ ὁ Διονυσίου κηδεστὴσ ἔκ τε Πελοποννήσου καὶ τῆσ Ἰταλίασ παρεγενήθη ναῦσ μακρὰσ ἄγων τριάκοντα παρὰ τῶν συμμάχων καὶ ναύαρχον Φαρακίδαν Λακεδαιμόνιον. μετὰ δὲ ταῦτα Διονύσιοσ μὲν καὶ Λεπτίνησ μετὰ μακρῶν νεῶν ἐξέπλεον ἀγορὰν βουλόμενοι παρακομίσαι, οἱ δὲ Συρακόσιοι καθ’ αὑτούσ τε γενόμενοι καὶ κατὰ τύχην ἰδόντεσ σιτηγὸν πλοῖον προσφερόμενον, πέντε ναυσὶν ἐπέπλευσαν αὐτῷ, καὶ κατακυριεύσαντεσ κατῆγον εἰσ τὴν πόλιν.

τῶν δὲ Καρχηδονίων ἐπ’ αὐτοὺσ ἀναχθέντων τετταράκοντα ναυσίν, οἱ Συρακόσιοι πάσασ ἐπλήρωσαν τὰσ ναῦσ, καὶ ναυμαχήσαντεσ τῆσ τε στρατηγίδοσ νεὼσ ἐκυρίευσαν καὶ τῶν ἄλλων εἴκοσι καὶ τέτταρασ διέφθειραν·

καταδιώξαντεσ δὲ τὰσ φευγούσασ μέχρι τοῦ ναυστάθμου τῶν πολεμίων, προεκαλοῦντο τοὺσ Καρχηδονίουσ εἰσ ναυμαχίαν. ἐκεῖνοι μὲν οὖν διὰ τὸ παράδοξον τεταραγμένοι ἡσυχίαν ἔσχον, οἱ δὲ Συρακόσιοι τὰσ αἰχμαλώτουσ ναῦσ ἀναψάμενοι κατήγαγον εἰσ τὴν πόλιν.

μετεωρισθέντεσ δὲ τῷ προτερήματι, καὶ διαλογιζόμενοι τὸν μὲν Διονύσιον πλεονάκισ ἡττημένον, αὑτοὺσ δὲ χωρὶσ ἐκείνου νενικηκότασ Καρχηδονίουσ, φρονήματοσ ἐπληροῦντο. ἀθροιζόμενοι δὲ διελάλουν, ὅτι περιορῶσιν αὑτοὺσ δουλεύοντασ Διονυσίῳ, καὶ ταῦτα καιρὸν ἔχοντεσ τῆσ καταλύσεωσ αὐτοῦ·

τὸν μὲν γὰρ ἔμπροσθεν χρόνον ἦσαν ἀφωπλισμένοι, τότε δὲ διὰ τὸν πόλεμον τῶν ὅπλων ἦσαν κύριοι. οὐ μὴν ἀλλὰ τοιούτων λόγων γινομένων Διονύσιοσ κατέπλευσε, καὶ συναγαγὼν ἐκκλησίαν ἐπῄνει τοὺσ Συρακοσίουσ καὶ παρεκάλει θαρρεῖν, ἐπαγγελλόμενοσ ταχέωσ καταλύσειν τὸν πόλεμον.

ἤδη δ’ αὐτοῦ μέλλοντοσ διαλύειν τὴν ἐκκλησίαν ἀναστὰσ Θεόδωροσ ὁ Συρακόσιοσ, ἐν τοῖσ ἱππεῦσιν εὐδοκιμῶν καὶ δοκῶν εἶναι πρακτικόσ, ἀπετόλμησε περὶ τῆσ ἐλευθερίασ τοιούτοισ χρήσασθαι λόγοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 63

(디오도로스 시켈로스, Library, book xiv, chapter 63)

상위

목록

SEARCH

MENU NAVIGATION