헬라어 문장 검색 - Διοδορ́Λιβραρψ́7́65́

(디오도로스 시켈로스, Library, book xiv, chapter 115)

οἱ δὲ Κελτοί, πολλοὺσ καὶ παρ’ αὐτὸν τὸν ποταμὸν ἀνῃρηκότεσ, οὐδ’ οὕτωσ ἀφίσταντο τῆσ φιλοτιμίασ, ἀλλ’ ἐπὶ τοὺσ διανηχομένουσ ἠκόντιζον. καὶ πολλῶν βελῶν ἀφιεμένων εἰσ ἀθρόουσ τοὺσ ἐν τῷ ποταμῷ, συνέβαινε μὴ διαμαρτάνειν τοὺσ βάλλοντασ. ὅθεν οἱ μὲν καιρίαισ περιπεσόντεσ πληγαῖσ εὐθέωσ ἐτελεύτων, οἱ δὲ κατατραυματιζόμενοι καὶ διὰ τὴν περὶ τὸ αἷμα ῥύσιν καὶ σφοδρότητα τοῦ ῥεύματοσ ἐκλυόμενοι παρεφέροντο. τοιαύτησ δὲ συμφορᾶσ γενομένησ περὶ τοὺσ Ῥωμαίουσ, οἱ μὲν πλεῖστοι τῶν διασωθέντων πόλιν Βηίουσ κατελάβοντο, προσφάτωσ ὑφ’ ἑαυτῶν κατεσκαμμένην, καὶ τόν τε τόπον ὠχύρουν κατὰ τὸ δυνατὸν καὶ τοὺσ ἐκ τῆσ φυγῆσ σωζομένουσ ἀνελάμβανον·

ὀλίγοι δὲ τῶν διανηξαμένων ἄνοπλοι φυγόντεσ εἰσ Ῥώμηνἀπήγγειλαν πάντασ ἀπολωλέναι. τηλικούτων δ’ ἀτυχημάτων ἠγγελμένων τοῖσ ἐν τῇ πόλει καταλελειμμένοισ, εἰσ ἀπορίαν ἅπαντεσ ἐνέπιπτον· ἀνθίστασθαι μὲν γὰρ ἀδύνατον εἶναι διελάμβανον, ἁπάντων τῶν νέων ἀπολωλότων, φεύγειν δὲ μετὰ τέκνων καὶ γυναικῶν ἐπικίνδυνον ἦν λίαν, τῶν πολεμίων ἐγγὺσ ὑπαρχόντων.

πολλοὶ μὲν οὖν τῶν ἰδιωτῶν πανοίκιοι πρὸσ τὰσ ἀστυγείτονασ πόλεισ ἔφευγον, οἱ δ’ ἄρχοντεσ τῆσ πόλεωσ παραθαρσύνοντεσ τὰ πλήθη προσέταττον ταχέωσ ἐπὶ τὸ Καπετώλιον τόν τε σῖτον καὶ τὰ λοιπὰ τῶν ἀναγκαίων ἀποκομίζειν. οὗ γενηθέντοσ ἔγεμεν ἡ ἀκρόπολισ καὶ τὸ Καπετώλιον χωρὶσ τῶν εἰσ τροφὴν ἀνηκόντων ἀργυρίου τε καὶ χρυσίου καὶ τῆσ πολυτελεστάτησ ἐσθῆτοσ, ὡσ ἂν ἐξ ὅλησ τῆσ πόλεωσ εἰσ ἕνα τόπον τῶν ἀγαθῶν συνηθροισμένων.

οὗτοι μὲν οὖν τὰ δυνατὰ τῶν χρημάτων μετεκόμιζον καὶ τὸν προειρημένον τόπον ὠχύρουν, ἀναστροφὴν ἔχοντεσ τρεῖσ ἡμέρασ. οἱ γὰρ Κελτοὶ τὴν μὲν πρώτην ἡμέραν διετέλεσαν ἀποκόπτοντεσ τὰσ κεφαλὰσ τῶν τετελευτηκότων κατὰ τὸ πάτριον ἔθοσ·

τὰσ δὲ δύο παρὰ τὴν πόλιν στρατοπεδεύοντεσ, καὶ τὰ μὲν τείχη θεωροῦντεσ ἔρημα, κραυγὴν δὲ αἰσθόμενοι γινομένην, ἣν ἐποίουν οἱ τὰ χρησιμώτατα μεταφέροντεσ εἰσ τὴν ἀκρόπολιν, ὑπελάμβανον ἐνεδρεύειν ἑαυτοῖσ τοὺσ Ῥωμαίουσ. τῇ τετάρτῃ δ’ ἡμέρᾳ γνόντεσ τὴν ἀλήθειαν, τάσ τε πύλασ ἐξέκοψαν καὶ τὴν πόλιν ἐλυμαίνοντο, χωρὶσ ὀλίγων οἰκιῶν ἐν τῷ Παλατίῳ.

μετὰ δὲ ταῦτα προσβολὰσ ποιούμενοι καθ’ ἡμέραν πρὸσ ὀχυροὺσ τόπουσ, οὐθὲν μὲν ἀξιόλογον ἔβλαπτον τοὺσ ὑπεναντίουσ, ἑαυτῶν δὲ πολλοὺσ ἀπέβαλλον· ὅμωσ δ’ οὐκ ἀφίσταντο τῆσ φιλοτιμίασ, ἐλπίζοντεσ, ἐὰν μὴ βίᾳ κρατήσωσι, τῷ γε χρόνῳ πάντωσ τῶν ἀναγκαίων ἐκλιπόντων καταπονήσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 115

(디오도로스 시켈로스, Library, book xiv, chapter 115)

상위

목록

SEARCH

MENU NAVIGATION