헬라어 문장 검색 - Διοδορ́Λιβραρψ́7́12́

(디오도로스 시켈로스, Library, book xiv, chapter 24)

ἐκ δὲ θατέρου μέρουσ Ἀριδαῖοσ ὁ Κύρου σατράπησ τεταγμένοσ ἐπὶ τῆσ ἡγεμονίασ τὸ μὲν πρῶτον εὐρώστωσ ἐδέξατο τοὺσ ἐπιόντασ βαρβάρουσ· μετὰ δὲ ταῦτα τῆσ φάλαγγοσ ἐπὶ πολὺ παρεκτεινούσησ κυκλούμενοσ καὶ τὴν Κύρου τελευτὴν πυθόμενοσ, ἔφυγε μετὰ τῶν ἰδίων στρατιωτῶν πρόσ τινα τῶν ἰδίων σταθμῶν, ἔχοντα καταφυγὴν οὐκ ἀνεπιτήδειον. Κλέαρχοσ δὲ θεωρῶν τήν τε μέσην τάξιν καὶ τἄλλα μέρη τῶν συμμάχων τετραμμένα, τοῦ μὲν διώκειν ἀπέστη, τοὺσ δὲ στρατιώτασ ἀνακαλούμενοσ καθίστα·

εὐλαβεῖτο γὰρ μήποτε πάσησ τῆσ δυνάμεωσ ἐπὶ τοὺσ Ἕλληνασ ἐλθούσησ κυκλωθῶσι καὶ πάντεσ ἀπόλωνται. οἱ δὲ μετὰ τοῦ βασιλέωσ ταχθέντεσ ἐπειδὴ τὰ καθ’ αὑτοὺσ ἐτρέψαντο, πρῶτον μὲν τὴν ἀποσκευὴν τοῦ Κύρου διήρπασαν, μετὰ δὲ ταῦτα ἤδη νυκτὸσ ἐπελθούσησ ἀθροισθέντεσ ἐπὶ τοὺσ Ἕλληνασ ὡρ́μησαν·

ὧν δεξαμένων τὴν ἔφοδον εὐγενῶσ, ὀλίγον μὲν χρόνον ὑπέμενον οἱ βάρβαροι, μετ’ ὀλίγον δὲ ταῖσ τόλμαισ καὶ ταῖσ εὐχειρίαισ νικώμενοι πρὸσ φυγὴν ὡρ́μησαν. οἱ δὲ περὶ Κλέαρχον πολλοὺσ τῶν βαρβάρων ἀνελόντεσ, ὡσ ἤδη νὺξ ἦν, ἀναχωρήσαντεσ τρόπαιον ἔστησαν, καὶ περὶ δευτέραν σχεδὸν φυλακὴν ἔφθασαν εἰσ τὴν παρεμβολήν.

τῆσ δὲ μάχησ τοιοῦτον τέλοσ λαβούσησ ἀνῃρέθησαν τῶν τοῦ βασιλέωσ πλείουσ τῶν μυρίων πεντακισχιλίων, ὧν τοὺσ πλείστουσ ἀνεῖλον οἱ μετὰ Κλεάρχου ταχθέντεσ Λακεδαιμόνιοί τε καὶ μισθοφόροι.

ἐκ δὲ θατέρου μέρουσ τῶν Κύρου στρατιωτῶν ἔπεσον περὶ τρισχιλίουσ·

τῶν δὲ Ἑλλήνων φασὶν ἀναιρεθῆναι μὲν οὐδένα, τρωθῆναι δ’ ὀλίγουσ. τῆσ δὲ νυκτὸσ παρελθούσησ Ἀριδαῖοσ ὁ πεφευγὼσ εἰσ τὸν σταθμὸν ἀπέστειλέ τινασ πρὸσ τὸν Κλέαρχον, παρακαλῶν πρὸσ ἑαυτὸν ἀπαγαγεῖν τοὺσ στρατιώτασ καὶ κοινῇ διασώζεσθαι πρὸσ τοὺσ ἐπὶ θάλατταν τόπουσ·

ἀνῃρημένου γὰρ Κύρου καὶ τῶν τοῦ βασιλέωσ δυνάμεων ὑπερεχουσῶν, ἀγωνία πολλὴ κατέσχε τοὺσ τετολμηκότασ ἐπὶ τῇ καταλύσει τῆσ Ἀρταξέρξου βασιλείασ στρατεύεσθαι. ὁ δὲ Κλέαρχοσ ἀνακαλεσάμενοσ τούσ τε στρατηγοὺσ καὶ τοὺσ ἐφ’ ἡγεμονίασ τεταγμένουσ ἐβουλεύετο περὶ τῶν παρόντων.

ὄντων δ’ αὐτῶν περὶ ταῦτα παρεγενήθησαν παρὰ τοῦ βασιλέωσ πρέσβεισ, ὧν ἦν ἀρχιπρεσβευτὴσ ἀνὴρ Ἕλλην, ὄνομα μὲν Φάλυνοσ, γένοσ δὲ Ζακύνθιοσ. εἰσαχθέντεσ δ’ εἰσ τὸ συνέδριον εἶπον, ὅτι λέγει ὁ βασιλεὺσ Ἀρταξέρξησ· Ἐπειδὴ νενίκηκα Κῦρον ἀποκτείνασ, παράδοτε τὰ ὅπλα, καὶ πρὸσ τὰσ θύρασ αὐτοῦ βαδίσαντεσ ζητεῖτε, πῶσ ἂν αὐτὸν ἐκθεραπεύσαντεσ ἀγαθοῦ τινοσ μεταλάβητε. ῥηθέντων δὲ τούτων ἀπόκρισιν ἔδωκεν ἕκαστοσ τῶν στρατηγῶν τοιαύτην οἱάν Λεωνίδησ, καθ’ ὃν καιρὸν περὶ Θερμοπύλασ αὐτοῦ φυλάττοντοσ τὰσ παρόδουσ Ξέρξησ ἀπέστειλεν ἀγγέλουσ, κελεύων τῶν ὅπλων παραχωρῆσαι.

καὶ γὰρ τότε Λεωνίδησ εἶπεν ἀπαγγεῖλαι τῷ βασιλεῖ διότι νομίζομεν, κἂν φίλοι γενώμεθα τῷ Ξέρξῃ, μετὰ τῶν ὅπλων ὄντεσ ἀμείνουσ ἔσεσθαι σύμμαχοι, κἂν πολεμεῖν πρὸσ αὐτὸν ἀναγκασθῶμεν, βέλτιον μετὰ τούτων ἀγωνιεῖσθαι.

παραπλησίωσ δὲ καὶ τοῦ Κλεάρχου περὶ τούτων ἀποκριναμένου, Πρόξενοσ ὁ Θηβαῖοσ εἶπεν, ὅτι νῦν τὰ μὲν ἄλλα σχεδὸν ἀποβεβλήκαμεν, λέλειπται δ’ ἡμῖν ἥ τ’ ἀρετὴ καὶ τὰ ὅπλα.

νομίζομεν οὖν, ἂν μὲν ταῦτα φυλάττωμεν, χρησίμην ἡμῖν ἔσεσθαι καὶ τὴν ἀρετήν, ἂν δὲ παραδῶμεν, οὐδὲ ταύτην ἡμῖν ἔσεσθαι βοηθόν. διόπερ ἐκέλευσε τῷ βασιλεῖ λέγειν, ὡσ ἂν περὶ ἡμῶν κακόν τι βουλεύηται, διὰ τούτων πρὸσ αὐτὸν διαγωνιούμεθα περὶ τῶν ἀγαθῶν τῶν ἐκείνου. λέγεται δὲ καὶ Σώφιλον τὸν ἐφ’ ἡγεμονίασ τεταγμένον εἰπεῖν, ὅτι θαυμάζει τοὺσ παρὰ τοῦ βασιλέωσ λόγουσ·

εἰ μὲν γὰρ αὐτὸν δοκεῖ κρείσσονα τῶν Ἑλλήνων εἶναι, μετὰ τῆσ δυνάμεωσ ἐλθὼν λαβέτω τὰ παρ’ ἡμῶν ὅπλα· εἰ δὲ πείσασ βούλεται, λεγέτω, τίνα χάριν ἡμῖν ἀντὶ τούτων ἀξίαν δώσει. μετὰ δὲ τούτουσ Σωκράτησ Ἀχαιὸσ εἶπεν, ὅτι λίαν αὐτοῖσ ἐκπληκτικῶσ ὁ βασιλεὺσ προσφέρεται·

ἃ μὲν γὰρ παρ’ ἡμῶν βούλεται λαβεῖν παραχρῆμ’ ἀπαιτεῖ, τὰ δ’ ἀντὶ τούτων δοθησόμενα μετὰ ταῦτ’ ἀξιοῦν προστάττει. καθόλου δ’ εἰ μὲν ἀγνοῶν τοὺσ νενικηκότασ ὡσ ἡττημένουσ κελεύει τὸ προσταττόμενον ποιεῖν, μαθέτω ποτέρων ἐστὶν ἡ νίκη παραγενηθεὶσ μετὰ τῆσ πολυαρίθμου δυνάμεωσ· εἰ δὲ σαφῶσ ἡμᾶσ εἰδὼσ νενικηκότασ ψεύδεται, πῶσ αὐτῷ περὶ τῶν εἰσ ὕστερον ἐπαγγελιῶν πιστεύσομεν; ‐ οἱ μὲν οὖν ἄγγελοι τοιαύτασ ἀποκρίσεισ λαβόντεσ ἐχωρίσθησαν·

οἱ δὲ περὶ Κλέαρχον ἀνέζευξαν πρὸσ τὸν σταθμόν, ὅπου τὸ διασεσωσμένον στρατόπεδον ἦν ἀνακεχωρηκόσ. εἰσ ταὐτὸ δὲ πάσησ τῆσ δυνάμεωσ ἐλθούσησ, περὶ τῆσ ἐπὶ θάλατταν καταβάσεωσ ἐβουλεύοντο κοινῇ καὶ περὶ τῆσ πορείασ. ἔδοξεν οὖν αὐτοῖσ μὴ τὴν αὐτὴν ἀναχώρησιν ᾗπερ ἦλθον ποιεῖσθαι·

πολὺ γὰρ αὐτῆσ ἦν ἔρημον, ἐν ᾧ τροφὰσ οὐχ ὑπελάμβανον ἕξειν, δυνάμεωσ πολεμίασ ἀκολουθούσησ. γνόντεσ δ’ ἐπὶ Παφλαγονίασ ἀναζευγνύειν, οὗτοι μὲν ὡρ́μησαν ἐπὶ Παφλαγονίαν μετὰ τῆσ δυνάμεωσ, κατὰ σχολὴν ὁδοιποροῦντεσ, ὡσ ἂν ἅμα τὰσ τροφὰσ ποριζόμενοι·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 24

(디오도로스 시켈로스, Library, book xiv, chapter 24)

상위

목록

SEARCH

MENU NAVIGATION