헬라어 문장 검색 - Διοδορ́Λιβραρψ́7́64́

(디오도로스 시켈로스, Library, book xiv, chapter 113)

καθ’ ὃν δὲ καιρὸν μάλιστα Ῥήγιον ἐπολιόρκει Διονύσιοσ, οἱ κατοικοῦντεσ τὰ πέραν τῶν Ἄλπεων Κελτοὶ τὰ στενὰ διελθόντεσ μεγάλαισ δυνάμεσι κατελάβοντο τὴν μεταξὺ χώραν τοῦ τε Ἀπεννίνου καὶ τῶν Ἄλπεων ὀρῶν, ἐκβάλλοντεσ τοὺσ κατοικοῦντασ Τυρρηνούσ. τούτουσ δ’ ἔνιοί φασιν ἀπὸ τῶν ἐν Τυρρηνίᾳ δώδεκα πόλεων ἀποικισθῆναι·

τινὲσ δέ φασι Πελασγοὺσ πρὸ τῶν Τρωικῶν ἐκ Θετταλίασ φυγόντασ τὸν ἐπὶ Δευκαλίωνοσ γενόμενον κατακλυσμὸν ἐν τούτῳ τῷ τόπῳ κατοικῆσαι. τῶν οὖν Κελτῶν κατ’ ἔθνη διελομένων τὴν χώραν, οἱ καλούμενοι Σέννωνεσ ἔτυχον λαβόντεσ τὸν πορρωτάτω κείμενον τόπον τῶν ὀρῶν παρὰ θάλατταν.

ὄντοσ δ’ αὐτοῦ καυματώδουσ, δυσθετοῦντεσ ἔσπευδον μετοικῆσαι, καὶ τοὺσ νεωτέρουσ καθοπλίσαντεσ ἀπέστειλαν ζητεῖν χώραν, ἐν ᾗ κατοικήσουσιν. εἰσβαλόντεσ οὖν εἰσ Τυρρηνίαν, καὶ τὸν ἀριθμὸν ὄντεσ περὶ τρισμυρίουσ, τὴν τῶν Κλουσίνων χώραν ἐπόρθουν. καθ’ ὃν δὴ χρόνον ὁ δῆμοσ ὁ τῶν Ῥωμαίων πρέσβεισ ἀπέστειλεν εἰσ Τυρρηνίαν τοὺσ κατασκεψομένουσ τὴν στρατιὰν τῶν Κελτῶν.

παραγενόμενοι δὲ οἱ πρέσβεισ εἰσ Κλούσιον καὶ θεωρήσαντεσ παράταξιν γενομένην, ἀνδρειότεροι μᾶλλον ἢ φρονιμώτεροι γενηθέντεσ παρετάξαντο τοῖσ Κλουσίνοισ πρὸσ τοὺσ πολιορκοῦντασ. εὐημερήσαντοσ δὲ θατέρου τῶν πρεσβευτῶν καί τινα τῶν ἐνδοξοτέρων ἐπάρχων ἀποκτείναντοσ, γνόντεσ οἱ Κελτοὶ τὸ γεγονὸσ εἰσ Ῥώμην πρέσβεισ ἀπέστειλαν τοὺσ ἐξαιτήσοντασ τὸν πρεσβευτὴν τὸν ἀδίκου πολέμου προκαταρξάμενον.

ἡ δὲ γερουσία τὸ μὲν πρῶτον ἔπειθε τοὺσ πρεσβευτὰσ τῶν Κελτῶν χρήματα λαβεῖν περὶ τῶν ἠδικημένων·

ὡσ δ’ οὐ προσεῖχον, ἐψηφίσαντο παραδοῦναι τὸν κατηγορούμενον. ὁ δὲ πατὴρ τοῦ μέλλοντοσ παραδίδοσθαι, τῶν χιλιάρχων εἷσ ὢν τῶν τὴν ὑπατικὴν ἐξουσίαν ἐχόντων, προεκαλέσατο τὴν δίκην ἐπὶ τὸν δῆμον, καὶ δυνατὸσ ὢν ἐπὶ τοῖσ πλήθεσιν ἔπεισεν ἄκυρον ποιῆσαι τὴν κρίσιν τῆσ συγκλήτου. ὁ μὲν οὖν δῆμοσ ἐν τοῖσ ἔμπροσθεν χρόνοισ πάντα πειθόμενοσ τῇ γερουσίᾳ, τότε πρῶτον ἤρξατο διαλύειν τὸ κριθὲν ὑπὸ τῆσ συγκλήτου.

οἱ δὲ τῶν Κελτῶν πρέσβεισ παραγενηθέντεσ εἰσ τὸ σφέτερον στρατόπεδον ἀπήγγειλαν τὴν τῶν Ῥωμαίων ἀπόκρισιν.

ἐφ’ ᾗ μεγάλωσ ἀγανακτήσαντεσ, καὶ προσλαβόμενοι παρὰ τῶν ὁμοεθνῶν δύναμιν, ἐπ’ αὐτὴν ἠπείγοντο τὴν Ῥώμην, ὄντεσ πλείουσ τῶν ἑπτακισμυρίων. οἱ δὲ χιλίαρχοι τῶν Ῥωμαίων ἐπὶ τῆσ ἰδίασ ἐξουσίασ ὄντεσ, καὶ τὴν τῶν Κελτῶν ἔφοδον ἀκούοντεσ, ἅπαντασ τοὺσ ἐν ἡλικίᾳ καθώπλισαν. ἐξελθόντεσ δὲ πανδημεὶ καὶ διαβάντεσ τὸν Τίβεριν παρὰ τὸν ποταμὸν ἤγαγον τὴν δύναμιν σταδίουσ ὀγδοήκοντα, καὶ τῶν Γαλατῶν ἀπαγγελλομένων προσιέναι διέταττον τὸ στρατόπεδον.

τοὺσ μὲν οὖν ἀνδρειοτάτουσ δισμυρίουσ καὶ τετρακισχιλίουσ ἀπὸ τοῦ ποταμοῦ μέχρι τῶν λόφων διέταξαν, ἐπὶ δὲ τῶν ὑψηλοτάτων λόφων τοὺσ ἀσθενεστάτουσ ἔστησαν.

οἱ δὲ Κελτοί, μακρὰν τὴν φάλαγγα παρεκτείνοντεσ, εἴτε κατὰ τύχην εἴτε κατὰ πρόνοιαν τοὺσ ἀρίστουσ ἔστησαν ἐπὶ τῶν λόφων. ἅμα δ’ αἱ σάλπιγγεσ παρ’ ἀμφοτέροισ ἐσήμαινον καὶ τὰ στρατόπεδα συνῄεσαν εἰσ μάχην μετὰ πολλῆσ κραυγῆσ.

οἱ δ’ ἐπίλεκτοι τῶν Κελτῶν ἀντιτεταγμένοι τοῖσ ἀσθενεστάτοισ τῶν Ῥωμαίων ῥᾳδίωσ αὐτοὺσ ἀπὸ τῶν λόφων ἐτρέψαντο. διόπερ τούτων ἀθρόων φευγόντων πρὸσ τοὺσ ἐν τῷ πεδίῳ Ῥωμαίουσ, αἵ τε τάξεισ ἐπεταράττοντο καὶ τῶν Κελτῶν ἐπικειμένων καταπλαγέντεσ ἔφευγον.

τῶν δὲ πλείστων παρὰ τὸν ποταμὸν ὁρμησάντων καὶ διὰ τὴν ταραχὴν ἀλλήλοισ ἐμπιπτόντων, οὐχ ὑστέρουν οἱ Κελτοὶ τοὺσ ἐσχάτουσ ἀεὶ φονεύοντεσ· διὸ καὶ τὸ πεδίον ἅπαν νεκρῶν κατεστρώθη. τῶν δὲ φευγόντων ἐπὶ τὸν ποταμὸν οἱ μὲν ἀνδρειότατοι μετὰ τῶν ὅπλων διενήχοντο, τὴν πανοπλίαν ἐν ἴσῳ καὶ τὴν ψυχὴν προτιμῶντεσ·

σφοδροῦ δὲ τοῦ ῥεύματοσ ὄντοσ, τινὲσ μὲν ὑπὸ τοῦ βάρουσ τῶν ὅπλων καταδυόμενοι διεφθείροντο, τινὲσ δὲ μετὰ πολλῆσ κακοπαθείασ ἐφ’ ἱκανὸν διάστημα παρενεχθέντεσ μόγισ ἐσώθησαν. ἐπικειμένων δὲ τῶν πολεμίων καὶ παρὰ τὸν ποταμὸν πολλοὺσ ἀναιρούντων, οἱ πλεῖστοι τῶν ὑπολειπομένων ῥιπτοῦντεσ τὰ ὅπλα διενήχοντο τὸν Τίβεριν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 113

(디오도로스 시켈로스, Library, book xiv, chapter 113)

상위

목록

SEARCH

MENU NAVIGATION