헬라어 문장 검색 - Διοδορ́Λιβραρψ́7́30́

(디오도로스 시켈로스, Library, book xiv, chapter 54)

τοῦ δ’ ἐνιαυσιαίου χρόνου διεληλυθότοσ Ἀθήνησι μὲν ἔλαβε τὴν ἀρχὴν Φορμίων, ἐν Ῥώμῃ δ’ ἀντὶ τῶν ὑπάτων ἐγένοντο χιλίαρχοι ἕξ, Γναῖοσ Γενούκιοσ Λεύκιοσ Ἀτίλιοσ, Μάρκοσ Πομπώνιοσ, Γάιοσ Δυίλιοσ, Μάρκοσ Οὐετούριοσ, Οὐαλέριοσ Ποπλίλιοσ, Ὀλυμπιὰσ δ’ ἤχθη ἐνενηκοστὴ καὶ ἕκτη, καθ’ ἣν ἐνίκα Εὔπολισ Ἠλεῖοσ. τούτων δὲ τὴν ἀρχὴν παραλαβόντων Διονύσιοσ ὁ τῶν Συρακοσίων τύραννοσ μετὰ πάσησ τῆσ δυνάμεωσ ἀναζεύξασ ἐκ Συρακουσῶν ἐνέβαλεν εἰσ τὴν τῶν Καρχηδονίων ἐπικράτειαν.

πορθοῦντοσ δ’ αὐτοῦ τὴν χώραν, Ἁλικυαῖοι μὲν καταπλαγέντεσ διεπρεσβεύσαντο πρὸσ αὐτὸν καὶ συμμαχίαν ἐποιήσαντο, Αἰγεσταῖοι δὲ τοῖσ πολιορκοῦσι νυκτὸσ ἀπροσδοκήτωσ ἐπιθέμενοι, καὶ πῦρ ἐνέντεσ ταῖσ κατὰ τὴν παρεμβολὴν σκηναῖσ, εἰσ πολλὴν ταραχὴν ἤγαγον τοὺσ ἐν τῇ στρατοπεδείᾳ· ἐπινεμηθείσησ δὲ τῆσ φλογὸσ ἐπὶ πολὺν τόπον, καὶ τοῦ πυρὸσ ἀκατασχέτου γενηθέντοσ, τῶν μὲν παραβοηθούντων στρατιωτῶν ὀλίγοι διεφθάρησαν, τῶν δ’ ἵππων οἱ πλεῖστοι ταῖσ σκηναῖσ συγκατεκαύθησαν.

καὶ Διονύσιοσ μὲν ἐδῄου τὴν χώραν οὐδενὸσ ὑφισταμένου, Λεπτίνησ δ’ ὁ ναύαρχοσ περὶ Μοτύην διατρίβων ἐπετήρει τὸν τῶν πολεμίων κατάπλουν.

οἱ δὲ Καρχηδόνιοι πυθόμενοι τὸ μέγεθοσ τῆσ τοῦ Διονυσίου δυνάμεωσ, ἔκριναν πολὺ ταῖσ παρασκευαῖσ αὐτὸν ὑπερθέσθαι. διόπερ Ἰμίλκωνα βασιλέα κατὰ νόμον καταστήσαντεσ, ἐκ τῆσ Λιβύησ ὅλησ, ἔτι δ’ ἐκ τῆσ Ἰβηρίασ συνήγαγον δυνάμεισ, τὰσ μὲν παρὰ τῶν συμμάχων μεταπεμπόμενοι, τὰσ δὲ μισθούμενοι·

καὶ πέρασ ἤθροισαν πεζῶν μὲν ὑπὲρ τὰσ τριάκοντα μυριάδασ, ἱππεῖσ δὲ τετρακισχιλίουσ χωρὶσ τῶν ἁρμάτων· ταῦτα δ’ ἦσαν τετρακόσια· ναῦσ δὲ μακρὰσ μὲν τετρακοσίασ, τὰσ δὲ τὸν σῖτον καὶ τὰ μηχανήματα καὶ τὴν ἄλλην ὑπηρεσίαν παρακομιζούσασ πλείουσ τῶν ἑξακοσίων, καθάπερ φησὶν Ἔφοροσ. Τίμαιοσ μὲν γὰρ τὰσ ἐκ τῆσ Λιβύησ περαιωθείσασ δυνάμεισ οὐ πλείω φησὶν εἶναι δέκα μυριάδων, καὶ πρὸσ ταύταισ ἑτέρασ τρεῖσ ἀποφαίνεται κατὰ Σικελίαν στρατολογηθείσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 54

(디오도로스 시켈로스, Library, book xiv, chapter 54)

상위

목록

SEARCH

MENU NAVIGATION