헬라어 문장 검색 - Διοδορ́Λιβραρψ́7́40́

(디오도로스 시켈로스, Library, book xiv, chapter 70)

τοιούτοισ τοῦ Θεοδώρου χρησαμένου λόγοισ, οἱ μὲν Συρακόσιοι μετέωροι ταῖσ ψυχαῖσ ἐγένοντο καὶ πρὸσ τοὺσ συμμάχουσ ἀπέβλεπον, Φαρακίδου δὲ τοῦ Λακεδαιμονίου ναυαρχοῦντοσ τῶν συμμάχων παρελθόντοσ ἐπὶ τὸ βῆμα, πάντεσ προσεδόκων ἀρχηγὸν ἔσεσθαι τῆσ ἐλευθερίασ. ὁ δὲ τὰ πρὸσ τὸν τύραννον ἔχων οἰκείωσ ἔφησεν αὐτὸν ὑπὸ Λακεδαιμονίων ἀπεστάλθαι Συρακοσίοισ καὶ Διονυσίῳ συμμαχεῖν πρὸσ Καρχηδονίουσ, ἀλλ’ οὐ Διονυσίου τὴν ἀρχὴν καταλύειν.

παρὰ δὲ τὴν προσδοκίαν γενομένησ τῆσ ἀποφάσεωσ, οἱ μὲν μισθοφόροι συνέδραμον πρὸσ τὸν Διονύσιον, οἱ δὲ Συρακόσιοι καταπλαγέντεσ τὴν ἡσυχίαν εἶχον, πολλὰ τοῖσ Σπαρτιάταισ καταρώμενοι· καὶ γὰρ τὸ πρότερον Ἀρέτησ ὁ Λακεδαιμόνιοσ ἀντιλαμβανόμενοσ αὐτῶν τῆσ ἐλευθερίασ ἐγένετο προδότησ, καὶ τότε Φαρακίδασ ἐνέστη ταῖσ ὁρμαῖσ τῶν Συρακοσίων.

ὁ δὲ Διονύσιοσ τότε μὲν ἐγένετο περίφοβοσ καὶ διέλυσε τὴν ἐκκλησίαν, μετὰ δὲ ταῦτα φιλανθρώποισ λόγοισ χρησάμενοσ καθωμίλει τῷ πλήθει, καὶ τινὰσ μὲν δωρεαῖσ ἐτίμα, τινὰσ δ’ ἐπὶ τὰ συσσίτια παρελάμβανε. Καρχηδονίοισ δὲ μετὰ τὴν κατάληψιν τοῦ προαστείου καὶ τὴν σύλησιν τοῦ τε τῆσ Δήμητροσ καὶ Κόρησ ἱεροῦ ἐνέπεσεν εἰσ τὸ στράτευμα νόσοσ·

συνεπελάβετο δὲ καὶ τῇ τοῦ δαιμονίου συμφορᾷ τὸ μυριάδασ εἰσ ταὐτὸ συναθροισθῆναι καὶ τὸ τῆσ ὡρ́ασ εἶναι πρὸσ τὰσ νόσουσ ἐνεργότατον, ἔτι δὲ τὸ ἔχειν ἐκεῖνο τὸ θέροσ καύματα παρηλλαγμένα. ἐοίκε δὲ καὶ ὁ τόποσ αἴτιοσ γεγονέναι πρὸσ τὴν ὑπερβολὴν τῆσ συμφορᾶσ·

καὶ γὰρ Ἀθηναῖοι πρότερον τὴν αὐτὴν ἔχοντεσ παρεμβολὴν πολλοὶ διεφθάρησαν ὑπὸ τῆσ νόσου, ἑλώδουσ ὄντοσ τοῦ τόπου καὶ κοίλου. πρῶτον μὲν πρὶν ἥλιον ἀνατεῖλαι διὰ τὴν ψυχρότητα τὴν ἐκ τῆσ αὔρασ τῶν ὑδάτων φρίκη κατεῖχε τὰ σώματα·

κατὰ δὲ τὴν μεσημβρίαν ἡ θερμότησ ἔπνιγεν, ὡσ ἂν τοσούτου πλήθουσ ἐν στενῷ τόπῳ συνηθροισμένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 70

(디오도로스 시켈로스, Library, book xiv, chapter 70)

상위

목록

SEARCH

MENU NAVIGATION