헬라어 텍스트

Diodorus Siculus, Library, book xiv, chapter 31

(디오도로스 시켈로스, Library, book xiv, chapter 31)

κἀκεῖθεν εἰσ Κοτύωρα πόλιν παρεγενήθησαν Ἑλληνίδα, Σινωπέων ἄποικον. ἐν ταύτῃ δὲ πεντήκονθ’ ἡμέρασ διέτριψαν τοὺσ περιοίκουσ τῆσ Παφλαγονίασ τε καὶ τοὺσ ἄλλουσ βαρβάρουσ λῃστεύοντεσ. Ἡρακλεῶται δὲ καὶ Σινωπεῖσ ἀπέστειλαν αὐτοῖσ πλοῖα, δι’ ὧν αὐτοί τε καὶ τὰ σκευοφόρα διεκομίσθησαν. ἡ δὲ Σινώπη Μιλησίων μὲν ἦν ἄποικοσ, κειμένη δ’ ἐν τῇ Παφλαγονίᾳ μέγιστον εἶχεν ἀξίωμα τῶν περὶ τοὺσ τόπουσ·

ἐν ᾗ δὴ καθ’ ἡμᾶσ ἔσχε Μιθριδάτησ ὁ πρὸσ Ῥωμαίουσ διαπολεμήσασ τὰ μέγιστα βασίλεια. παρεγενήθη δὲ καὶ ἐνταῦθα Χειρίσοφοσ ὁ πρὸσ τὰσ τριήρεισ ἀπεσταλμένοσ ἄπρακτοσ.

οὐ μὴν ἀλλ’ οἱ Σινωπεῖσ φιλοφρόνωσ αὐτοὺσ ξενίσαντεσ ἀπέπεμψαν αὐτοὺσ κατὰ θάλατταν εἰσ Ἡράκλειαν, Μεγαρέων ἄποικον· καὶ καθωρμίσθη πᾶσ ὁ στόλοσ πρὸσ τὴν Ἀχερουσίαν χερρόνησον, ὅπου φασὶν Ἡρακλέα τὸν ἐξ ᾅδου Κέρβερον ἀναγαγεῖν. ἐκεῖθεν δὲ πεζῇ διὰ Βιθυνίασ πορευόμενοι κινδύνοισ περιέπιπτον, τῶν ἐγχωρίων ἐξαπτομένων κατὰ τὴν πορείαν.

μόγισ οὖν διεσώθησαν εἰσ Χρυσόπολιν τῆσ Χαλκηδονίασοἱ περιλειφθέντεσ ἀπὸ μυρίων ὀκτακισχίλιοι τριακόσιοι. ἐκεῖθεν δὲ ῥᾳδίωσ ἤδη τὸ λοιπὸν τινὲσ μὲν διεσώθησαν εἰσ τὰσ πατρίδασ, οἱ δὲ λοιποὶ περὶ τὴν Χερρόνησον ἀθροισθέντεσ ἐπόρθουν τὴν παρακειμένην Θρᾳκῶν χώραν.

ἡ μὲν οὖν ἐπ’ Ἀρταξέρξην Κύρου στρατεία τοιοῦτον ἔσχε τὸ τέλοσ.