헬라어 문장 검색 - Διοδορ́Λιβραρψ́7́33́

(디오도로스 시켈로스, Library, book xiv, chapter 58)

οἱ δὲ Σικελοί, πάλαι μὲν μισοῦντεσ τὸν Διονύσιον, τότε δὲ καιρὸν τῆσ ἀποστάσεωσ ἔχοντεσ, μετεβάλοντο πρὸσ Καρχηδονίουσ πλὴν Ἀσσωρίνων ἅπαντεσ. Διονύσιοσ δ’ ἐν ταῖσ Συρακούσαισ τοὺσ δούλουσ ἐλευθερώσασ, ἐπλήρωσεν ἐξ αὐτῶν ναῦσ ἑξήκοντα· μετεπέμψατο δὲ καὶ παρὰ Λακεδαιμονίων μισθοφόρουσ πλείω τῶν χιλίων, καὶ τὰ κατὰ τὴν χώραν φρούρια περιπορευόμενοσ ὠχύρου καὶ σῖτον παρεκόμιζεν· ἐπιμελέστατα δὲ τὰσ ἐν Λεοντίνοισ ἀκροπόλεισ ἐτείχισε καὶ τὸν ἐκ τῶν πεδίων σῖτον εἰσ ταύτασ συνήθροισεν. ἔπεισε δὲ καὶ τοὺσ τὴν Κατάνην οἰκοῦντασ Καμπανοὺσ εἰσ τὴν νῦν καλουμένην Αἴτνην μεταστῆναι διὰ τὸ λίαν εἶναι τὸ φρούριον ὀχυρόν.

μετὰ δὲ ταῦτα ἀπὸ τῶν Συρακουσῶν ἑκατὸν ἑξήκοντα σταδίουσ προαγαγὼν ἅπασαν τὴν δύναμιν κατεστρατοπέδευσε περὶ τὸν Ταῦρον καλούμενον. εἶχε δὲ κατ’ ἐκεῖνον τὸν καιρὸν πεζοὺσ μὲν τρισμυρίουσ, ἱππεῖσ δὲ πλείουσ τῶν τρισχιλίων, ναῦσ δὲ ἑκατὸν ὀγδοήκοντα· τούτων δ’ ὀλίγαι μὲν ἦσαν τριήρεισ. Ἰμίλκων δὲ τὰ τείχη τῆσ Μεσσήνησ κατασκάψασ προσέταξε τοῖσ στρατιώταισ καταβαλεῖν τὰσ οἰκίασ εἰσ ἔδαφοσ, καὶ μήτε κέραμον μήθ’ ὕλην μήτ’ ἄλλο μηδὲν ὑπολιπεῖν, ἀλλὰ τὰ μὲν κατακαῦσαι, τὰ δὲ συντρῖψαι.

ταχὺ δὲ τῇ τῶν στρατιωτῶν πολυχειρίᾳ λαβόντων τῶν ἔργων συντέλειαν, ἡ πόλισ ἄγνωστοσ ἦν ὅτι πρότερον αὐτὴν οἰκεῖσθαι συνέβαινεν. ὁρῶν γὰρ τὸν τόπον πόρρω μὲν ἀπὸ τῶν συμμαχίδων πόλεων κεχωρισμένον, εὐκαιρότατον δὲ τῶν περὶ Σικελίαν ὄντα, προῄρητο δυεῖν θάτερον, ἢ τελέωσ ἀοίκητον διατηρεῖν ἢ δυσχερῆ καὶ πολυχρόνιον τὴν κτίσιν αὐτῆσ γίνεσθαι.

ἐναποδειξάμενοσ οὖν τὸ πρὸσ τοὺσ Ἕλληνασ μῖσοσ ἐν τῇ τῶν Μεσσηνίων ἀτυχίᾳ, Μάγωνα μὲν τὸν ναύαρχον ἀπέστειλε μετὰ τῆσ ναυτικῆσ δυνάμεωσ, προστάξασ παραπλεῖν ἐπὶ τὸν λόφον τὸν καλούμενον Ταῦρον.

τοῦτον δὲ κατειληφότεσ ἦσαν Σικελοί, συχνοὶ μὲν τὸ πλῆθοσ ὄντεσ, οὐδένα δ’ ἔχοντεσ ἡγεμόνα. τούτοισ δὲ τὸ μὲν πρότερον Διονύσιοσ δεδώκει τὴν τῶν Ναξίων χώραν, τότε δ’ ὑπ’ Ἰμίλκου πεισθέντεσ ἐπαγγελίαισ τὸν λόφον κατελάβοντο.

ὀχυροῦ δ’ ὄντοσ τούτου, καὶ τότε καὶ μετὰ τὸν πόλεμον ᾤκουν αὐτὸν τεῖχοσ περιβαλόμενοι, καὶ τὴν πόλιν διὰ τὸ μεῖναι τοὺσ ἐπὶ τὸν Ταῦρον ἀθροισθέντασ Ταυρομένιον ὠνόμασαν. Ἰμίλκων δὲ ἀναλαβὼν τὴν πεζὴν στρατιὰν εὔτονον τὴν πορείαν ἐποιεῖτο, καὶ κατήντησε τῆσ Ναξίασ ἐπὶ τὸν προειρημένον τόπον, ἅμα καὶ Μάγωνοσ καταπλεύσαντοσ.

προσφάτωσ δὲ πυρὸσ ἐκραγέντοσ ἐκ τῆσ Αἴτνησ μέχρι τῆσ θαλάττησ, οὐκέτι δυνατὸν ἦν τὴν πεζὴν στρατιὰν συμπαράγειν παραπλεούσαισ ταῖσ ναυσίν· ἐφθαρμένων γὰρ τῶν παρὰ τὴν θάλατταν τόπων ὑπὸ τοῦ καλουμένου ῥύακοσ, ἀναγκαῖον ἦν τὸ πεζὸν στρατόπεδον περιπορεύεσθαι τὸν τῆσ Αἴτνησ λόφον. διόπερ Μάγωνι προσέταξε καταπλεῖν ἐπὶ τῆσ Κατάνησ, αὐτὸσ δὲ διὰ τῆσ μεσογείου ταχέωσ ὁρμήσασ ἔσπευδε συμμῖξαι ταῖσ ναυσὶ περὶ τὸν τῶν Καταναίων αἰγιαλόν·

εὐλαβεῖτο γὰρ μήποτε διεσπαρμένησ τῆσ δυνάμεωσ οἱ Σικελιῶται τοῖσ περὶ τὸν Μάγωνα διαναυμαχήσωσιν· ὅπερ καὶ συνετελέσθη. Διονύσιοσ γὰρ τὸν μὲν πλοῦν εἰδὼσ τῷ Μάγωνι βραχὺν ὄντα, τὴν δὲ πορείαν τοῖσ πεζοῖσ ἐργώδη καὶ μακράν, ἔσπευδεν ἐπὶ τῆσ Κατάνησ,βουλόμενοσ ναυμαχῆσαι πρὸσ Μάγωνα, πρὶν ἐλθεῖν τοὺσ περὶ τὸν Ἰμίλκωνα.

ἤλπιζε γὰρ τῶν πεζῶν ἐκτεταγμένων παρὰ τὸν αἰγιαλὸν τοῖσ μὲν ἰδίοισ θάρσοσ παρέξεσθαι, τοὺσ δὲ πολεμίουσ δειλοτέρουσ ἔσεσθαι·

τὸ δὲ μέγιστον, εἴ τι συμβαίη γενέσθαι πταῖσμα, ταῖσ θλιβομέναισ ναυσὶν ἐξῆν καταφυγεῖν πρὸσ τὸ τῶν πεζῶν στρατόπεδον. ταῦτα δὲ διανοηθεὶσ Λεπτίνην μὲν ἀπέστειλε μετὰ πασῶν τῶν νεῶν, παραγγείλασ ἀθρόοισ τοῖσ σκάφεσι ναυμαχεῖν καὶ μὴ λύειν τὴν τάξιν, ὅπωσ μὴ κινδυνεύσωσιν ὑπὸ τοῦ πλήθουσ τῶν ἐναντίων·

εἶχον γὰρ οἱ περὶ τὸν Μάγωνα σὺν ταῖσ ὁλκάσι καὶ ταῖσ ἄλλαισ ταῖσ ἐπικώποισ, οὔσαισ χαλκεμβόλοισ, ναῦσ οὐκ ἐλάττουσ πεντακοσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 58

(디오도로스 시켈로스, Library, book xiv, chapter 58)

상위

목록

SEARCH

MENU NAVIGATION