호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δ’ ὁ ἐνιαύσιοσ διεληλύθει χρόνοσ, Ἀθήνησι μὲν ἦρχε Φιλοκλῆσ, ἐν Ῥώμῃ δὲ τὴν ὑπατικὴν ἀρχὴν μετέλαβον ἓξ χιλίαρχοι, Πόπλιοσ καὶ Κορνήλιοσ, Καίσων Φάβιοσ, Λεύκιοσ Φούριοσ, Κόιντοσ Σερουίλιοσ, Μάρκοσ Οὐαλέριοσ· ἤχθη δὲ καὶ Ὀλυμπιὰσ κατὰ τοῦτον τὸν ἐνιαυτὸν ἑβδόμη πρὸσ ταῖσ ἐνενήκοντα, καθ’ ἣν ἐνίκα Τερίρησ. κατὰ δὲ τούτουσ τοὺσ χρόνουσ Ἀθηναῖοι στρατηγὸν ἑλόμενοι Θρασύβουλον ἐξέπεμψαν μετὰ τριήρων τετταράκοντα.
οὗτοσ δὲ πλεύσασ εἰσ Ιὠνίαν καὶ χρήματα λαβὼν παρὰ τῶν συμμάχων ἀνέζευξε, καὶ διατρίβων περὶ Χερρόνησον Μήδοκον καὶ Σεύθην τοὺσ τῶν Θρᾳκῶν βασιλεῖσ συμμάχουσ ἐποιήσατο. μετὰ δέ τινα χρόνον ἐξ Ἑλλησπόντου πλεύσασ εἰσ Λέσβον, ἐν τῷ παρὰ τὴν Ἔρεσον αἰγιαλῷ καθώρμει.
ἐπιγενομένων δὲ πνευμάτων μεγάλων εἴκοσι μὲν καὶ τρεῖσ τριήρεισ διεφθάρησαν· μετὰ δὲ τῶν λοιπῶν διασωθεὶσ ἐπῄει τὰσ κατὰ τὴν Λέσβον πόλεισ προσαγόμενοσ· ἀφειστήκεισαν γὰρ πᾶσαι πλὴν Μιτυλήνησ. καὶ πρῶτον μὲν ἐπὶ Μέθυμναν παραγενόμενοσ ἐπισυνῆψε μάχην τοῖσ ἐκ τῆσ πόλεωσ, ὧν ἦρχε Θηρίμαχοσ ὁ Σπαρτιάτησ.
ἀγωνισάμενοσ δὲ λαμπρῶσ αὐτόν τε τὸν Θηρίμαχον ἀνεῖλε καὶ τῶν Μεθυμναίων οὐκ ὀλίγουσ, τοὺσ δὲ λοιποὺσ συνέκλεισεν ἐντὸσ τῶν τειχῶν, καὶ τὴν μὲν τῶν Μεθυμναίων χώραν ἔφθειρε, τὴν δ’ Ἔρεσον καὶ τὴν Ἄντισσαν καθ’ ὁμολογίαν παρέλαβεν. μετὰ δὲ ταῦτα παρά τε Χίων καὶ Μιτυληναίων συμμάχων ἀθροίσασ ναῦσ ἔπλευσεν ἐπὶ Ῥόδον.
호흡부호 보기
강세부호 보기
장단부호 보기
작은 Iota 보기
모든 부호 보기