헬라어 문장 검색 - Διοδορ́Λιβραρψ́7́28́

(디오도로스 시켈로스, Library, book xiv, chapter 51)

Διονύσιοσ δὲ τῇ πολυχειρίᾳ τῶν ἐργαζομένων συντελέσασ τὸ χῶμα, προσήγαγε παντοίασ μηχανὰσ τοῖσ τείχεσι, καὶ τοῖσ μὲν κριοῖσ ἔτυπτε τοὺσ πύργουσ, τοῖσ δὲ καταπέλταισ ἀνέστελλε τοὺσ ἐπὶ τῶν ἐπάλξεων μαχομένουσ· προσήγαγε δὲ καὶ τοὺσ ὑπὸ τῶν τροχῶν πύργουσ τοῖσ τείχεσιν, ἑξωρόφουσ ὄντασ, οὓσ κατεσκεύασε πρὸσ τὸ τῶν οἰκιῶν ὕψοσ. οἱ δὲ τὴν Μοτύην κατοικοῦντεσ ἐν χερσὶ τοῦ κινδύνου καθεστῶτοσ ὅμωσ οὐ κατεπλάγησαν τὴν τοῦ Διονυσίου δύναμιν, καίπερ ὄντεσ ἔρημοι συμμάχων κατ’ ἐκεῖνον τὸν καιρόν.

ὑπερτιθέμενοι δὲ τῇ φιλοδοξίᾳ τοὺσ πολιορκοῦντασ, τὸ μὲν πρῶτον ἐκ τῶν μεγίστων ἱστῶν κεραίαισ ἱσταμέναισ ἐβάσταζον ἄνδρασ ἐν θωρακίοισ, οὗτοι δ’ ἀφ’ ὑψηλῶν τόπων δᾷδασ ἡμμένασ ἠφίεσαν καὶ στυππεῖα καιόμενα μετὰ πίττησ εἰσ τὰσ τῶν πολεμίων μηχανάσ. ταχὺ δὲ τῆσ φλογὸσ ἐπινεμομένησ τὴν ὕλην, ὀξέωσ οἱ Σικελιῶται παραβοηθήσαντεσ ταύτην μὲν ἀπέσβεσαν, τοῖσ δὲ κριοῖσ πυκνὰσ τὰσ ἐμβολὰσ διδόντεσ κατέβαλον μέροσ τοῦ τείχουσ.

συνδραμόντων δ’ ἐπὶ τὸν τόπον ἀθρόων ἐξ ἑκατέρου μέρουσ ἰσχυρὰν συνέβαινε τὴν μάχην γίνεσθαι. οἱ μὲν γὰρ Σικελιῶται κεκρατηκέναι τῆσ πόλεωσ ἤδη νομίζοντεσ, πᾶν ὑπέμενον ἕνεκεν τοῦ τοὺσ Φοίνικασ ἀμύνεσθαι, περὶ ὧν πρότερον εἰσ αὐτοὺσ ἡμαρτήκεισαν·

οἱ δ’ ἐκ τῆσ πόλεωσ πρὸ ὀφθαλμῶν λαμβάνοντεσ τὰ τῆσ αἰχμαλωσίασ δεινά, καὶ φυγὴν οὐδεμίαν ὁρῶντεσ ὑπάρχουσαν οὔτε κατὰ γῆν οὔτε κατὰ θάλατταν, οὐκ ἀγενῶσ ὑπέμενον τὸν θάνατον. θεωροῦντεσ δὲ τὴν ἀπὸ τῶν τειχῶν ἐπικουρίαν περιῃρημένην, ἐνέφραττον τοὺσ στενωπούσ, καὶ ταῖσ ἐσχάταισ οἰκίαισ ἐχρῶντο καθάπερ τειχίῳ πολυτελῶσ ᾠκοδομημένῳ.

ὅθεν εἰσ μείζονα δυσχέρειαν οἱ περὶ τὸν Διονύσιον παρεγενήθησαν. παρεισπεσόντεσ γὰρ ἐντὸσ τοῦ τείχουσ, καὶ δοκοῦντεσ ἤδη κυριεύειν τῆσ πόλεωσ, ὑπὸ τῶν ἐν ταῖσ οἰκίαισ ὄντων ἐξ ὑπερδεξίων τόπων κατετιτρώσκοντο.

οὐ μὴν ἀλλὰ τοὺσ ξυλίνουσ πύργουσ προσαγαγόντεσ ταῖσ πρώταισ οἰκίαισ ἐπιβάθρασ κατεσκεύασαν.

ἴσων δ’ ὄντων τῶν μηχανημάτων τοῖσ οἰκοδομήμασι, τὸ λοιπὸν ἐκ χειρὸσ συνέβαινεν εἶναι τὴν μάχην. οἱ μὲν γὰρ Σικελιῶται τὰσ ἐπιβάθρασ ἐπιρριπτοῦντεσ, διὰ τούτων ἐπὶ τὰσ οἰκίασ ἐβιάζοντο·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 51

(디오도로스 시켈로스, Library, book xiv, chapter 51)

상위

목록

SEARCH

MENU NAVIGATION