헬라어 문장 검색 - Διοδορ́Λιβραρψ́7́38́

(디오도로스 시켈로스, Library, book xiv, chapter 65)

εἰ καί τινα προσέψευσται Διονύσιοσ, τό γε ῥηθὲν ὑπ’ αὐτοῦ τὸ τελευταῖον ἀληθὲσ ἦν, ὅτι ταχέωσ καταλύσει τὸν πόλεμον. τοῦτο δὲ πρᾶξαι δύναιτ’ ἂν οὐκ αὐτὸσ ἀφηγούμενοσ, ἥττηται γὰρ πολλάκισ, ἀλλὰ τὴν πάτριον ἐλευθερίαν ἀποδοὺσ τοῖσ πολίταισ. νῦν μὲν γὰρ οὐδεὶσ ἡμῶν προθύμωσ ὑπομένει τοὺσ κινδύνουσ, ὅταν ἡ νίκη μηδὲν ἧττον ᾖ τῆσ ἥττησ·

λειφθέντασ γὰρ Καρχηδονίοισ δεήσει ποιεῖν τὸ προσταττόμενον, νικήσαντασ δὲ Διονύσιον ἔχειν βαρύτερον ἐκείνων δεσπότην. Καρχηδόνιοι μὲν γάρ, κἂν πολέμῳ κρατήσωσι, φόρον ὡρισμένον λαβόντεσ οὐκ ἂν ἡμᾶσ ἐκώλυσαν τοῖσ πατρίοισ νόμοισ διοικεῖν τὴν πόλιν· οὗτοσ δὲ τὰ μὲν ἱερὰ συλήσασ, τοὺσ δὲ τῶν ἰδιωτῶν πλούτουσ ἅμα ταῖσ τῶν κεκτημένων ψυχαῖσ ἀφελόμενοσ, τοὺσ οἰκέτασ μισθοδοτεῖ κατὰ τῆσ τῶν δεσποτῶν δουλείασ· καὶ τὰ συμβαίνοντα κατὰ τὰσ τῶν πόλεων ἁλώσεισ δεινά, ταῦτ’ ἐν εἰρήνῃ πράττων καταλύσειν ἐπαγγέλλεται τὸν πρὸσ Καρχηδονίουσ πόλεμον. ἡμῖν δ’, ὦ ἄνδρεσ, οὐχ ἧττον τοῦ Φοινικικοῦ πολέμου καταλυτέον ἐστὶ τὸν ἐντὸσ τοῦ τείχουσ τύραννον.

ἡ μὲν γὰρ ἀκρόπολισ δούλων ὅπλοισ τηρουμένη κατὰ τῆσ πόλεωσ ἐπιτετείχισται, τὸ δὲ τῶν μισθοφόρων πλῆθοσ ἐπὶ δουλείᾳ τῶν Συρακοσίων ἤθροισται. καὶ κρατεῖ τῆσ πόλεωσ οὐκ ἐπ’ ἴσησ βραβεύων τὸ δίκαιον, ἀλλὰ μόναρχοσ πλεονεξίᾳ κρίνων πράττειν πάντα. καὶ νῦν μὲν οἱ πολέμιοι βραχὺ μέροσ ἔχουσι τῆσ χώρασ, Διονύσιοσ δὲ πᾶσαν ποιήσασ ἀνάστατον τοῖσ τὴν τυραννίδα συναύξουσιν ἐδωρήσατο. μέχρι τίνοσ οὖν καρτερήσομεν ταῦτα πάσχοντεσ, ὑπὲρ ὧν οἱ ἀγαθοὶ χάριν τοῦ μὴ λαβεῖν πεῖραν ἀποθνήσκειν ὑπομένουσιν;

καὶ πρὸσ μὲν Καρχηδονίουσ ἀγωνιζόμενοι τοὺσ ἐσχάτουσ κινδύνουσ εὐψύχωσ ὑπομένομεν, πρὸσδὲ πικρὸν τύραννον ὑπὲρ ἐλευθερίασ καὶ περὶ πατρίδοσ οὐδὲ λόγῳ παρρησίαν ἔτι ἄγειν τολμῶμεν· καὶ ταῖσ μὲν τοσαύταισ μυριάσι τῶν πολεμίων ἀντιταττόμεθα, μόναρχον δὲ οὐδ’ ἀνδραπόδου γενναίου τὴν ἀρετὴν ἔχοντα πεφρίκαμεν. οὐ γὰρ δήπουθεν ἀξιώσαι τισ ἂν παραβάλλειν Διονύσιον τῷ παλαιῷ Γέλωνι.

ἐκεῖνοσ μὲν γὰρ μετὰ τῆσ ἰδίασ ἀρετῆσ, μετὰ τῶν Συρακοσίων καὶ τῶν ἄλλων Σικελιωτῶν ἠλευθέρωσε τὴν Σικελίαν ἅπασαν, ὁ δ’ ἐν ἐλευθερίᾳ παραλαβὼν τὰσ πόλεισ τῶν μὲν ἄλλων ἁπασῶν κυρίουσ πεποίηκε τοὺσ πολεμίουσ, αὐτὸσ δὲ τὴν πατρίδα καταδεδούλωται. κἀκεῖνοσ μὲν πολὺ πρὸ τῆσ Σικελίασ ἀγωνισάμενοσ τοὺσ ἐν ταῖσ πόλεσιν ὄντασ συμμάχουσ οὐδὲ ἰδεῖν τοὺσ πολεμίουσ ἐποίησεν, ὁ δ’ ἀπὸ Μοτύησ διὰ πάσησ τῆσ νήσου φυγὼν συγκέκλεικεν ἑαυτὸν ἐντὸσ τῶν τειχῶν, πρὸσ μὲν τοὺσ πολίτασ θρασυνόμενοσ, τοὺσ δὲ πολεμίουσ οὐδὲ κατ’ ὄψιν ἰδεῖν ὑπομένων.

τοιγαροῦν ἐκεῖνοσ μὲν διά τε τὴν ἀρετὴν καὶ τὸ μέγεθοσ τῶν πράξεων οὐ μόνον τῶν Συρακοσίων, ἀλλὰ καὶ τῶν Σικελιωτῶν ἑκουσίων παρέλαβε τὴν ἡγεμονίαν, ὁ δ’ ἐπ’ ὀλέθρῳ μὲν τῶν συμμάχων, ἐπὶ δουλείᾳ δὲ τῶν πολιτῶν στρατηγήσασ, πῶσ οὐκ ἂν δικαίωσ ὑπὸ πάντων μισοῖτο;

οὐ γὰρ μόνον ἡγεμονίασ ἀνάξιοσ, ἀλλὰ καὶ μυρίων θανάτων τυχεῖν δίκαιοσ. Γέλα καὶ Καμάρινα διὰ τοῦτον κατεστράφησαν, Μεσσήνη ἄρδην ἀνῄρηται, κατὰ ναυμαχίαν δισμύριοι τῶν συμμάχων ἀπολώλασι, τὸ σύνολον εἰσ μίαν κατακεκλείσμεθα πόλιν, τῶν κατὰ Σικελίαν Ἑλληνίδων πασῶν ἀνῃρημένων.

πρὸσ γὰρ τοῖσ ἄλλοισ ἀδικήμασι Μάξον καὶ Κατάνην ἐξηνδραποδίσατο, πόλεισ συμμαχίδασ, ἐπικαίρουσ πόλεισ, ἄρδην ἀνῄρηκεν. καὶ πρὸσ μὲν Καρχηδονίουσ δύο μάχασ ἐνστησάμενοσ ἐν ἑκατέραισ ἥττηται, παρὰ δὲ τοῖσ πολίταισ πιστευθεὶσ ἅπαξ στρατηγίασ εὐθέωσ ἀφείλετο τὴν ἐλευθερίαν, φονεύων μὲν τοὺσ παρρησίαν ἄγοντασ ὑπὲρ τῶν νόμων, φυγαδεύων δὲ τοὺσ ταῖσ οὐσίαισ προέχοντασ, καὶ τὰσ μὲν τῶν φυγάδων γυναῖκασ οἰκέταισ καὶ μιγάσιν ἀνθρώποισ συνοικίζων, τῶν δὲ πολιτικῶν ὅπλων βαρβάρουσ καὶ ξένουσ ποιῶν κυρίουσ.

καὶ ταῦτ’ ἔπραξεν, ὦ Ζεῦ καὶ θεοὶ πάντεσ, ὑπηρέτησ ἀρχείων, ἀπεγνωσμένοσ ἄνθρωποσ. καὶ ποῦ τὸ φιλελεύθερον τῶν Συρακοσίων;

ποῦ δ’ αἱ τῶν προγόνων πράξεισ; ἐῶ τὰσ ἐφ’ Ἱμέρᾳ τριάκοντα μυριάδασ ἄρδην ἀναιρεθείσασ Καρχηδονίων, παρίημι τὴν τῶν μετὰ Γέλωνα τυράννων κατάλυσιν· ἀλλ’ ἐχθὲσ καὶ πρῴην, Ἀθηναίων τηλικαύταισ δυνάμεσιν ἐπὶ Συρακούσασ στρατευσάντων, οἱ πατέρεσ ἡμῶν οὐδὲ τὸν ἀπαγγελοῦντα τὴν συμφορὰν ἀπέλιπον. ἡμεῖσ δὲ τηλικαῦτ’ ἔχοντεσ πατέρων παραδείγματ’ ἀρετῆσ, τοῦ Διονυσίου προστάγμασιν ὑπακούομεν, καὶ ταῦτα τῶν ὅπλων ὄντεσ κύριοι;

θεῶν γάρ τισ πρόνοια μετὰ τῶν συμμάχων ἐν τοῖσ ὅπλοισ ἡμᾶσ συνήγαγε πρὸσ τὸ τὴν ἐλευθερίαν ἀνακτήσασθαι, καὶ πάρεστι τήμερον ἄνδρασ ἀγαθοὺσ γενομένουσ καὶ συμφρονήσαντασ ἀπαλλαγῆναι τῆσ βαρείασ ἀνάγκησ. τὸν μὲν γὰρ ἔμπροσθεν χρόνον παρωπλισμένοι καὶ ἔρημοι συμμάχων ὄντεσ, τῷ δὲ τῶν μισθοφόρων πλήθει τηρούμενοι, σχεδὸν εἴκομεν τῷ τῆσ ἀνάγκησ καιρῷ·

νῦν δὲ τῶν ὅπλων κυριεύοντεσ καὶ τοὺσ συμμάχουσ ἅμα βοηθοὺσ καὶ θεατὰσ ἔχοντεσ τῆσ ἀρετῆσ, μὴ παραχωρήσωμεν ἀλλὰ ποιήσωμεν φανερόν, ὡσ διὰ καιρόν, οὐ δι’ ἀνανδρίαν ὑπεμείναμεν δουλεύειν. οὐκ αἰσχυνόμεθα τῶν πολέμων ἔχοντεσ ἡγεμόνα τὸν τὰ κατὰ τὴν πόλιν ἱερὰ σεσυληκότα, καὶ τηλικούτων πραγμάτων ποιοῦντεσ προστάτην, ᾧ βίον ἰδιωτικὸν οὐδεὶσ ἂν εὖ φρονῶν διοικεῖν ἐπιτρέψειεν;

καὶ τῶν ἄλλων ἐν τοῖσ πολέμοισ μάλιστα τηρούντων τὰ πρὸσ τοὺσ θεοὺσ ὅσια διὰ τὸ μέγεθοσ τῶν κινδύνων, ἡμεῖσ τὸν ἐπ’ ἀσεβείᾳ διωνομασμένον ἐλπίζομεν καταλύσειν τὸν πόλεμον; καίτοι γε εἴ τισ βούλεται τἀκριβὲσ ζητεῖν, εὑρήσει Διονύσιον οὐχ ἧττον τοῦ πολέμου τὴν εἰρήνην εὐλαβούμενον.

νῦν μὲν γὰρ διὰ τὸν ἀπὸ τῶν πολεμίων φόβον νομίζει τοὺσ Συρακοσίουσ μηθὲν ἐπιχειρήσειν κατ’ αὐτοῦ πρᾶξαι, καταπονηθέντων δὲ τῶν Καρχηδονίων ἀντιλήψεσθαι τῆσ ἐλευθερίασ, τῶν μὲν ὅπλων κυριεύοντασ, διὰ δὲ τὰσ πράξεισ πεφρονηματισμένουσ. διὰ τοῦτο γάρ, οἶμαι, κατὰ μὲν τὸν πρῶτον πόλεμον προδοὺσ Γέλαν καὶ Καμάριναν ταύτασ ἀοικήτουσ ἐποίησεν, ἐν δὲ ταῖσ συνθήκαισ ἐκδότουσ τὰσ πλείστασ, Ἑλληνίδασ πόλεισ συνέθετο.

μετὰ δὲ ταῦτ’ ἐν εἰρήνῃ Νάξον καὶ Κατάνην παρασπονδῶν ἐξανδραποδισάμενοσ ἣν μὲν κατέσκαψεν, ἣν δὲ τοῖσ ἐξ Ἰταλίασ Καμπανοῖσ οἰκητήριον ἔδωκεν.

ἐπειδὴ δὲ ἐκείνων ἀπολομένων οἱ περιλειφθέντεσ πολλάκισ ἐπεβάλοντο καταλῦσαι τὴν τυραννίδα, πάλιν τοῖσ Καρχηδονίοισ πόλεμον κατήγγειλεν·

οὐ γὰρ οὕτωσ εὐλαβεῖτο λῦσαι τὰσ συνθήκασ παρὰ τοὺσ ὁρ́κουσ, ὡσ ἐφοβεῖτο τὰ περιλελειμμένα συστήματα τῶν Σικελιωτῶν. καὶ δὴ φαίνεται διὰ παντὸσ ἐπηγρυπνηκὼσ τῇ τούτων ἀπωλείᾳ. καὶ πρῶτον μὲν περὶ Πάνορμον δυνάμενοσ παρατάξασθαι τοῖσ πολεμίοισ, ἀποβαινόντων ἐκ τῶν νεῶν καὶ τὰ σώματα κακῶσ ἐχόντων διὰ τὸν σάλον, οὐκ ἠβουλήθη·

μετὰ δὲ ταῦτα τὴν Μεσσήνην ἐπίκαιρον καὶ τηλικαύτην πόλιν ἀβοήθητον περιιδὼν εἰάσε κατασκαφῆναι, ὅπωσ μὴ μόνον ὡσ πλεῖστοι διαφθείρωνται τῶν Σικελιωτῶν, ἀλλὰ καὶ Καρχηδόνιοι τὰσ ἐξ Ἰταλίασ βοηθείασ καὶ τοὺσ ἐκ Πελοποννήσου στόλουσ ἐμφράξωσιν. τὸ δὲ τελευταῖον ἐν τῷ Καταναίων αἰγιαλῷ διηγωνίσατο, παρεὶσ πρὸσ τῇ πόλει τὴν μάχην συστήσασθαι πρὸσ τὸ τοὺσ ἐλαττουμένουσ καταφεύγειν εἰσ τοὺσ οἰκείουσ λιμένασ.

μετὰ δὲ τὴν ναυμαχίαν, μεγάλων πνευμάτων ἐπιγενομένων καὶ τῶν Καρχηδονίων ἀναγκασθέντων νεωλκῆσαι τὸν στόλον, καιρὸν εἶχε τοῦ νικᾶν κάλλιστον· τὸ μὲν γὰρ πεζὸν στράτευμα τῶν πολεμίων οὔπω κατηντηκὸσ ἦν, τὸ δὲ μέγεθοσ τοῦ χειμῶνοσ ἐπὶ τὸν αἰγιαλὸν αὐτοῖσ τὰσ ναῦσ ἐξέβραττεν.

τότε συνεπιθεμένων ἡμῶν πεζῇ πάντων ἠναγκάσθησαν ἂν ἀποβαίνοντεσ ἁλίσκεσθαι ῥᾳδίωσ ἢ πρὸσ τὰ κύματα βιαζόμενοι τὸν αἰγιαλὸν πληρῶσαι ναυαγίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 65

(디오도로스 시켈로스, Library, book xiv, chapter 65)

상위

목록

SEARCH

MENU NAVIGATION