헬라어 문장 검색 - Διοδορ́Λιβραρψ́7́51́

(디오도로스 시켈로스, Library, book xiv, chapter 90)

τοῦ δὲ ἔτουσ τούτου διεληλυθότοσ Ἀθήνησι μὲν παρέλαβε τὴν ἀρχὴν Δημόστρατοσ, ἐν Ῥώμῃ δὲ τὴν ὑπατικὴν ἀρχὴν διῴκουν χιλίαρχοι ἕξ, Λεύκιοσ Τιτίνιοσ, Πόπλιοσ Λικίνιοσ, Πόπλιοσ Μελαῖοσ, Κόιντοσ Μάλλιοσ, Γναῖοσ Γενύκιοσ, Λεύκιοσ Ἀτίλιοσ. τούτων δὲ τὴν ἀρχὴν παρειληφότων Μάγων ὁ τῶν Καρχηδονίων στρατηγὸσ διέτριβε μὲν ἐν Σικελίᾳ, τὰ δὲ πράγματα τῶν Καρχηδονίων ἀπὸ τῆσ γεγενημένησ συμφορᾶσ ἀνελάμβανε·

ταῖσ τε γὰρ ὑποτεταγμέναισ πόλεσι φιλανθρώπωσ προσεφέρετο καὶ τοὺσ ὑπὸ Διονυσίου πολεμουμένουσ ὑπεδέχετο.

ἐποιήσατο δὲ καὶ πρὸσ τοὺσ πλείστουσ τῶν Σικελῶν συμμαχίασ, καὶ δυνάμεισ ἀθροίσασ ἐστράτευσεν εἰσ τὴν Μεσσηνίαν. λεηλατήσασ δὲ τὴν χώραν καὶ πολλῆσ ὠφελείασ ἐγκρατὴσ γενόμενοσ ἀνέζευξε καὶ πρὸσ Ἀβακαίνῃ πόλει συμμαχίδι κατεστρατοπέδευσεν. Διονυσίου δὲ ἐπελθόντοσ μετὰ τῆσ δυνάμεωσ παρετάχθησαν, καὶ γενομένησ καρτερᾶσ μάχησ ἐνίκησαν οἱ περὶ Διονύσιον.

καὶ οἱ μὲν Καρχηδόνιοι πλείουσ ὀκτακοσίων ἀποβαλόντεσ ἔφυγον εἰσ τὴν πόλιν, Διονύσιοσ δὲ τότε μὲν εἰσ Συρακούσασ ἀνέζευξε, μετὰ δέ τινασ ἡμέρασ ἑκατὸν τριήρεισ πληρώσασ ἐστράτευσεν ἐπὶ Ῥηγίνουσ. ἀπροσδοκήτωσ δὲ νυκτὸσ ἐπιφανεὶσ τῇ πόλει τὰσ πύλασ ἐνέπρησε καὶ τοῖσ τείχεσι προσήρεισε κλίμακασ.

οἱ δὲ Ῥηγῖνοι τὸ μὲν πρῶτον ὀλίγοι προσβοηθήσαντεσ ἐπεχείρουν σβεννύναι τὴν φλόγα, μετὰ δὲ ταῦτα Ἑλώριδοσ τοῦ στρατηγοῦ παραγενομένου καὶ συμβουλεύσαντοσ τἀναντία πράττειν ἔσωσαν τὴν πόλιν. σβεννύντεσ μὲν γὰρ τὸ πῦρ οὐκ ἂν ἴσχυσαν Διονύσιον κωλῦσαι εἰσελθεῖν, ὀλίγοι παντελῶσ ὄντεσ, ἐκ δὲ τῶν ἐγγὺσ οἰκιῶν ἐνέγκαντεσ φρύγανα καὶ ξύλα τὴν φλόγα κατεσκεύαζον μείζονα, μέχρι ὅτου τὸ πλῆθοσ ἐν τοῖσ ὅπλοισ ἀθροισθὲν παρεβοήθησεν.

Διονύσιοσ δὲ τῆσ ἐπιβολῆσ ἀποτυχὼν ἐπῆλθε τὴν χώραν ἐμπυρίζων καὶ δενδροτομῶν, καὶ μετὰ ταῦτ’ ἐνιαυσίουσ ἀνοχὰσ ποιησάμενοσ ἐξέπλευσεν ἐπὶ Συρακουσῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 90

(디오도로스 시켈로스, Library, book xiv, chapter 90)

상위

목록

SEARCH

MENU NAVIGATION