헬라어 문장 검색 - Διοδορ́Λιβραρψ́7́21́

(디오도로스 시켈로스, Library, book xiv, chapter 36)

Λακεδαιμόνιοι δὲ ἐπὶ τὸν πρὸσ βασιλέα πόλεμον Θίβρωνα καταστήσαντεσ ἡγεμόνα χιλίουσ μὲν τῶν πολιτῶν ἔδωκαν, παρὰ δὲ τῶν συμμάχων ἐκέλευσαν στρατολογεῖν ὅσουσ ἂν αὐτῷ φαίνηται συμφέρειν. ὁ δὲ Θίβρων πορευθεὶσ εἰσ Κόρινθον, κἀκεῖ παρὰ τῶν συμμάχων μεταπεμψάμενοσ στρατιώτασ, ἐξέπλευσεν εἰσ Ἔφεσον ἔχων οὐ πλείουσ πεντακισχιλίων.

ἐκεῖ δὲ ἔκ τε τῶν ἰδίων πόλεων καὶ τῶν ἄλλων ὡσ δισχιλίουσ καταγράψασ, ἀνέζευξε τοὺσ πάντασ ἔχων πλείουσ ἑπτακισχιλίων. διελθὼν δ’ ὡσ ἑκατὸν εἴκοσι σταδίουσ πρὸσ Μαγνησίαν ἧκεν, ἧσ ἦρχε Τισσαφέρνησ· ταύτην δ’ ἐξ ἐφόδου παραλαβών, καὶ ταχέωσ ἐπὶ Τράλλεισ τῆσ Ιὠνίασ πορευθείσ, ἐπεχείρησε πολιορκεῖν τὴν πόλιν· οὐδὲν δὲ δυνάμενοσ πρᾶξαι δι’ ὀχυρότητα, πάλιν εἰσ Μαγνησίαν ἀπεχώρησεν. ταύτησ δ’ οὔσησ ἀτειχίστου, καὶ διὰ τοῦτο φοβούμενοσ μήποτε χωρισθέντοσ αὐτοῦ κυριεύσῃ τῆσ πόλεωσ ὁ Τισσαφέρνησ, μετῴκισεν αὐτὴν πρὸσ τὸ πλησίον ὄροσ, ὃ καλοῦσι Θώρακα·

αὐτὸσ δ’ ἐμβαλὼν εἰσ τὴν τῶν πολεμίων χώραν τοὺσ στρατιώτασ ἐνέπλησε παντοίασ ὠφελείασ. Τισσαφέρνουσ δὲ μετὰ πολλῆσ ἵππου παραγενομένου διευλαβηθεὶσ ἀνέστρεψεν εἰσ Ἔφεσον. περὶ δὲ τὸν αὐτὸν χρόνον τῶν ἐστρατευμένων μετὰ Κύρου καὶ διασωθέντων εἰσ τὴν Ἑλλάδα τινὲσ μὲν εἰσ τὰσ ἰδίασ πατρίδασ ἀπηλλάγησαν, οἱ δὲ πλεῖστοι στρατιωτικὸν εἰθισμένοι ζῆν βίον, καὶ σχεδὸν ὄντεσ πεντακισχίλιοι, στρατηγὸν αὑτῶν εἵλαντο Ξενοφῶντα.

ὃσ ἀναλαβὼν τὴν δύναμιν ὡρ́μησε πολεμήσων Θρᾷκασ τοὺσ περὶ τὸν Σαλμυδησσὸν οἰκοῦντασ·

οὗτοσ δ’ ἔστι μὲν ἐπ’ ἀριστερᾷ τοῦ Πόντου, παρεκτείνων δ’ ἐπὶ πολὺ πλεῖστα ποιεῖ ναυάγια. οἱ μὲν οὖν Θρᾷκεσ εἰώθεισαν περὶ τούτουσ τοὺσ τόπουσ ἐφεδρεύοντεσ τοὺσ ἐκπίπτοντασ τῶν ἐμπόρων αἰχμαλωτίζειν·

ὁ δὲ Ξενοφῶν μετὰ τῶν συνηθροισμένων στρατιωτῶν ἐμβαλὼν αὐτῶν εἰσ τὴν χώραν μάχῃ τε ἐνίκησε καὶ τὰσ πλείστασ τῶν κωμῶν ἐνέπρησεν· μετὰ δὲ ταῦτα Θίβρωνοσ αὐτοὺσ μεταπεμπομένου καὶ μισθοὺσ ἐπαγγελλομένου δώσειν, πρὸσ ἐκεῖνον ἀπεχώρησαν καὶ μετὰ Λακεδαιμονίων ἐπολέμουν τοῖσ Πέρσαισ.

τούτων δὲ πραττομένων Διονύσιοσ μὲν ἐν τῇ Σικελίᾳ πόλιν ἔκτισεν ὑπ’ αὐτὸν τὸν τῆσ Αἴτνησ λόφον, καὶ ἀπό τινοσ ἐπιφανοῦσ ἱεροῦ προσηγόρευσεν αὐτὴν Ἄδρανον.

κατὰ δὲ τὴν Μακεδονίαν Ἀρχέλαοσ ὁ βασιλεὺσ ἔν τινι κυνηγίῳ πληγεὶσ ἀκουσίωσ ὑπὸ Κρατεροῦ τοῦ ἐρωμένου τὸν βίον μετήλλαξε, βασιλεύσασ ἔτη ἑπτά·

τὴν δ’ ἀρχὴν διεδέξατο Ὀρέστησ παῖσ ὤν, ὃν ἀνελὼν Αἔροποσ ἐπίτροποσ ὢν κατέσχε τὴν βασιλείαν ἔτη ἕξ. Ἀθήνησι δὲ Σωκράτησ ὁ φιλόσοφοσ ὑπ’ Ἀνύτου καὶ Μελήτου κατηγορηθεὶσ ἐπ’ ἀσεβείᾳ καὶ φθορᾷ τῶν νέων, θανάτῳ κατεδικάσθη καὶ πιὼν κώνειον ἐτελεύτησεν.

ἀδίκου δὲ τῆσ κατηγορίασ γεγενημένησ ὁ δῆμοσ μετεμελήθη, τηλικοῦτον ἄνδρα θεωρῶν ἀνῃρημένον· διόπερ τοὺσ κατηγορήσαντασ δι’ ὀργῆσ εἶχε καὶ τέλοσ ἀκρίτουσ ἀπέκτεινεν. τοῦ δ’ ἐνιαυσίου χρόνου διεληλυθότοσ Ἀθήνησι μὲν τὴν ἀρχὴν Ἀριστοκράτησ παρέλαβεν, ἐν Ῥώμῃ δὲ τὴν ὑπατικὴν ἀρχὴν ἓξ χιλίαρχοι διεδέξαντο, Γάιοσ Σερουίλιοσ καὶ Λούκιοσ Οὐεργίνιοσ, Κόιντοσ Σουλπίκιοσ, Αὖλοσ Μουτίλιοσ, Μάνιοσ Σέργιοσ.

τούτων δὲ τὴν ἀρχὴν παρειληφότων Λακεδαιμόνιοι πυθόμενοι τὸν Θίβρωνα κακῶσ διοικοῦντα τὰ κατὰ τὸν πόλεμον, Δερκυλίδαν στρατηγὸν εἰσ τὴν Ἀσίαν ἐξέπεμψαν·

ὃσ παραλαβὼν τὴν δύναμιν ἐστράτευσεν ἐπὶ τὰσ ἐν τῇ Τρῳάδι πόλεισ. Ἁμάξιτον μὲν οὖν καὶ Κολώνασ καὶ Ἀρίσβαν εἷλεν ἐξ ἐφόδου·

μετὰ δὲ ταῦτα Ἴλιον καὶ Κεβρηνίαν καὶ τὰσ ἄλλασ ἁπάσασ τὰσ κατὰ τὴν Τρῳάδα ἃσ μὲν δόλῳ παρέλαβεν, ἃσ δ’ ἐκ βίασ ἐχειρώσατο. μετὰ δὲ ταῦτα πρὸσ Φαρνάβαζον ὀκταμηνιαίουσ ἀνοχὰσ ποιησάμενοσ, ἐστράτευσεν ἐπὶ Θρᾷκασ τοὺσ περὶ Βιθυνίαν τότε κατοικοῦντασ· πορθήσασ δ’ αὐτῶν τὴν χώραν ἀπήγαγε τὴν δύναμιν εἰσ παραχειμασίαν. ἐν Ἡρακλείᾳ δὲ τῇ περὶ Τραχῖνα στάσεωσ γενομένησ, Ἡριππίδαν ἐξέπεμψαν Λακεδαιμόνιοι καταστήσοντα τὰ πράγματα.

ὃσ παραγενόμενοσ εἰσ Ἡράκλειαν συνήγαγεν εἰσ ἐκκλησίαν τὰ πλήθη, καὶ περιστήσασ αὐτοῖσ ὁπλίτασ συνέλαβε τοὺσ αἰτίουσ καὶ πάντασ ἀνεῖλεν, ὄντασ περὶ πεντακοσίουσ. τῶν δὲ περὶ τὴν Οἴτην κατοικούντων ἀποστάντων ἐπολέμησεν αὐτοῖσ, καὶ πολλοῖσ περιβαλὼν κακοῖσ ἠνάγκασεν ἐκλιπεῖν τὴν χώραν·

ὧν οἱ πλεῖστοι μετὰ τῶν τέκνων καὶ γυναικῶν ἔφυγον εἰσ Θεσσαλίαν, καὶ μετὰ πέντε ἔτη κατήχθησαν ὑπὸ Βοιωτῶν. τούτων δὲ πραττομένων Θρᾷκεσ πολλοῖσ πλήθεσιν ἐνέβαλον εἰσ τὴν Χερρόνησον, καὶ τὴν χώραν πᾶσαν πορθήσαντεσ τειχήρεισ συνεῖχον τὰσ ἐν αὐτῇ πόλεισ.

οἱ δὲ Χερρονησῖται πιεζόμενοι τῷ πολέμῳ μετεπέμψαντο Δερκυλίδαν τὸν Λακεδαιμόνιον ἐκ τῆσ Ἀσίασ. οὗτοσ δὲ διαβὰσ μετὰ τῆσ δυνάμεωσ τοὺσ μὲν Θρᾷκασ ἐξήλασεν ἐκ τῆσ χώρασ, τὴν δὲ Χερρόνησον ἀπὸ θαλάττησ ἀρξάμενοσ μέχρι θαλάττησ διετείχισεν.

τοῦτο δὲ πράξασ τοὺσ μὲν Θρᾷκασ ἐκώλυσε τῆσ εἰσ τὸν μετὰ ταῦτα χρόνον καταδρομῆσ, αὐτὸσ δὲ μεγάλαισ δωρεαῖσ τιμηθεὶσ διεβίβασε τὸ στρατόπεδον εἰσ τὴν Ἀσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 36

(디오도로스 시켈로스, Library, book xiv, chapter 36)

상위

목록

SEARCH

MENU NAVIGATION