헬라어 문장 검색 - Διοδορ́Λιβραρψ́7́66́

(디오도로스 시켈로스, Library, book xiv, chapter 116)

τῶν δὲ Ῥωμαίων ἐν τοιαύταισ ταραχαῖσ ὄντων, οἱ παροικοῦντεσ Τυρρηνοὶ μετὰ δυνάμεωσ ἁδρᾶσ ἐπεπορεύοντο τὴν τῶν Ῥωμαίων χώραν λεηλατοῦντεσ, καὶ πολλῶν μὲν σωμάτων, οὐκ ὀλίγησ δ’ ὠφελείασ ἐγκρατεῖσ ἐγένοντο. οἱ δ’ εἰσ τοὺσ Βηίουσ τῶν Ῥωμαίων πεφευγότεσ ἀπροσδοκήτωσ τοῖσ Τυρρηνοῖσ ἐπιπεσόντεσ ἐτρέψαντο, καὶ τήν τε λείαν ἀφείλαντο καὶ τῆσ παρεμβολῆσ ἐκυρίευσαν. ἐγκρατεῖσ δὲ γενόμενοι πολλῶν ὅπλων τοῖσ τε ἀνόπλοισ οὖσι διέδωκαν καὶ τοὺσ ἀπὸ τῆσ χώρασ ἀθροίζοντεσ καθώπλιζον·

ἐβούλοντο γὰρ τοὺσ εἰσ τὸ Καπετώλιον συμπεφευγότασ ἐκ τῆσ πολιορκίασ ἐξελέσθαι. ἀπορούντων δ’ αὐτῶν, ᾧ τρόπῳ δηλώσειαν τοῖσ συγκεκλειμένοισ διὰ τὸ τοὺσ Κελτοὺσ μεγάλαισ δυνάμεσι περιστρατοπεδεύειν, Κομίνιόσ τισ Πόντιοσ ὑπέσχετο παραθαρρύνειν τοὺσ ἐν τῷ Καπετωλίῳ.

ὁρμήσασ οὖν μόνοσ καὶ διανηξάμενοσ νυκτὸσ τὸν ποταμόν, ἔλαθε προσελθών τινα πέτραν τοῦ Καπετωλίου δύσβατον, καὶ ταύτῃ μόγισ ἑαυτὸν ἑλκύσασ ἐδήλωσε τοῖσ ἐν τῷ Καπετωλίῳ περὶ τῶν συνηθροισμένων εἰσ Βηίουσ καὶ διότι καιρὸν τηρήσαντεσ ἐπιθήσονται τοῖσ Κελτοῖσ.

οὗτοσ μὲν οὖν καταβὰσ ᾗπερ ἀνέβη καὶ διακολυμβήσασ τὸν Τίβεριν, εἰσ Βηίουσ ἀνέστρεψεν· οἱ δὲ Κελτοὶ κατανοήσαντεσ τὰ ἴχνη τοῦ προσφάτωσ ἀναβεβηκότοσ, συνετάξαντο κατὰ τῆσ αὐτῆσ πέτρασ ἀναβῆναι νυκτόσ.

διὸ καὶ περὶ μέσασ νύκτασ οἱ μὲν φύλακεσ παρερρᾳθυμηκότεσ ἦσαν τῆσ φυλακῆσ διὰ τὴν ὀχυρότητα τοῦ τόπου, τῶν δὲ Κελτῶν τινεσ κατὰ τῆσ πέτρασ προσανέβησαν. τοὺσ μὲν οὖν φύλακασ ἔλαθον, χῆνεσ δ’ ἱεροὶ τῆσ Ἥρασ τρεφόμενοι, καὶ θεωρήσαντεσ ἀναβαίνοντασ κραυγὴν ἐποίουν.

συνδραμόντων δὲ τῶν φυλάκων ἐπὶ τὸν τόπον, οὗτοι μὲν καταπλαγέντεσ οὐκ ἐτόλμων προσελθεῖν, Μάρκοσ δέ τισ Μάλλιοσ, ἔνδοξοσ ἀνήρ, ἐκβοηθήσασ ἐπὶ τὸν τόπον τῷ μὲν ξίφει τὴν χεῖρα τοῦ προσαναβαίνοντοσ ἀπέκοψε, τῷ δὲ θυρεῷ πατάξασ εἰσ τὸ στῆθοσ ἀπεκύλισεν αὐτὸν ἀπὸ τῆσ πέτρασ. παραπλησίωσ δὲ καὶ τοῦ δευτέρου προσαναβαίνοντοσ ἀπολομένου, οἱ λοιποὶ ταχέωσ πάντεσ ἔφυγον·

ἀπορρῶγοσ δὲ τῆσ πέτρασ οὔσησ ἅπαντεσ κατακρημνισθέντεσ ἐτελεύτησαν. διόπερ πρεσβευομένων τῶν Ῥωμαίων περὶ διαλύσεωσ, ἐπείσθησαν χιλίασ λαβόντεσ λίτρασ χρυσίου τὴν πόλιν ἐκλιπεῖν καὶ ἐκ τῆσ Ῥωμαίων χώρασ ἀπαλλαγῆναι. Ῥωμαῖοι δέ, τῶν μὲν οἰκιῶν κατεσκαμμένων, τῶν δὲ πλείστων πολιτῶν ἀπολωλότων, ἔδωκαν ἐξουσίαν τῷ βουλομένῳ καθ’ ὃν προῄρηται τόπον οἰκίαν οἰκοδομεῖν, καὶ δημοσίασ κεραμῖδασ ἐχορήγουν, αἳ μέχρι τοῦ νῦν πολιτικαὶ καλοῦνται.

ἁπάντων οὖν πρὸσ τὴν ἰδίαν προαίρεσιν οἰκοδομούντων, συνέβη τὰσ κατὰ πόλιν ὁδοὺσ στενὰσ γενέσθαι καὶ καμπὰσ ἐχούσασ·

διόπερ ὕστερον αὐξηθέντεσ οὐκ ἠδυνήθησαν εὐθείασ ποιῆσαι τὰσ ὁδούσ. λέγουσι δέ τινεσ καὶ διότι τὸν χρυσοῦν κόσμον αἱ γυναῖκεσ εἰσ τὴν κοινὴν σωτηρίαν εἰσενέγκασαι ταύτησ ἔτυχον παρὰ τοῦ δήμου τιμῆσ, ὥστ’ ἐξουσίαν ἔχειν ἐφ’ ἁρμάτων ὀχεῖσθαι κατὰ τὴν πόλιν. ταπεινῶν δ’ ὄντων τῶν Ῥωμαίων διὰ τὴν προειρημένην συμφοράν, οἱ Οὐόλσκοι πρὸσ αὐτοὺσ πόλεμον ἐξήνεγκαν.

οἱ μὲν οὖν χιλίαρχοι τῶν Ῥωμαίων καταγράψαντεσ στρατιώτασ, καὶ προαγαγόντεσ τὴν δύναμιν εἰσ ὕπαιθρον, ἐν τῷ καλουμένῳ Μαρκίῳ κατεστρατοπέδευσαν, ἀπέχοντεσ ἀπὸ Ῥώμησ σταδίουσ διακοσίουσ. τῶν δὲ Οὐόλσκων μετὰ μείζονοσ στρατιᾶσ ἀντικαθημένων καὶ τῇ παρεμβολῇ προσβαλλόντων, οἱ κατὰ τὴν Ῥώμην φοβηθέντεσ ὑπὲρ τῶν ἐν τῷ στρατοπέδῳ, κατέστησαν αὐτοκράτορα μὲν Μάρκον Φούριον οὗτοι δὲ πάντασ τοὺσ ἐν ἡλικίᾳ καθοπλίσαντεσ νυκτὸσ ἐξῆλθον, καὶ καταλαβόντεσ ἅμ’ ἡμέρᾳ τοὺσ Οὐόλσκουσ τῇ παρεμβολῇ προσμαχομένουσ, ἐπιφανέντεσ κατὰ νώτου ῥᾳδίωσ ἐτρέψαντο.

ἐξελθόντων δὲ καὶ τῶν ἐκ τῆσ παρεμβολῆσ, εἰσ μέσον ἀποληφθέντεσ οἱ Οὐόλσκοι σχεδὸν ἅπαντεσ κατεκόπησαν.

διόπερ τὸν ἔμπροσθεν χρόνον ἰσχυροὶ δοκοῦντεσ εἶναι, διὰ τὴν συμφορὰν ταύτην ἀσθενέστατοι τῶν περιοικούντων ἐθνῶν ἐγενήθησαν. μετὰ δὲ τὴν μάχην ἀκούσασ ὁ αὐτοκράτωρ πορθεῖσθαι Βώλασ ὑπὸ Αἰκουλανῶν, τῶν νῦν Αἰκίκλων καλουμένων, ἀγαγὼν τὴν δύναμιν τοὺσ πλείστουσ τῶν πολιορκούντων ἀνεῖλεν.

ἐκεῖθεν δ’ ἀνέζευξεν εἰσ Σουτριανήν, οὖσαν ἀποικίαν, ἣν οἱ Τυρρηνοὶ βίᾳ κατειλήφεισαν. προσπεσὼν οὖν ἄφνω τοῖσ Τυρρηνοῖσ πολλοὺσ μὲν αὐτῶν ἀνεῖλε, τὴν δὲ πόλιν ἀνέσωσε τοῖσ Σουτριαίοισ. τῶν δ’ ἀπεληλυθότων Γαλατῶν ἀπὸ Ῥώμησ Οὐεάσκιον τὴν πόλιν σύμμαχον οὖσαν Ῥωμαίων πορθούντων, ἐπιθέμενοσ αὐτοῖσ ὁ αὐτοκράτωρ καὶ τοὺσ πλείστουσ ἀποκτείνασ τῆσ ἀποσκευῆσ πάσησ ἐκυρίευσεν, ἐν ᾗ καὶ τὸ χρυσίον ἦν ὃ εἰλήφεισαν εἰσ Ῥώμην καὶ σχεδὸν ἅπαντα τὰ διηρπασμένα κατὰ τὴν τῆσ πόλεωσ ἅλωσιν.

τοσαῦτα δὲ διαπραξάμενοσ διὰ τὸν φθόνον τῶν δημάρχων ἐκωλύθη θρίαμβον καταγαγεῖν.

ἔνιοι δέ φασιν αὐτὸν ἀπὸ Τούσκων θρίαμβον ἀγαγεῖν ἐπὶ λευκοῦ τεθρίππου, καὶ διὰ τοῦτο δυσὶν ὕστερον ἔτεσιν ὑπὸ τοῦ δήμου πολλοῖσ χρήμασι καταδικασθῆναι· περὶ οὗ κατὰ τοὺσ οἰκείουσ χρόνουσ ἐπιμνησθησόμεθα. οἱ δ’ εἰσ τὴν Ιἀπυγίαν τῶν Κελτῶν ἐληλυθότεσ ἀνέστρεψαν διὰ τῆσ τῶν Ῥωμαίων χώρασ·

καὶ μετ’ ὀλίγον ὑπὸ Κερίων ἐπιβουλευθέντεσ νυκτὸσ ἅπαντεσ κατεκόπησαν ἐν τῷ Τραυσίῳ πεδίῳ. Καλλισθένησ δ’ ὁ ἱστοριογράφοσ ἀπὸ τῆσ κατὰ τοῦτον τὸν ἐνιαυτὸν γενομένησ εἰρήνησ τοῖσ Ἕλλησι πρὸσ Ἀρταξέρξην τὸν τῶν Περσῶν βασιλέα τὴν ἱστορίαν ἦρκται γράφειν·

διελθὼν δὲ τριακονταετῆ χρόνον ἔγραψε μὲν βύβλουσ δέκα, τὴν δὲ τελευταίαν κατέπαυσε τῆσ συντάξεωσ εἰσ τὴν ὑπὸ τοῦ Φιλομήλου τοῦ Φωκέωσ κατάληψιν τοῦ ἐν Δελφοῖσ ἱεροῦ. ἡμεῖσ δ’ ἐπεὶ πάρεσμεν ἐπὶ τὴν γενομένην τοῖσ Ἕλλησιν εἰρήνην πρὸσ Ἀρταξέρξην καὶ τὸν τῆσ Ῥώμησ ὑπὸ Γαλατῶν κίνδυνον, κατὰ τὴν ἐν ἀρχῇ πρόθεσιν τοῦτο τέλοσ ποιησόμεθα τῆσδε τῆσ βύβλου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 116

(디오도로스 시켈로스, Library, book xiv, chapter 116)

상위

목록

SEARCH

MENU NAVIGATION