헬라어 문장 검색 - Διοδορ́Λιβραρψ́7́18́

(디오도로스 시켈로스, Library, book xiv, chapter 32)

οἱ δ’ ἐν ταῖσ Ἀθήναισ δυναστεύοντεσ τριάκοντα τύραννοι καθ’ ἡμέραν οὐκ ἐπαύοντο τοὺσ μὲν φυγαδεύοντεσ, τοὺσ δὲ ἀναιροῦντεσ. τῶν δὲ Θηβαίων ἀγανακτούντων ἐπὶ τοῖσ γινομένοισ καὶ φιλοφρόνωσ τοὺσ φυγάδασ ὑποδεχομένων, Θρασύβουλοσ Στιριεὺσ ὀνομαζόμενοσ, ὢν Ἀθηναῖοσ, ὑπὸ δὲ τῶν τριάκοντα πεφυγαδευμένοσ, συνεργούντων αὐτῷ λάθρᾳ τῶν Θηβαίων κατελάβετο τῆσ Ἀττικῆσ χωρίον ὀνομαζόμενον Φυλήν. ἦν δὲ τὸ φρούριον ὀχυρόν τε σφόδρα καὶ τῶν Ἀθηνῶν ἀπέχον σταδίουσ ἑκατόν, ὥστε πολλὰσ ἀφορμὰσ αὐτοῖσ παρέχεσθαι πρὸσ τὴν ἔφοδον. οἱ δὲ τριάκοντα τύραννοι πυθόμενοι τὸ γεγονόσ, τὸ μὲν πρῶτον ἐξήγαγον ἐπ’ αὐτοὺσ τὴν δύναμιν ὡσ πολιορκήσοντεσ τὸ χωρίον·

πλησίον δὲ τῆσ Φυλῆσ αὐτῶν στρατοπεδευόντων ἐπεγενήθη πολὺσ νιφετόσ. καί τινων ἐπιχειρησάντων μετασκηνοῦν, οἱ πολλοὶ φεύγειν αὐτοὺσ ὑπέλαβον καὶ πλησίον τινὰ πολεμίαν δύναμιν εἶναι·

ἐμπεσόντοσ δὲ εἰσ τὸ στρατόπεδον θορύβου τοῦ καλουμένου Πανικοῦ μετεστρατοπέδευσαν εἰσ ἕτερον τόπον. οἱ δὲ τριάκοντα θεωροῦντεσ τοὺσ πολίτασ ἐν Ἀθήναισ, ὅσοι μὴ μετεῖχον τῆσ τῶν τρισχιλίων πολιτείασ, μετεώρουσ ὄντασ πρὸσ τὴν κατάλυσιν τῆσ δυναστείασ, μετῴκισαν αὐτοὺσ εἰσ τὸν Πειραιᾶ, καὶ τοῖσ ξενικοῖσ ὅπλοισ διακατεῖχον τὴν πόλιν·

Ἐλευσινίουσ δὲ καὶ Σαλαμινίουσ αἰτιασάμενοι τὰ τῶν φυγάδων φρονεῖν, ἅπαντασ ἀνεῖλον. τούτων δὲ πραττομένων πολλοὶ τῶν φυγάδων συνέρρεον πρὸσ τοὺσ περὶ Θρασύβουλον φανερῶσ μὲν περί τινων αἰχμαλώτων διαλεξόμενοι, λάθρᾳ δὲ συμβουλεύειν αὐτῷ διαλῦσαι τὸ συνεστηκὸσ φυγαδικὸν καὶ μεθ’ ἑαυτῶν τῆσ πόλεωσ δυναστεύειν ἀντὶ Θηραμένουσ προσαιρεθέντα, λαβεῖν δ’ ἐξουσίαν δέκα τῶν φυγάδων οὓσ ἂν προαιρῆται κατάγειν εἰσ τὴν πατρίδα.

ὁ μὲν Θρασύβουλοσ ἔφησε προκρίνειν τὴν ἑαυτοῦ φυγὴν τῆσ τῶν τριάκοντα δυναστείασ, καὶ τὸν πόλεμον οὐ καταλύσειν, εἰ μὴ πάντεσ οἱ πολῖται κατέλθωσι καὶ τὴν πάτριον πολιτείαν ὁ δῆμοσ ἀπολάβῃ.

οἱ δὲ τριάκοντα θεωροῦντεσ πολλοὺσ μὲν ἀφ’ ἑαυτῶν ἀφισταμένουσ διὰ τὸ μῖσοσ, τοὺσ δὲ φυγάδασ ἀεὶ πλείουσ γινομένουσ, ἀπέστειλαν εἰσ Σπάρτην πρέσβεισ περὶ βοηθείασ, αὐτοὶ δ’ ὅσουσ ἠδύναντο πλείστουσ ἀθροίσαντεσ ἐν ὑπαίθρῳ περιεστρατοπέδευσαν περὶ τὰσ ὀνομαζομένασ Ἀχαρνάσ. ὁ δὲ Θρασύβουλοσ τὴν ἱκανὴν φυλακὴν τοῦ χωρίου καταλιπὼν ἐξήγαγε τοὺσ φυγάδασ, ὄντασ χιλίουσ καὶ διακοσίουσ·

ἐπιθέμενοσ δὲ τῇ τῶν ἐναντίων παρεμβολῇ νυκτὸσ ἀπροσδοκήτωσ καὶ συχνοὺσ ἀποκτείνασ, τοὺσ ἄλλουσ διὰ τὸ παράδοξον ἐξέπληξε καὶ φυγεῖν εἰσ Ἀθήνασ ἠνάγκασεν. μετὰ δὲ τὴν μάχην ὁ Θρασύβουλοσ εὐθὺσ μὲν ὡρ́μησεν ἐπὶ τὸν Πειραιᾶ καὶ κατελάβετο τὴν Μουνυχίαν, λόφον ἔρημον καὶ καρτερόν, οἱ δὲ τύραννοι τῇ δυνάμει πάσῃ καταβάντεσ εἰσ τὸν Πειραιᾶ προσέβαλον τῇ Μουνυχίᾳ, Κριτίου τὴν ἡγεμονίαν ἔχοντοσ.

ἐπὶ πολὺν δὲ χρόνον τῆσ μάχησ καρτερᾶσ γενομένησ, οἱ μὲν τύραννοι τοῖσ πλήθεσιν ὑπερεῖχον, οἱ δὲ φυγάδεσ τῇ τῶν τόπων ὀχυρότητι. τέλοσ δὲ Κριτίου πεσόντοσ οἱ μετὰ τῶν τριάκοντα κατεπλάγησαν καὶ πρὸσ τοὺσ ὁμαλωτέρουσ τόπουσ κατέφυγον, οὐ τολμώντων τῶν φυγάδων εἰσ ἐκείνουσ καταβαίνειν.

μετὰ δὲ ταῦτα συχνῶν ἀφισταμένων πρὸσ τοὺσ φυγάδασ, οἱ περὶ τὸν Θρασύβουλον ἐξαίφνησ ἐπέθεντο τοῖσ ἐναντίοισ, καὶ μάχῃ κρατήσαντεσ ἐκυρίευσαν τοῦ Πειραιῶσ. εὐθὺ δὲ πολλοὶ μὲν τῶν ἐκ τῆσ πόλεωσ ἐπιθυμοῦντεσ ἀπαλλαγῆναι τῆσ τυραννίδοσ συνέρρεον εἰσ τὸν Πειραιᾶ, πάντεσ δ’ οἱ κατὰ τὰσ πόλεισ διερριμμένοι φυγάδεσ ἀκούοντεσ τὰ προτερήματα τῶν περὶ Θρασύβουλον, ἧκον εἰσ Πειραιᾶ, καὶ τὸ λοιπὸν ἤδη πολὺ ταῖσ δυνάμεσιν οἱ φυγάδεσ ὑπερεῖχον·

διὸ καὶ πολιορκεῖν τὴν πόλιν ἐπεχείρησαν. οἱ δ’ ἐν ταῖσ Ἀθήναισ τοὺσ μὲν τριάκοντα τῆσ ἀρχῆσ παύσαντεσ ἐκ τῆσ πόλεωσ ἐξέπεμψαν, δέκα δ’ ἄνδρασ κατέστησαν αὐτοκράτορασ, εἰ δύναιντο, μάλιστα φιλικῶσ διαλύεσθαι τὸν πόλεμον.

οὗτοι δὲ παραλαβόντεσ τὴν ἀρχὴν τούτων μὲν ἠμέλησαν, ἑαυτοὺσ δὲ τυράννουσ ἀποδείξαντεσ ἀπὸ Λακεδαίμονοσ τετταράκοντα ναῦσ μετεπέμψαντο καὶ στρατιώτασ χιλίουσ, ὧν ἦρχε Λύσανδροσ. Παυσανίασ δὲ ὁ τῶν Λακεδαιμονίων βασιλεύσ, φθονῶν μὲν τῷ Λυσάνδρῳ, θεωρῶν δὲ τὴν Σπάρτην ἀδοξοῦσαν παρὰ τοῖσ Ἕλλησιν, ἀνέζευξε μετὰ δυνάμεωσ πολλῆσ, καὶ παραγενηθεὶσ εἰσ Ἀθήνασ διήλλαξε τοὺσ ἐν τῇ πόλει πρὸσ τοὺσ φυγάδασ.

διόπερ Ἀθηναῖοι μὲν ἐκομίσαντο τὴν πατρίδα καὶ τὸ λοιπὸν τοῖσ ἰδίοισ νόμοισ ἐπολιτεύοντο, τοῖσ δ’ εὐλαβουμένοισ, μή τι πάθωσι διὰ τὰ γενόμενα κατὰ τὸ συνεχὲσ αὐτῶν ἀδικήματα, τὴν Ἐλευσῖνα κατοικεῖν συνεχώρησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 32

(디오도로스 시켈로스, Library, book xiv, chapter 32)

상위

목록

SEARCH

MENU NAVIGATION