헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 44)

ἐπ’ ἄρχοντοσ δ’ Ἀθήνησιν Ἀπολλοδώρου Ῥωμαῖοι κατέστησαν ὑπάτουσ Κόιντον Ποπίλλιον καὶ Κόιντον Πόπλιον. ἐπὶ δὲ τούτων Ἀντίγονοσ καταπεπολεμηκὼσ τοὺσ περὶ τὸν Εὐμενῆ ἔκρινε στρατεύειν ἐπὶ τὸν Ἀλκέταν καὶ Ἄτταλον· οὗτοι γὰρ ὑπελείποντο τῶν Περδίκκου φίλων καὶ οἰκείων ἡγεμόνεσ μὲν ἀξιόλογοι, στρατιώτασ δ’ ἔχοντεσ ἱκανοὺσ ἀμφισβητῆσαι πραγμάτων. ἀναζεύξασ οὖν μετὰ πάσησ τῆσ δυνάμεωσ ἐκ Καππαδοκίασ προῆγεν ἐπὶ τὴν Πισιδικήν, ἐν ᾗ συνέβαινε διατρίβειν τοὺσ περὶ τὸν Ἀλκέταν. ὀξεῖαν δὲ καὶ παντελῶσ ἐπιτεταμένην τὴν πορείαν ποιησάμενοσ ἐν ἡμέραισ ἑπτὰ καὶ ταῖσ ἴσαισ νυξὶ διήνυσε σταδίουσ δισχιλίουσ καὶ πεντακοσίουσ εἰσ τὴν ὀνομαζομένην Κρητῶν πόλιν.

λαθὼν δὲ τοὺσ πολεμίουσ διὰ τὴν ὀξύτητα τῆσ πορείασ καὶ γενόμενοσ πλησίον αὐτῶν ἀγνοούντων τὴν παρουσίαν ἔφθασεν ἀκρολοφίασ τινὰσ καὶ δυσχωρίασ προκαταλαβόμενοσ. οἱ δὲ περὶ τὸν Ἀλκέταν πυθόμενοι τὴν παρουσίαν τῶν πολεμίων τὴν μὲν φάλαγγα ταχέωσ ἐξέταξαν, τοῖσ δ’ ἱππεῦσι προσπεσόντεσ τοῖσ τὴν ἀκρώρειαν προκατέχουσιν ἐφιλοτιμοῦντο βίᾳ κρατῆσαι καὶ ἀπὸ τῆσ ἀκρολοφίασ ἐκβαλεῖν.

γενομένησ δὲ μάχησ ἰσχυρᾶσ καὶ πολλῶν παρ’ ἀμφοτέρων πεσόντων ὁ μὲν Ἀντίγονοσ ἔχων ἱππεῖσ ἑξακισχιλίουσ ἀπὸ κράτουσ ἤλαυνεν ἐπὶ τὴν τῶν ἐναντίων φάλαγγα, σπεύδων ἀποκόψαι τῶν περὶ τὸν Ἀλκέταν τὴν ἐπὶ ταύτην καταφυγήν.

οὗ συντελεσθέντοσ οἱ μὲν ἐπὶ τῆσ ἀκρωρείασ ὄντεσ, πολὺ τοῖσ τε πλήθεσιν ὑπερέχοντεσ καὶ τῇ δυσχωρίᾳ τῶν τόπων πλεονεκτοῦντεσ, ἐτρέψαντο τοὺσ προσμαχομένουσ.

οἱ δὲ περὶ τὸν Ἀλκέταν τῆσ μὲν ἐπὶ τοὺσ πεζοὺσ καταφυγῆσ ἀποκεκλεισμένοι, τῷ δὲ πλήθει τῶν πολεμίων εἰσ μέσον ἀπειλημμένοι πρόδηλον εἶχον τὴν ἀπώλειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 44

(디오도로스 시켈로스, Bibliotheca Historica, Books XVIII-XX, book 18, chapter 44)

상위

목록

SEARCH

MENU NAVIGATION