Athenaeus, The Deipnosophists, Book 11, book 11, chapter 84

τὸ δὲ ἄλλοσ μὲν μογέων ἀποκινήσασκε τραπέζησ πλεῖον ἐόν, Νέστωρ δ’ ὁ γέρων ἀμογητὶ ἀείρεν οὐκ ἀκουστέον ἐπὶ μόνων Μαχάονοσ καὶ Νέστοροσ, ὡσ οἰόνταί τινεσ, τὸ ὃσ ἀντὶ τοῦ ὃ λαμβάνοντεσ ἐπὶ τοῦ Μαχάονοσ· ἀλλ’ ὃσ μὲν μογέων ἀποκινήσασκε τραπέζησ, ἐκ τοῦ μογέων δηλοῦσθαι νομίζοντεσ, ἐπειδὴ τέτρωται.

ὅτι δὲ καθ’ Ὅμηρον ὁ Μαχάων οὐ τέτρωται ἐν ἄλλοισ δειχθήσεται. ἀγνοοῦσιν δ’ ὅτι τὸ ἄλλοσ Ὅμηροσ οὐκ ἐπὶ μόνων Μαχάονοσ καὶ Νέστοροσ ἔθηκε, δύο γὰρ οὗτοι πίνουσιν, ἀλλ’ εἶπεν ἂν ἕτεροσ, τοῦτο γὰρ ἐπὶ δύο τάσσεσθαι πέφυκεν, ὡσ καὶ ἐπὶ τούτων ι οἴσετε δ’ ἄρν’ ἕτερον λευκόν, ἑτέρην δὲ μέλαιναν. ἔπειτα δὲ τὸ ὃσ ἀντὶ προτακτικοῦ τοῦ ὃ Ὅμηροσ οὐδέποτε τίθησι·

τοὔμπαλιν δὲ ἀντὶ τοῦ ὃσ ὑποτακτικοῦ παραλαμβάνει τὸ προτακτικὸν ὅ, οἱο͂ν ἔνθα δέ Σίσυφοσ ἔσκεν, ὃ κέρδιστοσ γένετ’ ἀνδρῶν. ἐλλείπει οὖν τό τισ μόριον τὸ γὰρ πλῆρέσ ἐστιν ’ ἄλλοσ μέν τισ μογέων ἀποκινήσασκε τραπέζησ πλεῖον ἐόν, Νέστωρ δ’ ὁ γέρων ἀμογητὶ ἀείρεν,’ ὡσ παντὸσ ἀνθρώπου μόλισ ἂν ἀποκινήσαντοσ ἀπὸ τῆσ τραπέζησ τὸ ποτήριον, τοῦ δὲ Νέστοροσ αὐτὸ ῥᾳδίωσ βαστάζοντοσ δίχα πόνου καὶ κακοπαθείασ. τὸ γὰρ ποτήριον ὑφίσταται μέγα κατὰ τὸ κύτοσ καὶ βαρὺ τὴν ὁλκήν, ὅπερ φιλοπότησ ὢν ὁ Νέστωρ ἐκ τῆσ συνεχοῦσ συνηθείασ ῥᾳδίωσ βαστάζειν ἔσθενε.