Athenaeus, The Deipnosophists, Book 11, book 11, chapter 43

(아테나이오스, The Deipnosophists, Book 11, book 11, chapter 43)

Τίμαιοσ δ’ ἐν τῇ ὀγδόῃ καὶ εἰκοστῇ τῶν Ἱστοριῶν θηρικλείαν καλεῖ τὴν κύλικα γράφων οὕτωσ· "Πολύξενόσ τισ τῶν ἐκ Ταυρομενίου μεθεστηκότων ταχθεὶσ ἐπὶ τὴν πρεσβείαν ἕτερά τε δῶρα παρὰ τοῦ Νικοδήμου καὶ κύλικα θηρικλείαν λαβὼν ἐπανῆκεν. Ἀδαῖοσ δ’ ἐν τοῖσ περὶ Διαθέσεωσ τὸ αὐτὸ ὑπολαμβάνει θηρίκλειον εἶναι καὶ καρχήσιον. ὅτι δὲ διαφέρει σαφῶσ παρίστησι Καλλίξεινοσ ἐν τοῖσ περὶ Ἀλεξανδρείασ φάσκων τινὰσ ἔχοντασ θηρικλείουσ πομπεύειν, τοὺσ δὲ καρχήσια. ὁποῖον δ’ ἐστὶ τὸ καρχήσιον ἐν τοῖσ ἑξῆσ λεχθήσεται. καλεῖται δέ τισ καὶ θηρίκλειοσ κρατήρ, οὗ μνημονεύει Ἄλεξισ ἐν Κύκνῳ· φαιδρὸσ δὲ κρατὴρ θηρίκλειοσ ἐν μέσῳ ἕστηκε λευκοῦ νέκταροσ παλαιγενοῦσ πλήρησ, ἀφρίζων ὃν λαβὼν ἐγὼ κενὸν τρίψασ, ποήσασ λαμπρόν, ἀσφαλῆ βάσιν στήσασ, συνάψασ καρπίμοισ κισσοῦ κλάδοισ ἔστεψα. θηλυκῶσ δὲ τὴν θηρίκλειον εἶπε Μένανδροσ ἐν Θεοφορουμέῃ·

μέσωσ μεθύων τὴν θηρίκλειον ἔσπασε. καὶ ἐν Μηναγύρτῃ· προπίνων θηρίκλειον τρικότυλον μίαν. καὶ Διώξιπποσ ἐν Φιλαργύρῳ· τῆσ θηρικλείου τῆσ μεγάλησ χρεία ἐστί μοι. αἰσχ. εὖ οἶδα. α. καὶ τῶν Ῥοδιακῶν. ἥδιστα γὰρ ἐκ τῶν τοιούτων, Αἰσχρέα,5 ποτηρίων εἰώθα πίνειν. Πολέμων δ’ ἐν πρώτῳ περὶ τῆσ Ἀθήνησιν ἀκροπόλεωσ οὐδετέρωσ ὠνόμασεν εἰπών· "τὰ χρυσᾶ θηρίκλεια ὑπόξυλα Νεοπτόλεμοσ ἀνέθηκεν.

일치하는 문장이 없습니다.

SEARCH

MENU NAVIGATION