Athenaeus, The Deipnosophists, Book 11, book 11, chapter 44

(아테나이오스, The Deipnosophists, Book 11, book 11, chapter 44)

Ἀπολλόδωροσ δ’ ὁ Γελῷοσ ἐν Φιλαδέλφοισ ἢ Ἀποκαρτεροῦντί φησιν ἐφεξῆσ στρώματ’, ἀργυρώματα, θηρίκλειοι καὶ τορευτὰ πολυτελῆ ποτήρια ἕτερα. Ἀριστοφῶν δ’ ἐν Φιλωνίδῃ· τοιγαροῦν ἐμοὶ μὲν ἀρτίωσ ὁ δεσπότησ δι’ ἀρετὴν τῶν θηρικλείων εὐκύκλωτον ἀσπίδα, ὑπεραφρίζουσαν, τρυφῶσαν, ἴσον ἴσῳ κεκραμένην, προσφέρων ἔδωκεν οἶμαι, χρηστότητοσ οὕνεκα. εἶτ’ ἐλευθέραν ἀφῆκε βαπτίσασ ἐρρωμένωσ. Θεόφιλοσ δ’ ἐν Βοιωτίᾳ· τετρακότυλον δὲ κύλικα κεραμέαν τινὰ τῶν θηρικλείων πῶσ δοκεῖσ̓ κεραννύει καλῶσ, ἀφρῷ ζέουσαν. οὐδ’ ἂν Αὐτοκλῆσ οὕτωσ μὰ τὴν Γῆν εὐρύθμωσ τῇ δεξιᾷ ἄρασ ἐνώμα. ἐν δὲ Προιτίσι·

καὶ κύλικ’ ἀκράτου θηρίκλειον εἰσφέρει πλέον ἢ κοτύλασ χωροῦσαν ἕπτ’ Ἀγαθῆσ Τύχησ. Ἴσθμιον. Πάμφιλοσ ἐν τοῖσ περὶ Ὀνομάτων Κυπρίουσ τὸ ποτήριον οὕτωσ καλεῖν.

일치하는 문장이 없습니다.

SEARCH

MENU NAVIGATION