Athenaeus, The Deipnosophists, Book 11, book 11, chapter 115

δὲ τῷ Κίμωνι οὐδὲ τῆσ Θεμιστοκλέουσ φείδεται κατηγορίασ οὐδὲ τῆσ Ἀλκιβιάδου καὶ Μυρωνίδου,5 ἀλλ’ οὐδ’ αὐτοῦ τοῦ Κίμωνοσ, καὶ ὁ Κρίτων δ’ αὐτοῦ Κρίτωνοσ, ἡ δὲ Πολιτεία καὶ Σοφοκλέουσ περιέχει καταδρομήν, ὁ δὲ Γοργίασ οὐ μόνον ἀφ’ οὗ τὸ ἐπίγραμμα, ἀλλὰ καὶ Ἀρχελάου τοῦ Μακεδονίασ βασιλέωσ, ὃν οὐ μόνον ἐπονείδιστον γένοσ ἔχειν, ἀλλ’ ὅτι καὶ ἀπέκτεινε τὸν δεσπότην. οὗτοσ δ’ ἐστὶ Πλάτων, ὃν Σπεύσιππόσ φησι φίλτατον ὄντα Φιλίππῳ τῆσ βασιλείασ αἴτιον γενέσθαι. "ὥσπερ ἀγνοοῦντασ τοὺσ ἀνθρώπουσ ὅτι καὶ τὴν ἀρχὴν τῆσ βασιλείασ Φίλιπποσ διὰ Πλάτωνοσ ἔσχεν. "Εὐφραῖον γὰρ ἀπέστειλε τὸν ’ Ὠρείτην πρὸσ Περδίκκαν Πλάτων, ὃσ ἔπεισεν ἀπομερίσαι τινὰ χώραν Φιλίππῳ. διατρέφων δ’ ἐνταῦθα δύναμιν, ὡσ ἀπέθανε Περδίκκασ, ἐξ ἑτοίμου δυνάμεωσ ὑπαρχούσησ ἐπέπεσε τοῖσ πράγμασι. ’ τοῦτο δ’ εἴπερ οὕτωσ ἀληθείασ ἔχει, θεὸσ ἂν εἰδείη.

ὁ δὲ καλὸσ αὐτοῦ Πρωταγόρασ πρὸσ τῷ καταδρομὴν ἔχειν πολλῶν ποιητῶν καὶ σοφῶν ἀνδρῶν ἐκθεατριζόμενον ἔχει καὶ τὸν Καλλίου βίον μᾶλλον τῶν Εὐπόλιδοσ Κολάκων, ἐν δὲ τῷ Μενεξένῳ οὐ μόνον Ἱππίασ ὁ Ἡλεῖοσ χλευάζεται, ἀλλὰ καὶ ὁ Ῥαμνούσιοσ Ἀντιφῶν καὶ ὁ μουσικὸσ Λάμπροσ, ἐπιλίποι δ’ ἄν με ἡ ἡμέρα εἰ πάντασ ἐθελήσαιμι ἐπελθεῖν τοὺσ κακῶσ ἀκούσαντασ ὑπὸ τοῦ σοφοῦ. ἀλλὰ μὴν οὐδ’ Ἀντισθένη ἐπαινῶ · καὶ γὰρ καὶ οὗτοσ πολλοὺσ εἰπὼν κακῶσ οὐδ’ αὐτοῦ τοῦ Πλάτωνοσ ἀπέσχετο, ἀλλὰ καλέσασ αὐτὸν φορτικῶσ Σάθωνα τὸν ταύτην ἔχοντα τὴν ἐπιγραφὴν διάλογον ἐξέδωκεν.