호흡부호 보기
강세부호 보기
장단부호 보기
작은 Iota 보기
모든 부호 보기
κισσύβιον τὸ μόνωτον ποτήριον Φιλήμων. Νεοπτόλεμοσ δ’ ὁ Παριανὸσ ἐν τρίτῳ Γλωσσῶν τὸ κίσσινον ποτήριον σημαίνειν παρ’ Εὐριπίδῃ ἐν Ἀνδρομέδᾳ· πᾶσ δὲ ποιμένων ἔρρει λεώσ,7 ὁ μὲν γάλακτοσ κίσσινον φέρων σκύφοσ πόνων ἀναψυκτῆρ’,8 ὁ δ’ ἀμπέλων γάνοσ. τὸ γὰρ κισσύβιον, φησί, λέγεται ἐπὶ συνόδου ἀγροικικῆσ, ἔνθα προσήκει μάλιστα τὸ ξύλινον ποτήριον. Κλείταρχοσ δέ φησιν Αἰολεῖσ τὸν σκύφον κισσύβιον καλεῖν Μαρσύασ δὲ κύπελλον καὶ τὸ ξύλινον ποτήριον. Εὔμολποσ δὲ γένοσ τι ποτηρίου, ἴσωσ, φησίν, κατ’ ἀρχὰσ ἐκ κισσίνου κατασκευασθὲν ξύλου. Νίκανδροσ δὲ ὁ Κολοφώνιοσ ἐν τῷ πρώτῳ τῶν Αἰτωλικῶν γράφει·
"ἐν τῇ ἱεροποιίῃ τοῦ Διδυμαίου Διὸσ κισσοῦ σπονσδοποιέονται πετάλοισιν, ὅθεν τὰ ἀρχαῖα ἐκπώματα κισσύβια φωνέεται. Ὅμηροσ· κισσύβιον μετὰ χερσὶν ἔχων μέλανοσ οἴνοιο. "καὶ κισσυβίῳ τῶν μὲν ἐν ἄστει καὶ μετρίων οὐδεὶσ ἐχρῆτο, συβῶται δὲ καὶ νομεῖσ καὶ οἱ ἐν ἀγρῷ Πολύφημοσ μὲν τῷ κισσυβίῳ, θατέρῳ δὲ Εὔμαιοσ. Καλλίμαχοσ δ’ ἐοίκε διαμαρτάνειν ἐν τῇ συγχρήσει τῶν ὀνομάτων, λέγων ἐπὶ τοῦ οἰκείου ξένου τοῦ παρὰ τῷ Ἀθηναίῳ Πόλλιδι συνεστιασθέντοσ αὐτῷ·
καὶ γὰρ ὁ Θρηικίην μὲν ἀνήνατο χανδὸν ἄμυστιν ζωροποτεῖν, ὀλίγῳ δ’ ἥδετο κισσυβίῳ. τῷ μὲν ἐγὼ τόδ’ ἔλεξα περιστείχοντοσ ἀλείσου τὸ τρίτον ὁ γὰρ λέγων ἄλεισον τὸ αὐτὸ καὶ κισσύβιον τὴν ἀκριβῆ θέσιν τῶν ὀνομάτων οὐ διαφυλάττει. εἰκάσειε δ’ ἄν τισ τὸ κισσύβιον τὸ πρῶτον ὑπὸ ποιμένων ἐργασθῆναι ἐκ κισσίνου ξύλου, ἄλλοι δὲ ἐτυμολογοῦσιν αὐτὸ ἀπὸ τοῦ χεῖσθαι, ὅ ἐστὶ χωρεῖν·
οὐδὸσ δ’ ἀμφοτέρουσ ὅδε χείσεται. καὶ ἡ τοῦ ὄφεωσ κατάδυσισ χειή, ἡ καταδεχομένη τὸ ζῷον. καὶ κήθιον τὸ χήτιον τὸ χωροῦν τοὺσ ἀστραγάλουσ. Διονύσιοσ δ’ ὁ Σάμιοσ ἐν τοῖσ περὶ τοῦ Κύκλου τὸ Ὁμηρικὸν κισσύβιον κυμβίον ἔφη γράφων οὕτωσ· "καὶ αὐτὸν Ὀδυσσεὺσ ὁρῶν ταῦτα ποιοῦντα πληρώσασ τοῦ οἴνου κυμβίον δίδωσι πιεῖν.
호흡부호 보기
강세부호 보기
장단부호 보기
작은 Iota 보기
모든 부호 보기