호흡부호 보기
강세부호 보기
장단부호 보기
작은 Iota 보기
모든 부호 보기
τὸ δὲ σκύφοσ ὠνομάσθη ἀπὸ τῆσ σκαφίδοσ. καὶ τοῦτο δ’ ἐστὶν ὁμοίωσ ἀγγεῖον ξύλινον στρογγύλον γάλα καὶ ὀρὸν δεχόμενον, ὡσ καὶ παρ’ Ὁμήρῳ λέγεται· ναῖον δ’ ὀρῷ ἄγγεα πάντα γαυλοί τε σκαφίδεσ τε τετυγμένα τοῖσ ἐνάμελγεν. εἰ μὴ σκύφοσ οἱο͂ν σκύθοσ τισ διὰ τὸ τοὺσ Σκύθασ περαιτέρω τοῦ δέοντοσ μεθύσκεσθαι. Ιἑρώνυμοσ δ’ ὁ Ῥόδιοσ ἐν τῷ περὶ Μέθησ καὶ τὸ μεθύσαι σκυθίσαι φησί· συγγενὲσ γὰρ εἶναι τὸ φ τῷ θ.
ὕστερον δὲ κατὰ μίμησιν εἰργάσαντο κεραμέουσ τε καὶ ἀργυροῦσ σκύφουσ. ὧν πρῶτοι μὲν ἐγένοντο καὶ κλέοσ ἔλαβον οἱ Βοιώτιοι λεγόμενοι, χρησαμένου κατὰ τὰσ στρατείασ πρώτου ’ Ἡρακλέουσ τῷ γένει· διὸ καὶ Ἡρακλεωτικοὶ πρόσ τινων καλοῦνται. ἔχουσι μέντοι πρὸσ τοὺσ ἄλλουσ διαφορὰν ἔπεστι γὰρ ἐπὶ τῶν ὤτων αὐτοῖσ ὁ λεγόμενοσ Ἡράκλειοσ δεσμόσ, μνημονεύει δὲ τῶν Βοιωτίων σκύφων Βακχυλίδησ ἐν τούτοισ ποιούμενοσ τὸν λόγον πρὸσ τοὺσ Διοσκόρουσ, καλῶν αὐτοὺσ ἐπὶ ξένια· οὐ βοῶν πάρεστι σώματ’ οὔτε χρυσὸσ οὔτε πορφύρεοι τάπητεσ, ἀλλὰ θυμὸσ εὐμενὴσ Μοῦσά τε γλυκεῖα καὶ Βοιωτίοισιν ἐν σκύφοισιν οἶνοσ ἡδύσ.
διήνεγκαν δὲ μετὰ τοὺσ Βοιωτίουσ οἱ Ῥοδιακοὶ λεγόμενοι Δαμοκράτουσ δημιουργήσαντοσ. τρίτοι δ’ εἰσὶν οἱ Συρακόσιοι. καλεῖται δ’ ὁ σκύφοσ ὑπὸ Ἠπειρωτῶν, ὥσ φησι Σέλευκοσ, γυρτόσ,2 ὑπὸ δὲ Μηθυμναίων, ὡσ Παρμένων φησὶν ἐν τῷ περὶ διαλέκτου, σκύθοσ. ἐκαλεῖτο δὲ καὶ Δερκυλίδασ ὁ Λακεδαιμόνιοσ Σκύφοσ,5 ὥσ φησιν Ἔφοροσ ἐν τῇ ὀκτωκαιδεκάτῃ λέγων οὕτωσ ·
"Λακεδαιμόνιοι ἀντὶ Θίμβρωνοσ Δερκυλίδαν ἔπεμψαν εἰσ τὴν Ἀσίαν, ἀκούοντεσ ὅτι πάντα πράττειν εἰώθασιν οἱ περὶ τὴν Ἀσίαν βάρβαροι μετὰ ἀπάτησ καὶ δόλου, διόπερ Δερκυλίδαν ἔπεμψαν ἥκιστα νομίζοντεσ ἐξαπατηθήσεσθαι· "ἦν γὰρ οὐδὲν ἐν τῷ τρόπῳ Λακωνικὸν οὐδ’ ἁπλοῦν ἔχων, ἀλλὰ πολὺ τὸ πανοῦργον καὶ τὸ θηριῶδεσ. "διὸ καὶ Σκύφον αὐτὸν οἱ Λακεδαιμόνιοι προσηγόρευον.
호흡부호 보기
강세부호 보기
장단부호 보기
작은 Iota 보기
모든 부호 보기