Athenaeus, The Deipnosophists, Book 11, book 11, chapter 56

(아테나이오스, The Deipnosophists, Book 11, book 11, chapter 56)

κότυλοσ. τὰ μόνωτα ποτήρια κότυλοι, ὧν καὶ Ἀλκαῖοσ μνημονεύει. Διόδωροσ δ’ ἐν τῷ πρὸσ Λυκόφρονα παρὰ Σικυωνίοισ καὶ Ταραντίνοισ ἐπιπολάζειν φησὶ τὸ ἔκπωμα, εἶναι δ’ αὐτὸ λουτηρίῳ ἐοικὸσ βαθεῖ. ἔχει δὲ καὶ οὖσ ἐνιαχῇ. "κότυλον οἴνου πλέων" λέγων. Ἕρμιπποσ δὲ ἐν Θεοῖσ· τόν τε κότυλον πρῶτον ἤνεγκ’ ἐνέχυρον τῶν γειτόνων. φησί, καὶ Ἀριστοφάνησ ἐν Βαβυλωνίοισ. Εὔβουλοσ δ’ ἐν Ὀδυσσεῖ ἢ Πανόπταισ· ὁ δ’ ἱερεὺσ Εὐήγοροσ ἐν μέσοισ αὐτοῖσιν ἑστὼσ τὴν καλὴν σκευὴν ἔχων οἶνον ἐξέσπενδε κοτύλῳ. Πάμφιλοσ δὲ ποτηρίου φησὶν εἶναι γένοσ, ἴδιον δ’ εἶναι Διονύσου. πολέμων δ’ ἐν τῷ περὶ τοῦ Δίου Κῳδίου φησί· "μετὰ δὲ ταῦτα τὴν τελετὴν ποιεῖ καὶ αἱρεῖ τὰ ἐκ τῆσ θαλάμησ καὶ νέμει ὅσοι ἂν ὦσι τὸ κέρνοσ περιενηνοχότεσ. "τοῦτο δ’ ἐστὶν ἀγγεῖον κεραμεοῦν ἔχον ἐν αὑτῷ πολλοὺσ κοτυλίσκουσ κεκολλημένουσ· "ἔνεισι δ’ ἐν αὐτοῖσ ὁρ́μινοι, μήκωνεσ λευκοί, πυροί, κριθαί, πισοί, λάθυροι, ὦχροι, φακοί, κύαμοι, ζειαί, βρόμοσ, παλάθιον, μέλι, ἔλαιον, οἶνοσ, γάλα, ὀιόν ἔριον ἄπλυτον. "ὁ δὲ τοῦτο βαστάσασ οἱο͂ν λικνοφορήσασ τούτων γεύεται.

일치하는 문장이 없습니다.

SEARCH

MENU NAVIGATION