Athenaeus, The Deipnosophists, Book 11, book 11, chapter 91

(아테나이오스, The Deipnosophists, Book 11, book 11, chapter 91)

Πέλλα ἀγγεῖον σκυφοειδέσ, πυθμένα ἔχον πλατύτερον, εἰσ ὃ ἤμελγον τὸ γάλα. Ὅμηροσ· ὡσ ὅτε μυῖαι σταθμῷ ἐνιβρομέωσιν ἐυγλαγέασ κατὰ πέλλασ. τοῦτο δὲ Ἱππῶναξ λέγει πελλίδα· ἐκ πελλίδοσ πίνοντεσ· οὐ γὰρ ἦν αὐτῇ κύλιξ, ὁ παῖσ γὰρ ἐμπεσὼν κατήραξε, δῆλον, οἶμαι, ποιῶν ὅτι ποτήριον μὲν οὐκ ἦν, δι’ ἀπορίαν δὲ κύλικοσ ἐχρῶντο τῇ πελλίδι. καὶ πάλιν ἐκ δὲ τῆσ πέλλησ ἔπινον, ἄλλοτ’ αὐτόσ, ἄλλοτ’ Ἀρήτη προὔπινεν. Φοῖνιξ δ’ ὁ Κολοφώνιοσ ἐν τοῖσ Ιἄμβοισ ἐπὶ φιάλησ τίθησι τὴν λέξιν λέγων οὕτωσ· Θαλῆσ γάρ, ὅστισ ἀστέρων ὀνήιστοσ καὶ τῶν τότ’, ὡσ λέγουσι, πολλὸν ἀνθρώπων ἐὼν ἄριστοσ, ἔλαβε πελλίδα χρυσῆν. καὶ ἐν ἄλλῳ δὲ μέρει φησίν ἐκ πελλίδοσ δὲ τάργανον κατηγυίησ χωλοῖσι δακτύλοισι τἠτέρῃ σπένδει, τρέμων οἱο͂́νπερ ἐν βορηίῳ νωδόσ.

Κλείταρχοσ δὲ ἐν ταῖσ Γλώσσαισ πελλητῆρα μὲν καλεῖν Θεσσαλοὺσ καὶ Αἰολεῖσ τὸν ἀμολγέα, πέλλαν δὲ τὸ ποτήριον. Φιλίτασ δ’ ἐν Ἀτάκτοισ τὴν κύλικα Βοιωτούσ.

일치하는 문장이 없습니다.

SEARCH

MENU NAVIGATION