Athenaeus, The Deipnosophists, Book 11, book 11, chapter 63

(아테나이오스, The Deipnosophists, Book 11, book 11, chapter 63)

κυμβία τὰ ποτήρια καὶ πλοῖα μικρὰ Σιμάριστοσ. Δωρόθεοσ δέ· "γένοσ ποτηρίων βαθέων τὰ κυμβία καὶ ὀρθῶν,1 πυθμένα μὴ ἐχόντων μηδὲ ὦτα. Πτολεμαῖοσ δὲ ὁ τοῦ Ἀριστονίκου τὰ κυφά. Νίκανδροσ δ’ ὁ Θυατειρηνὸσ τὸ χωρὶσ ὠτίων ποτήριον ὠνομακέναι Θεόπομπον ἐν Μήδῳ. Φιλήμων Φάσματι· ἔπιεν ἡ Ῥόδη κυμβίον ἀκράτου· κατασέσειχ’ ὑμᾶσ ἄφνω. Διονύσιοσ δ’ ὁ Σάμιοσ ἐν ἕκτῳ περὶ τοῦ Κύκλου τὸ αὐτὸ οἰέται εἶναι κισσύβιον καὶ κυμβίον. φησὶ γὰρ ὡσ Ὀδυσσεὺσ πληρώσασ κυμβίον ἀκράτου ὤρεξε τῷ Κύκλωπι, οὐκ ἔστι δὲ μικρὸν τὸ διδόμενον αὐτῷ κισσύβιον παρ’ Ὁμήρῳ· οὐ γὰρ ἂν τρὶσ πιὼν μέγιστοσ ὢν τὸ σῶμα ταχέωσ ἂν ὑπὸ τῆσ μέθησ κατηνέχθη. τοῦ κυμβίου μνημονεύει καὶ Δημοσθένησ ἐν τῷ κατὰ Μειδίου ἀκολουθεῖν αὐτῷ φάσκων ῥυτὰ καὶ κυμβία. καὶ πάλιν ἐν τῷ αὐτῷ· "ἐπ’ ἀστράβησ δὲ ὀχούμενοσ ἐξ Ἀργούρασ τῆσ Εὐβοίασ,6 χλανίδασ δ’ ἐπ’ ὄχου καὶ κυμβία καὶ κάδουσ ἔχων, ὧν ἐπελαμβάνοντο οἱ πεντηκοστολόγοι. καὶ ἐν τῷ κατὰ Εὐέργου καὶ Μνησιβούλου.

φησὶ δὲ Δίδυμοσ ὁ γραμματικὸσ ἐπίμηκεσ εἶναι τὸ ποτήριον καὶ στενὸν τῷ σχήματι, παρόμοιον πλοίῳ ὃ καλεῖται κύμβη. καὶ ’ Ἀναξανδρίδησ ἐν Ἀγροίκοισ· μεγάλ’ ἴσωσ ποτήρια προπινόμενα καὶ μέστ’ ἀκράτου κυμβία ἐκάρωσεν ὑμᾶσ. β. ἀνακεχαίτικεν μὲν οὖν. Ἄλεξισ Ἱππεῖ· τά τε κυμβία ἆρ’ ἦν πρόσωπ’ ἔχοντα χρυσᾶ παρθένων; β.

νὴ τὸν Δί’, ἦν γάρ. α. ὦ τάλαιν’ ἐγὼ κακῶν.

일치하는 문장이 없습니다.

SEARCH

MENU NAVIGATION