헬라어 텍스트

Athenaeus, The Deipnosophists, Book 11, book 11, chapter 85

(아테나이오스, The Deipnosophists, Book 11, book 11, chapter 85)

Σωσίβιοσ δ’ ὁ λυτικὸσ προθεὶσ τὰ ἔπη· ἄλλοσ μὲν μογέων ἀποκινήσασκε τραπέζησ πλεῖον ἐόν, Νέστωρ δὲ ὁ γέρων ἀμογητὶ ἀείρεν, γράφει κατὰ λέξιν ’ νῦν τὸ μὲν ἐπιτιμώμενόν ἐστι τῷ ποιητῇ ὅτι τοὺσ μὲν λοιποὺσ εἶπε μογέοντασ ἀείρειν τὸ δέπασ, τὸν δὲ Νέστορα μόνον ἀμογητί. ἄλογον δ’ ἐδόκει Διομήδουσ καὶ Αἰάντοσ, ἔτι δ’ Ἀχιλλέωσ παρόντων εἰσάγεσθαι τὸν Νέστορα γενναιότερον, τῇ ἡλικίᾳ προβεβηκότα. τούτων τοίνυν οὕτωσ κατηγορουμένων τῇ ἀναστροφῇ χρησάμενοι ἀπολύομεν τὸν ποιητήν. "ἄλλοσ μὲν γέρων μογέων ἀποκινήσασκε τραπέζησ πλεῖον ἐόν, ὁ δὲ Νέστωρ ἀπονητὶ ἀείρεν.

νῦν οὖν οὕτω τεταγμένων ὁ Νέστωρ φαίνεται τῶν μὲν λοιπῶν πρεσβυτῶν μόνοσ τὸ δέπασ ἀμογητὶ ἀείρων ταῦτα καὶ ὁ θαυμάσιοσ λυτικὸσ Σωσίβιοσ, ὃν οὐκ ἀχαρίτωσ διέπαιξε διὰ τὰσ πολυθρυλήτουσ ταύτασ καὶ τὰσ τοιαύτασ λύσεισ Πτολεμαῖοσ ὁ Φιλάδελφοσ βασιλεύσ, λαμβάνοντοσ γὰρ αὐτοῦ σύνταξιν βασιλικήν, μεταπεμψάμενοσ τοὺσ ταμίασ ἐκέλευσεν, ἐὰν παραγένηται ὁ Σωσίβιοσ ἐπὶ τὴν ἀπαίτησιν τῆσ συντάξεωσ, λέγειν αὐτῷ ὅτι ἀπείληφε. καὶ μετ’ οὐ πολὺ παραγενομένῳ καὶ αἰτοῦντι εἰπόντεσ δεδωκέναι αὐτῷ τὰσ ἡσυχίασ εἶχον,4 ὁ δὲ τῷ βασιλεῖ προσελθὼν κατεμέμφετο τοὺσ ταμίασ.

Πτολεμαῖοσ δὲ μεταπεμψάμενοσ αὐτοὺσ καὶ ἥκειν κελεύσασ μετὰ τῶν βιβλίων, ἐν οἷσ αἱ ἀναγραφαί εἰσι τῶν τὰσ συντάξεισ λαμβανόντων,6 λαβὼν ταύτασ εἰσ χεῖρασ ὁ βασιλεὺσ καὶ κατιδὼν ἔφη καὶ αὐτὸσ εἰληφέναι αὐτὸν οὕτωσ‐ ἦν ὀνόματα ἐγγεγραμμένα ταῦτα, Σωτῆροσ Σωσιγένουσ Βίωνοσ Ἀπολλωνίου· εἰσ ἃ ἀποβλέψασ ὁ βασιλεὺσ εἶπεν ’ ὦ θαυμάσιε λυτικέ, ἐὰν ἀφέλῃσ τοῦ Σωτῆροσ τὸ σω καὶ τοῦ Σωσιγένουσ τὸ σω καὶ τοῦ Βίωνοσ τὴν πρώτην συλλαβὴν καὶ τὴν τελευταίαν τοῦ Ἀπολλωνίου,11 εὑρήσεισ σαυτὸν ἀπειληφότα κατὰ τὰσ σὰσ ἐπινοίασ.

κατὰ τὸν θαυμάσιον Αἰσχύλον ἁλίσκῃ, ἀπροσδιονύσουσ λύσεισ πραγματευόμενοσ.