Athenaeus, The Deipnosophists, Book 11, book 11, chapter 66

(아테나이오스, The Deipnosophists, Book 11, book 11, chapter 66)

κώθων Λακωνικὸν ποτήριον, οὗ μνημονεύει Ξενοφῶν ἐν α Κύρου Παιδείασ. Κριτίασ δ’ ἐν Λακεδαιμονίων Πολιτείᾳ γράφει οὕτωσ· χωρὶσ δὲ τούτων τὰ σμικρότατα ἐσ τὴν δίαιταν· ὑποδήματα ἄριστα Λακωνικά· ἱμάτια φορεῖν ἥδιστα καὶ χρησιμώτατα· κώθων Λακωνικόσ, ἔκπωμα ἐπιτηδειότατον εἰσ στρατείαν καὶ εὐφορώτατον ἐν γυλιῷ. οὗ δὲ ἕνεκα στρατιωτικόν, πολλάκισ ἀνάγκη ὕδωρ πίνειν οὐ καθαρόν. πρῶτον μὲν οὖν τὸ μὴ λίαν κατάδηλον εἶναι τὸ πόμα· εἶτα ἄμβωνασ ὁ κώθων ἔχων ὑπολείπει τὸ οὐ καθαρὸν ἐν αὑτῷ. καὶ Πολέμων δ’ ἐν τῇ τῶν πρὸσ Ἀδαῖον καὶ Ἀντίγονον, ὅτι κεραμέοισ ἀγγείοισ ἐχρῶντο οἱ Λακεδαιμόνιοι γράφει οὕτωσ·

· "ἀλλὰ μὴν ὅτι ἀρχαικὸν ἦν τὸ τοιόνδε τῆσ ἀγωγῆσ γένοσ ὃ καὶ νῦν ὁρᾶται παρά τισι τῶν ̔ Ἑλλήνων· "ἐν Ἄργει μὲν ἐν ταῖσ δημοσίαισ θοίναισ, ἐν Λακεδαίμονι δὲ κατὰ τὰσ ἑορτάσ, ἔν τε τοῖσ ἐπινικίοισ καὶ τοῖσ γάμοισ τῶν παρθένων, πίνουσιν ἐκ κεραμέων ποτηρίων ἐν δὲ τοῖσ ἄλλοισ συμποσίοισ καὶ φιδιτίοισ ἐν πιθάκναισ" μνημονεύει αὐτοῦ καὶ Ἀρχίλοχοσ ἐν Ἐλεγείοισ ὡσ ποτηρίου οὕτωσ· ἀλλ’ ἄγε σὺν κώθωνι θοῆσ διὰ σέλματα νηὸσ φοίτα καὶ κοίλων πώματ’ ἄφελκε κάδων, ἄγρει δ’ οἶνον ἐρυθρὸν ἀπὸ τρυγόσ·

· οὐδὲ γὰρ ἡμεῖσ νήφειν ἐν φυλακῇ τῇδε δυνησόμεθα, ὡσ τῆσ κύλικοσ λεγομένησ κώθωνοσ. Ἀριστοφάνησ Ἱππεῦσιν εἰσ τὰσ ἱππαγωγοὺσ εἰσεπήδων ἀνδρικῶσ πριάμενοι κώθωνασ, οἱ δὲ σκόροδα καὶ κρόμμυα. ̔ Ἡνίοχοσ Γοργόσι·

πιεῖν πιεῖν τισ ἐγχείτω λαβὼν πυριγενῆ κυκλοτερῆ βραχύωτον παχύστομον κώθωνα, παῖδα φάρυγοσ. Θεόπομποσ Στρατιώτισιν ἐγὼ γὰρ ἂν κώθωνοσ ἐκ στρεψαύχενοσ πίοιμι τὸν τράχηλον ἀνακεκλασμένη; Ἄλεξισ Ἐρίθοισ· εἶτα τετρακότυλον ἐπεσόβει κώθωνά μοι, παλαιὸν οἴκων κτῆμα. ἀπὸ δὲ τοῦ ποτηρίου τούτου καὶ ἀκρατοκώθωνασ καλοῦσι τοὺσ πλέονα ἄκρατον σπῶντασ, ὡσ Ὑπερείδησ ἐν τῷ κατὰ Δημοσθένουσ. Καλλίξεινοσ δ’ ἐν τετάρτῳ περὶ Ἀλεξανδρείασ ἀναγράφων τὴν τοῦ Φιλαδέλφου πομπὴν καὶ καταλέγων πολλὰ ἐκπώματα γράφει καὶ τάδε· "κώθωνεσ διμέτρητοι β’.

일치하는 문장이 없습니다.

SEARCH

MENU NAVIGATION