헬라어 텍스트

Athenaeus, The Deipnosophists, Book 11, book 11, chapter 60

(아테나이오스, The Deipnosophists, Book 11, book 11, chapter 60)

κύλιξ. Φερεκράτησ Δουλοδιδασκάλῳ; νυνὶ δ’ ἀπόνιζε τὴν κύλικα δώσων πιεῖν, ἔγχει τ’ ἐπιθεὶσ τὸν ἡθμόν ταῦτα δ’ ἐστὶ κεράμεα ποτήρια καὶ λέγεται ἀπὸ τοῦ κυλίεσθαι τῷ τροχῷ· ἀφ’ ὧν καλεῖται τό τε κυλικεῖον, ἐν ᾧ τίθεται τόπῳ τὰ ποτήρια κἂν ἀργυρᾶ τυγχάνῃ ὄντα, καὶ τὸ κυλικηγορεῖν, ὅταν ἐπὶ τῇ κύλικί τισ ἀγορεύῃ. Ἀθηναῖοι δὲ καὶ τὴν ἰατρικὴν πυξίδα καλοῦσι κυλιχνίδα διὰ τὸ τῷ τόρνῳ κεκυλίσθαι. ἐγένοντο δ’ ἐπίσημοι κύλικεσ αἵ τε Ἀργεῖαι καὶ αἱ Ἀττικαί. καὶ τῶν μὲν Ἀττικῶν μνημονεύει Πίνδαροσ ἐν τοῖσδε· ὦ Θρασύβουλ’, ἐρατᾶν ὄχημ’ ἀοιδᾶν τοῦτό τοι πέμπω μεταδόρπιον. ἐν ξυνῷ κεν εἰή συμπόταισίν τε γλυκερὸν καὶ Διωνύσοιο καρπῷ καὶ κυλίκεσσιν Ἀθηναίαισι κέντρον. αἱ δ’ Ἀργεῖαι δοκοῦσι καὶ τὸν τύπον ἔχειν διάφορον πρὸσ τὰσ Ἀττικάσ. φοξαὶ γοῦν ἦσαν τὸ χεῖλοσ, ὡσ Σιμωνίδησ φησὶν ὁ Ἀμόργιοσ· αὐτὴ δὲ φοξὴ χεῖλοσ Ἀργείη κύλιξ,5 ἡ εἰσ ὀξὺ ἀνηγμένη, οἱοῖ̀ εἰσιν οἱ ἄμβικεσ καλούμενοι, τὸ γὰρ φοξὸν ἐπὶ τούτου τάττουσι, καθότι Ὅμηροσ ἐπὶ τοῦ Θερσίτου·