헬라어 문장 검색 - ΑτηενάΤηεΔειπ

(아테나이오스, The Deipnosophists, Book 11, book 11, chapter 77)

καὶ περὶ τῶν ὤτων οὕτωσ διορίζονται, ὅτι εἶχεν μὲν δύο ὦτα ἄνω καθότι καὶ τἄλλα ποτήρια, ἄλλα δὲ δύο κατὰ τὸ κύρτωμα μέσον ἐξ ἀμφοῖν τοῖν μεροῖν μικρά, παρόμοια ταῖσ Κορινθιακαῖσ ὑδρίαισ. ὁ δὲ Ἀπελλῆσ ἐντέχνωσ ἄγαν ὑπέδειξε τὴν τῶν τεσσάρων ὤτων σχέσιν ἔχουσαν ὧδε. ἐκ μιᾶσ οἱονεὶ ῥίζησ, ἥτισ τῷ πυθμένι προσκυρεῖ ,2 καθ’ ἑκάτερον τὸ οὖσ διασχιδεῖσ εἰσι ῥάβδοι ἐπ’ ἀμφοῖν, οὐ πολὺ ἀπ’ ἀλλήλων διεστῶσαι διάστημα, αὗται μέχρι τοῦ χείλουσ διήκουσαι τοῦ ποτηρίου καὶ μικρὸν ἔτι μετεωριζόμεναι κατὰ μὲν τὴν ἀπόστασιν τοῦ ἀγγείου φυλάττουσι τὴν διάσχισιν, κατὰ δὲ τὸ ἀπολῆγον πρὸσ τὴν τοῦ χείλουσ ἔρεισιν πάλιν συμφυεῖσ εἰσιν. καὶ γίνεται τὸν τρόπον τοῦτον τέτταρα ὦτα. τοῦτο δὲ οὐκ ἐπὶ πάντων, ἀλλ’ ἐπ’ ἐνίων ποτηρίων τὸ εἶδοσ τῆσ κατασκευῆσ θεωρεῖται, μάλιστα δὲ τῶν λεγομένων Σελευκίδων. τὸ δ’ ἐπὶ τῶν δυεῖν πυθμένων ζητούμενον, πῶσ λέγεται τὸ δύο δ’ ὑπὸ πυθμένεσ ἦσαν, διαλύουσιν οὕτωσ τινέσ, τῶν ποτηρίων τινὰ μὲν ἕνα πυθμένα ἔχειν τὸν φυσικὸν καὶ συγκεχαλκευμένον τῷ ὅλῳ ποτηρίῳ, καθότι τὰ λεγόμενα κυμβία καὶ τὰσ φιάλασ καὶ εἴ τι φιαλῶδέσ ἐστι τὴν ἰδέαν τινὰ δὲ δύο, ὥσπερ τὰ ᾠοσκύφια καὶ τὰ κανθάρια καὶ τὰσ Σελευκίδασ καὶ τὰ καρχήσια καὶ τὰ τούτοισ ὅμοια· ἕνα μὲν γὰρ εἶναι πυθμένα τὸν κατὰ τὸ κύτοσ συγκεχαλκευμένον ὅλῳ τῷ ἀγγείῳ, ἕτερον δὲ τὸν πρόσθετον, ἀπὸ ὀξέοσ ἀρχόμενον, καταλήγοντα δ’ εἰσ πλατύτερον, ἐφ’ οὗ ἵσταται τὸ ποτήριον.

καὶ τὸ τοῦ Νέστοροσ οὖν δέπασ φασὶν εἶναι τοιοῦτον.

δύναται δὲ καὶ δύο πυθμένασ ὑποτίθεσθαι, τὸν μὲν οἱο͂ν τοῦ ποτηρίου φέροντα τὸν ὅλον ὄγκον καὶ κατὰ μείζονα κυκλοειδῆ περιγραφὴν ἔξαρσιν ἔχοντα τοῦ ὕψουσ σύμμετρον, τὸν δὲ κατ’ ἐλάττω κύκλον συνεχόμενον ἐν τῷ μείζονι,3 καθ’ ὅσον συννεύειν συμβέβηκεν εἰσ ὀξὺ τὸν φυσικὸν τοῦ ποτηρίου πυθμένα, ὥστε ὑπὸ δυοῖν πυθμένοιν φέρεσθαι τὸ ἔκπωμα. Διονύσιοσ δὲ ὁ Θρᾲξ ἐν Ῥόδῳ λέγεται τὴν Νεστορίδα κατασκευάσαι τῶν μαθητῶν αὐτῷ συνενεγκάντων τἀργύριον ὅπερ Προμαθίδασ ὁ Ἡρακλεώτησ ἐξηγούμενοσ τὴν κατὰ τὸν Διονύσιον διάταξίν φησιν σκύφον εἶναι παρακειμένωσ ἔχοντα τὰ ὦτα, καθάπερ αἱ δίπρῳροι τῶν νεῶν, περὶ δὲ τὰ ὦτα τὰσ περιστεράσ· ὡσπερεὶ δέ τινα ῥοπάλια δύο ὑποκεῖσθαι τῷ ποτηρίῳ πλάγια διὰ μήκουσ·

τῇ Ἀρτέμιδι ποτήριον, ὅπερ λέγουσιν ἐκεῖνοι Νέστοροσ γεγονέναι ἐστὶ δὲ ἀργύρεον, χρυσοῖσ γράμμασιν ἐντετυπωμένα ἔχον τὰ Ὁμηρικὰ ἔπη.

ἐγὼ δέ, φησὶν ὁ Μυρλεανόσ, τάδε λέγω περὶ τοῦ ποτηρίου, οἱ παλαιοὶ καὶ τὰ περὶ τὴν ἥμερον τροφὴν πρῶτοι διαταξάμενοι τοῖσ ἀνθρώποισ, πειθόμενοι τὸν κόσμον εἶναι σφαιροειδῆ, λαμβάνοντεσ ἔκ τε τοῦ ἡλίου καὶ τῆσ σελήνησ σχήματοσ ἐναργεῖσ τὰσ φαντασίασ,3 καὶ τὰ περὶ τὴν ἰδίαν τροφὴν τῷ περιέχοντι κατὰ τὴν ἰδέαν τοῦ σχήματοσ ἀφομοιοῦν εἶναι δίκαιον ἐνόμιζον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 11, book 11, chapter 77

(아테나이오스, The Deipnosophists, Book 11, book 11, chapter 77)

상위

목록

SEARCH

MENU NAVIGATION