Athenaeus, The Deipnosophists, Book 11, book 11, chapter 80

(아테나이오스, The Deipnosophists, Book 11, book 11, chapter 80)

ἡ δὲ τοῦ ὀνόματοσ ἐκτροπή, καθ’ ἣν αἱ Πλειάδεσ λέγονται Πέλειαι καὶ Πελειάδεσ, παρὰ πολλοῖσ ἐστι τῶν ποιητῶν, πρώτη δὲ Μοιρὼ ἡ Βυζαντία καλῶσ ἐδέξατο τὸν νοῦν τῶν Ὁμήρου ποιημάτων ἐν τῇ Μνημοσύνῃ ἐπιγραφομένῃ φάσκουσα τὴν ἀμβροσίαν τῷ Διὶ τὰσ Πλειάδασ κομίζειν. Κράτησ δ’ ὁ κριτικὸσ σφετερισάμενοσ αὐτῆσ τὴν δόξαν ὡσ ’ἴδιον ἐκφέρει τὸν λόγον. καὶ Σιμωνίδησ δὲ τὰσ Πλειάδασ Πελειάδασ εἴρηκεν ἐν τούτοισ ι δίδωτι δ’ εὖχοσ Ἑρμᾶσ ἐναγώνιοσ, Μαίασ εὐπλοκάμοιο παῖσ, ἔτικτε δ’ Ἄτλασ ἑπτὰ ἰοπλοκάμων φιλᾶν θυγατρῶν τὰν γ’ ἔξοχον εἶδοσ, ταὶ καλέονται Πελειάδεσ οὐράνιαι. σαφῶσ γὰρ τὰσ Πλειάδασ οὔσασ Ἄτλαντοσ θυγατέρασ Πελειάδασ καλεῖ, καθάπερ καὶ Πίνδαροσ ἐστὶ δ’ ἐοικὸσ ὀρειᾶν γε Πελειάδων μὴ τηλόθεν Οἀρίωνα νεῖσθαι. σύνεγγυσ γάρ ἐστιν ὁ ’ Ὠρίων τῇ ἀστροθεσίᾳ τῶν Πλειάδων· διὸ καὶ ὁ περὶ ταύτασ μῦθοσ, ὅτι φεύγουσι μετὰ τῆσ μητρὸσ τῆσ Πληιόνησ τὸν Ὠρίωνα, ὀρείασ δὲ λέγει τὰσ Πλειάδασ ἐν ἴσῳ τῷ οὐρείασ κατὰ παράλειψιν τοῦ υ, ἐπειδὴ κεῖνται ἐπὶ τῆσ οὐρᾶσ τοῦ ταύρου. καὶ Αἰσχύλοσ δ’ ἐκφανέστερον προσπαίζων τῷ ὀνόματι κατὰ τὴν ὁμοφωνίαν φησὶ, αἱ δ’ ἕπτ’ Ἄτλαντοσ παῖδεσ ὠνομασμέναι πατρὸσ μέγιστον ἆθλον οὐρανοστεγῆ κλαίεσκον, ἔνθα νυκτέρων φαντασμάτων ἔχουσι μορφὰσ ἄπτεροι Πελειάδεσ.

ἀπτέρουσ γὰρ αὐτὰσ εἴρηκε διὰ τὴν πρὸσ τὰσ ὄρνεισ ὁμωνυμίαν. ἡ δὲ Μοιρὼ καὶ αὐτὴ τὸν τρόπον τοῦτόν φησι· Ζεὺσ δ’ ἄρ’ ἐνὶ Κρήτῃ τρέφετο μέγασ, οὐδ’ ἄρα τίσ νιν ἠείδει μακάρων ὁ δ’ ἀέξετο πᾶσι μέλεσσι, τὸν μὲν ἄρα τρήρωνεσ ὑπὸ ζαθέῳ τράφον ἄντρῳ ἀμβροσίην φορέουσαι ἀπ’ ’ Ὠκεανοῖο ῥοάων νέκταρ δ’ ἐκ πέτρησ μέγασ αἰετὸσ αἰὲν ἀφύσσων γαμφηλῇσ φορέεσκε ποτὸν Διὶ μητιόεντι.

τὸν καὶ νικήσασ πατέρα Κρόνον εὐρύοπα Ζεὺσ ἀθάνατον ποίησε καὶ οὐρανῷ ἐγκατένασσεν. ὣσ δ’ αὕτωσ τρήρωσι πελειάσιν ὤπασε τιμήν, αἳ δή τοι θέρεοσ καὶ χείματοσ ἄγγελοί εἰσι. καὶ Σιμμίασ δ’ ἐν τῇ Γοργοῖ φησιν αἰθέροσ ὠκεῖαι πρόπολοι πίλναντο Πέλειαι.

Ποσείδιππὸσ τ’ ἐν τῇ Αἰσωπίᾳ· οὐδέ τοι ἀκρόνυχοι ψυχραὶ δύνουσι Πέλειαι. Λαμπροκλῆσ δ’ ὁ διθυραμβοποιὸσ καὶ ῥητῶσ αὐτὰσ εἶπεν ὁμωνυμεῖν ταῖσ περιστεραῖσ ἐν τούτοισ· αἵ τε ποταναῖσ ὁμώνυμοι πελειάσιν αἰθέρι κεῖσθε. καὶ ὁ τὴν εἰσ Ἡσίοδον δὲ ἀναφερομένην ποιήσασ Ἀστρονομίαν αἰεὶ Πελειάδασ αὐτὰσ λέγει· τὰσ δὲ βροτοὶ καλέουσι Πελειάδασ.

καὶ πάλιν χειμέριαι δύνουσι Πελειάδεσ. καὶ πάλιν τῆμοσ ἀποκρύπτουσι Πελειάδεσ. οὐδὲν οὖν ἄπιστον καὶ Ὅμηρον τὰσ Πλειάδασ κατὰ ποιητικὸν νόμον Πελειάδασ ὠνομακέναι.

일치하는 문장이 없습니다.

SEARCH

MENU NAVIGATION