헬라어 문장 검색 - ΠολψβίΗιστορί04́080́

(폴리비오스, Histories, book 4, chapter 80)

Ἔτι δὴ τούτων πραττομένων οἱ Λεπρεᾶται καταλαβόμενοι τόπον τινὰ τῆσ πόλεωσ ἠξίουν ἐκχωρεῖν τῆσ ἄκρασ καὶ τῆσ πόλεωσ τοὺσ Ἠλείουσ καὶ τοὺσ Αἰτωλούσ, ὁμοίωσ δὲ καὶ τοὺσ παρὰ Λακεδαιμονίων· ἧκε γὰρ καὶ παρ’ ἐκείνων αὐτοῖσ βοήθεια. τὸ μὲν οὖν πρῶτον οἱ περὶ τὸν Φιλλίδαν οὐ προσεῖχον, ἀλλ’ ἔμενον, ὡσ καταπληξόμενοι τοὺσ ἐν τῇ πόλει·

τοῦ δὲ βασιλέωσ εἰσ μὲν τὴν Φιγάλειαν Ταυρίωνα μετὰ στρατιωτῶν ἐξαποστείλαντοσ, αὐτοῦ δὲ προάγοντοσ εἰσ τὸ Λέπρεον καὶ συνεγγίζοντοσ ἤδη τῇ πόλει, συνέντεσ οἱ περὶ τὸν Φιλλίδαν ἐταπεινώθησαν, οἱ δὲ Λεπρεᾶται προσεπερρώσθησαν ταῖσ ὁρμαῖσ.

καλὸν γὰρ δὴ τοῦτο Λεπρεάταισ ἔργον πέπρακται, τὸ χιλίων μὲν ἔνδον ὄντων Ἠλείων, χιλίων δὲ σὺν τοῖσ πειραταῖσ Αἰτωλῶν, πεντακοσίων δὲ μισθοφόρων, διακοσίων δὲ Λακεδαιμονίων, πρὸσ δὲ τούτοισ τῆσ ἄκρασ κατεχομένησ, ὅμωσ ἀντιποιήσασθαι τῆσ ἑαυτῶν πατρίδοσ καὶ μὴ προέσθαι τὰσ σφετέρασ ἐλπίδασ.

ὁ δὲ Φιλλίδασ, ὁρῶν τοὺσ Λεπρεάτασ ἀνδρωδῶσ ὑφισταμένουσ καὶ τοὺσ Μακεδόνασ ἐγγίζοντασ, ἐξεχώρησε τῆσ πόλεωσ ἅμα τοῖσ Ἠλείοισ καὶ τοῖσ παρὰ τῶν Λακεδαιμονίων.

οἱ μὲν οὖν παρὰ τῶν Σπαρτιατῶν Κρῆτεσ διὰ τῆσ Μεσσηνίασ εἰσ τὴν οἰκείαν ἐπανῆλθον, οἱ δὲ περὶ τὸν Φιλλίδαν ἐποιοῦντο τὴν ἀπόλυσιν ὡσ ἐπὶ τὸ Σαμικόν.

ἐγκρατὲσ γεγονὸσ τῆσ πατρίδοσ, ἐξαπέστελλε πρεσβευτάσ, ἐγχειρίζον τῷ Φιλίππῳ τὴν πόλιν.

ὁ δὲ βασιλεὺσ ἀκούσασ τὰ γεγονότα, τὴν μὲν λοιπὴν δύναμιν εἰσ τὸ Λέπρεον ἀπέστειλε, τοὺσ δὲ πελταστὰσ καὶ τοὺσ εὐζώνουσ ἀναλαβὼν ἡγεῖτο, συνάψαι σπεύδων τοῖσ περὶ τὸν Φιλλίδαν.

καταλαβὼν δὲ τῆσ μὲν ἀποσκευῆσ ἐγκρατὴσ ἐγένετο πάσησ, οἱ δὲ περὶ τὸν Φιλλίδαν κατετάχησαν εἰσ τὸ Σαμικὸν παραπεσόντεσ.

προσστρατοπεδεύσασ δὲ τῷ χωρίῳ, καὶ τὴν λοιπὴν ἐπισπασάμενοσ ἐκ τοῦ Λεπρέου δύναμιν, ἔμφασιν ἐποίει τοῖσ ἔνδον ὡσ πολιορκήσων τὸ χωρίον.

οἱ δ’ Αἰτωλοὶ μετὰ τῶν Ἠλείων οὐδὲν ἔχοντεσ ἕτοιμον πρὸσ πολιορκίαν πλὴν χερῶν, καταπλαγέντεσ τὴν περίστασιν ἐλάλουν περὶ ἀσφαλείασ πρὸσ τὸν Φίλιππον.

λαβόντεσ δὲ συγχώρημα μετὰ τῶν ὅπλων ποιήσασθαι τὴν ἀπόλυσιν, οὗτοι μὲν ὡρ́μησαν εἰσ τὴν Ἠλείαν·

μετὰ δὲ ταῦτα, παραγενομένων πρὸσ αὐτὸν καὶ τῶν ἄλλων μεθ’ ἱκετηρίασ, παρέλαβε Φρίξαν, Στυλάγγιον, Αἴπιον, Βώλακα, Πύργον, Ἐπιτάλιον.

ταῦτα δὲ διαπραξάμενοσ ἐπανῆλθε πάλιν εἰσ τὸ Λέπρεον, πᾶσαν ὑφ’ ἑαυτὸν πεποιημένοσ τὴν Τριφυλίαν ἐν ἡμέραισ ἕξ.

παρακαλέσασ δὲ τοὺσ Λεπρεάτασ τὰ πρέποντα τῷ καιρῷ, καὶ φυλακὴν εἰσαγαγὼν εἰσ τὴν ἄκραν, ἀνέζευξε μετὰ τῆσ δυνάμεωσ ἐφ’ Ἡραίασ, ἀπολιπὼν ἐπιμελητὴν τῆσ Τριφυλίασ Λάδικον τὸν Ἀκαρνᾶνα.

παραγενόμενοσ δ’ εἰσ τὴν προειρημένην πόλιν τὴν μὲν λείαν διένειμε πᾶσαν, τὴν δ’ ἀποσκευὴν ἀναλαβὼν ἐκ τῆσ Ἡραίασ ἦλθε μέσου χειμῶνοσ εἰσ Μεγάλην πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 80

(폴리비오스, Histories, book 4, chapter 80)

상위

목록

SEARCH

MENU NAVIGATION