헬라어 텍스트

Polybius, Histories, book 4, chapter 79

(폴리비오스, Histories, book 4, chapter 79)

Συντελεσθέντων δὲ τούτων, καταπλαγεῖσ γεγονότεσ πάντεσ οἱ κατὰ τὴν Τριφυλίαν ἐβουλεύοντο περὶ σφῶν αὐτῶν καὶ τῶν ἰδίων πατρίδων. ὁ δὲ Φιλλίδασ ἐκλιπὼν τὰσ Τυπανέασ, προσδιαρπάσασ τινὰσ τῶν οἰκιῶν, ἀπεχώρησεν εἰσ τὸ Λέπρεον·

ταῦτα γὰρ ἐπίχειρα τότε τοῖσ Αἰτωλῶν ἐγίνετο συμμάχοισ, τὸ μὴ μόνον ἐν τοῖσ ἀναγκαιοτάτοισ καιροῖσ ἐγκαταλείπεσθαι προφανῶσ, ἀλλὰ καὶ διαρπαγέντασ ἢ προδοθέντασ τούτοισ περιπίπτειν ὑπὸ τῶν συμμάχων, ἃ τοῖσ κρατηθεῖσιν ὑπὸ τῶν πολεμίων ὀφείλεται πάσχειν.

οἱ δὲ Τυπανεᾶται παρέδοσαν τῷ Φιλίππῳ τὴν πόλιν.

τούτοισ δὲ τὸ παραπλήσιον ἐποίησαν οἱ τὴν Ὕπαναν κατοικοῦντεσ. ἅμα δὲ τούτοισ Φιαλεῖσ, ἀκούοντεσ τὰ περὶ τὴν Τριφυλίαν καὶ δυσαρεστούμενοι τῇ τῶν Αἰτωλῶν συμμαχίᾳ, κατέλαβον μετὰ τῶν ὅπλων τὸν περὶ τὸ πολεμάρχιον τόπον.

ὁρῶντεσ δὲ τοὺσ πολίτασ ὁμοθυμαδὸν ἁθροιζομένουσ πρὸσ τὴν βοήθειαν, ἀπέστησαν τῆσ ἐπιβολῆσ, σπεισάμενοι δὲ καὶ λαβόντεσ τὰσ αὑτῶν ἀποσκευὰσ ἀπῆλθον ἐκ τῆσ πόλεωσ.

οἱ δὲ Φιαλεῖσ διαπρεσβευσάμενοι πρὸσ τὸν Φίλιππον ἐνεχείρισαν σφᾶσ αὐτοὺσ καὶ τὴν πόλιν.