헬라어 문장 검색 - ΠολψβίΗιστορί04́070́

(폴리비오스, Histories, book 4, chapter 70)

Ποιησάμενοσ δὲ τὴν πορείαν διὰ τῆσ Ἀρκαδίασ, καὶ πολλὰσ ἀναδεξάμενοσ χιόνασ καὶ ταλαιπωρίασ ἐν ταῖσ περὶ τὸν Ὀλύγυρτον ὑπερβολαῖσ, τῇ τρίτῃ τῶν ἡμερῶν κατῆρε νύκτωρ εἰσ Καφύασ. θεραπεύσασ δὲ τὴν δύναμιν ἐπὶ δύ’ ἡμέρασ ἐνταῦθα, καὶ προσαναλαβὼν Ἄρατον τὸν νεώτερον καὶ τοὺσ ἅμα τούτῳ συνηθροισμένουσ τῶν Ἀχαιῶν, ὥστ’ εἶναι τὴν ὅλην δύναμιν εἰσ τοὺσ μυρίουσ, προῆγε διὰ τῆσ Κλειτορίασ ὡσ ἐπὶ Ψωφῖδοσ, συναθροίζων ἐκ τῶν πόλεων ὧν διεπορεύετο βέλη καὶ κλίμακασ.

ἡ δὲ Ψωφὶσ ἔστι μὲν ὁμολογούμενον καὶ παλαιὸν Ἀρκάδων κτίσμα τῆσ Ἀζανίδοσ, κεῖται δὲ τῆσ μὲν συμπάσησ Πελοποννήσου κατὰ τὴν μεσόγαιον, αὐτῆσ δὲ τῆσ Ἀρκαδίασ ἐπὶ τοῖσ πρὸσ δυσμὰσ πέρασι, συνάπτουσα τοῖσ περὶ τὰσ ἐσχατιὰσ κατοικοῦσι τῶν προσεσπερίων Ἀχαιῶν·

ἐπίκειται δ’ εὐφυῶσ τῇ τῶν Ἠλείων χώρᾳ, μεθ’ ὧν συνέβαινε τότε πολιτεύεσθαι αὐτήν.

πρὸσ ἣν Φίλιπποσ τριταῖοσ ἐκ τῶν Καφυῶν διανύσασ, κατεστρατοπέδευε περὶ τοὺσ ἀπέναντι τῆσ πόλεωσ ὑπερκειμένουσ βουνούσ, ἀφ’ ὧν ἦν κατοπτεύειν τήν τε πόλιν ὅλην ἀσφαλῶσ καὶ τοὺσ πέριξ αὐτῆσ τόπουσ.

συνθεωρῶν δὲ τὴν ὀχυρότητα τῆσ Ψωφῖδοσ ὁ βασιλεὺσ ἠπορεῖτο τί χρὴ ποιεῖν.

τὴν γὰρ ἀφ’ ἑσπέρασ πλευρὰν αὐτῆσ καταφέρεται λάβροσ χειμάρρουσ ποταμόσ, ὃσ κατὰ τὸ πλεῖστον μέροσ τοῦ χειμῶνοσ ἄβατόσ ἐστι, ποιεῖ δὲ καὶ τὸ παράπαν ἐχυρὰν καὶ δυσπρόσοδον τὴν πόλιν διὰ τὸ μέγεθοσ τοῦ κοιλώματοσ, ὃ κατὰ βραχὺ τῷ χρόνῳ κατείργασται φερόμενοσ ἐξ ὑπερδεξίων τόπων.

παρὰ δὲ τὴν ἀπ’ ἠοῦσ πλευρὰν ἔχει τὸν Ἐρύμανθον, μέγαν καὶ λάβρον ποταμόν, ὑπὲρ οὗ πολὺσ καὶ ὑπὸ πολλῶν τεθρύληται λόγοσ.

τοῦ δὲ χειμάρρου προσπίπτοντοσ πρὸσ τὸν Ἐρύμανθον ὑπὸ τὸ πρὸσ μεσημβρίαν μέροσ τῆσ πόλεωσ, συμβαίνει τὰσ μὲν τρεῖσ ἐπιφανείασ αὐτῆσ ὑπὸ τῶν ποταμῶν περιλαμβανομένασ ἀσφαλίζεσθαι τὸν προειρημένον τρόπον·

τῇ δὲ λοιπῇ, τῇ πρὸσ ἄρκτον, βουνὸσ ἐρυμνὸσ ἐπίκειται τετειχισμένοσ, ἄκρασ εὐφυοῦσ καὶ πραγματικῆσ λαμβάνων τάξιν.

ἔχει δὲ καὶ τείχη διαφέροντα τῷ μεγέθει καὶ ταῖσ κατασκευαῖσ. πρὸσ δὲ τούτοισ βοήθειαν συνέβαινε παρὰ τῶν Ἠλείων εἰσπεπτωκέναι, καὶ τὸν Εὐριπίδαν ἐκ τῆσ φυγῆσ διασεσωσμένον ὑπάρχειν ἐν αὐτῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 70

(폴리비오스, Histories, book 4, chapter 70)

상위

목록

SEARCH

MENU NAVIGATION