헬라어 문장 검색 - ΠολψβίΗιστορί04́066́

(폴리비오스, Histories, book 4, chapter 66)

Ἔτι δὲ περὶ ταῦτα γινομένου τοῦ βασιλέωσ, παρῆν ἐκ Μακεδονίασ ἄγγελοσ διασαφῶν ὅτι συμβαίνει τοὺσ Δαρδανεῖσ, ὑπονενοηκότασ τὴν εἰσ Πελοπόννησον αὐτοῦ στρατείαν, ἁθροίζειν δυνάμεισ καὶ παρασκευὴν ποιεῖσθαι μεγάλην, κεκρικότασ ἐμβαλεῖν εἰσ τὴν Μακεδονίαν. αὐτὸσ δ’ ἀναζεύξασ μετὰ σπουδῆσ ἐποιεῖτο τὴν ἐπάνοδον, ᾗπερ καὶ τὴν παρουσίαν ἐπεποίητο.

μέλλοντοσ δ’ αὐτοῦ διαβαίνειν τὸν Ἀμβρακικὸν κόλπον ἐξ Ἀκαρνανίασ εἰσ Ἤπειρον, παρῆν ἐφ’ ἑνὸσ λέμβου Δημήτριοσ ὁ Φάριοσ, ἐκπεπτωκὼσ ὑπὸ Ῥωμαίων ἐκ τῆσ Ἰλλυρίδοσ·

ὑπὲρ ὧν ἐν τοῖσ πρὸ τούτων ἡμῖν δεδήλωται. τοῦτον μὲν οὖν Φίλιπποσ ἀποδεξάμενοσ φιλανθρώπωσ ἐκέλευσε πλεῖν ὡσ ἐπὶ Κόρινθον κἀκεῖθεν ἥκειν διὰ Θετταλίασ εἰσ Μακεδονίαν·

αὐτὸσ δὲ διαβὰσ εἰσ τὴν Ἤπειρον προῆγε κατὰ τὸ συνεχὲσ εἰσ τὸ πρόσθεν. παραγενομένου δ’ αὐτοῦ τῆσ Μακεδονίασ εἰσ Πέλλαν, ἀκούσαντεσ οἱ Δαρδάνιοι παρὰ Θρᾳκῶν τινων αὐτομόλων τὴν παρουσίαν τοῦ Φιλίππου, καταπλαγέντεσ παραχρῆμα διέλυσαν τὴν στρατείαν, καίπερ ἤδη σύνεγγυσ ὄντεσ τῆσ Μακεδονίασ.

Φίλιπποσ δὲ πυθόμενοσ τὴν τῶν Δαρδανέων μετάνοιαν, τοὺσ μὲν Μακεδόνασ διαφῆκε πάντασ ἐπὶ τὴν τῆσ ὀπώρασ συγκομιδήν, αὐτὸσ δὲ πορευθεὶσ εἰσ Θετταλίαν τὸ λοιπὸν μέροσ τοῦ θέρουσ ἐν Λαρίσῃ διῆγε.

Κατὰ δὲ τὸν καιρὸν τοῦτον Αἰμίλιοσ ἐκ τῆσ Ἰλλυρίδοσ εἰσῆγε λαμπρῶσ εἰσ τὴν Ῥώμην τὸν θρίαμβον, Ἀννίβασ δὲ Ζάκανθαν ᾑρηκὼσ κατὰ κράτοσ διέλυσε τὰσ δυνάμεισ εἰσ παραχειμασίαν·

Ῥωμαῖοι δέ, προσπεσούσησ αὐτοῖσ τῆσ Ζακανθαίων ἁλώσεωσ, πρεσβευτὰσ ἔπεμπον ἐξαιτήσοντασ Ἀννίβαν παρὰ Καρχηδονίων, ἅμα δὲ πρὸσ τὸν πόλεμον παρεσκευάζοντο, καταστήσαντεσ ὑπάτουσ Πόπλιον Κορνήλιον καὶ Τεβέριον Σεμπρώνιον.

ὑπὲρ ὧν ἡμεῖσ τὰ μὲν κατὰ μέροσ ἐν τῇ προτέρᾳ βύβλῳ δεδηλώκαμεν·

νῦν δ’ ἀναμνήσεωσ χάριν αὐτὰ προηνεγκάμεθα κατὰ τὴν ἐξ ἀρχῆσ ἐπαγγελίαν, ἵνα γινώσκηται τὰ κατάλληλα τῶν πραγμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 66

(폴리비오스, Histories, book 4, chapter 66)

상위

목록

SEARCH

MENU NAVIGATION