헬라어 텍스트

Polybius, Histories, book 4, chapter 53

(폴리비오스, Histories, book 4, chapter 53)

τὸ τέλοσ· κατὰ δὲ τὸν καιρὸν τοῦτον Κνώσιοι πρεσβεύσαντεσ πρὸσ Ῥοδίουσ ἔπεισαν τάσ τε μετὰ Πολεμοκλέουσ ναῦσ καὶ τρία τῶν ἀφράκτων προσκατασπάσαντασ αὑτοῖσ ἀποστεῖλαι. γενομένου δὲ τούτου, καὶ τῶν πλοίων ἀφικομένων εἰσ τὴν Κρήτην, καὶ σχόντων ὑποψίαν τῶν Ἐλευθερναίων ὅτι τὸν πολίτην αὑτῶν Τίμαρχον οἱ περὶ τὸν Πολεμοκλῆ χαριζόμενοι τοῖσ Κνωσίοισ ἀνῃρήκασι, τὸ μὲν πρῶτον ῥύσια κατήγγειλαν τοῖσ Ῥοδίοισ, μετὰ δὲ ταῦτα πόλεμον ἐξήνεγκαν.

περιέπεσον δὲ καὶ Λύττιοι βραχὺ πρὸ τούτων τῶν καιρῶν ἀνηκέστῳ συμφορᾷ.

καθόλου γὰρ τὰ κατὰ τὴν σύμπασαν Κρήτην ὑπῆρχεν ἐν τοιαύτῃ τινὶ τότε καταστάσει. Κνώσιοι συμφρονήσαντεσ Γορτυνίοισ πᾶσαν ἐποιήσαντο τὴν Κρήτην ὑφ’ αὑτοὺσ πλὴν τῆσ Λυττίων πόλεωσ·

μόνησ δὲ ταύτησ ἀπειθούσησ, ἐπεβάλοντο πολεμεῖν, σπεύδοντεσ αὐτὴν εἰσ τέλοσ ἀνάστατον ποιῆσαι καὶ παραδείγματοσ καὶ φόβου χάριν τῶν ἄλλων Κρηταιέων. τὸ μὲν οὖν πρῶτον ἐπολέμουν πάντεσ οἱ Κρηταιεῖσ τοῖσ Λυττίοισ·

ἐγγενομένησ δὲ φιλοτιμίασ ἐκ τῶν τυχόντων, ὅπερ ἔθοσ ἐστὶ Κρησίν, ἐστασίασαν πρὸσ τοὺσ ἄλλουσ. ἔγνωσαν τοῖσ Λυττίοισ συμμαχεῖν, τῶν δὲ Γορτυνίων οἱ μὲν πρεσβύτεροι τὰ τῶν Κνωσίων, οἱ δὲ νεώτεροι τὰ τῶν Λυττίων αἱρούμενοι, διεστασίασαν πρὸσ ἀλλήλουσ.

οἱ δὲ Κνώσιοι, παραδόξου γεγονότοσ αὐτοῖσ τοῦ περὶ τοὺσ συμμάχουσ κινήματοσ, ἐπισπῶνται χιλίουσ ἐξ Αἰτωλίασ ἄνδρασ κατὰ συμμαχίαν.

οὗ γενομένου παραυτίκα τῶν Γορτυνίων οἱ πρεσβύτεροι καταλαμβανόμενοι τὴν ἄκραν εἰσάγονται τούσ τε Κνωσίουσ καὶ τοὺσ Αἰτωλούσ·