헬라어 텍스트

Polybius, Histories, book 4, chapter 37

(폴리비오스, Histories, book 4, chapter 37)

Ἀράτῳ μὲν οὖν συνέβαινε κατὰ τὸν καιρὸν τοῦτον ἤδη λήγειν τὴν ἀρχήν, Ἄρατον δὲ τὸν υἱὸν αὐτοῦ καθεσταμένον ὑπὸ τῶν Ἀχαιῶν παραλαμβάνειν τὴν στρατηγίαν. Αἰτωλῶν δ’ ἐστρατήγει Σκόπασ·

ὁ δὲ χρόνοσ αὐτῷ τῆσ ἀρχῆσ μάλιστα τότε πωσ διῄρητο· τὰσ γὰρ ἀρχαιρεσίασ Αἰτωλοὶ μὲν ἐποίουν μετὰ τὴν φθινοπωρινὴν ἰσημερίαν εὐθέωσ, Ἀχαιοὶ δὲ τότε περὶ τὴν τῆσ Πλειάδοσ ἐπιτολήν. ἤδη δὲ τῆσ θερείασ ἐνισταμένησ, καὶ μετειληφότοσ Ἀράτου τοῦ νεωτέρου τὴν στρατηγίαν, ἅμα πάντα τὰ πράγματα τὰσ ἐπιβολὰσ ἐλάμβανε καὶ τὰσ ἀρχάσ.

Ἀννίβασ μὲν γὰρ ἐνεχείρει κατὰ τοὺσ καιροὺσ τούτουσ Ζάκανθαν πολιορκεῖν, Ῥωμαῖοι δὲ Λεύκιον Αἰμίλιον εἰσ τὴν Ἰλλυρίδα μετὰ δυνάμεωσ ἐξαπέστελλον ἐπὶ Δημήτριον τὸν Φάριον·

ὑπὲρ ὧν ἐν τῇ προτέρᾳ βύβλῳ δεδηλώκαμεν. Ἀντίοχοσ δέ, Πτολεμαί̈δα καὶ Τύρον παραδόντοσ αὐτῷ Θεοδότου, τοῖσ κατὰ Κοίλην Συρίαν ἐγχειρεῖν ἐπεβάλλετο·

Πτολεμαῖοσ δὲ περὶ παρασκευὴν ἐγίνετο τοῦ πρὸσ Ἀντίοχον πολέμου. Λυκοῦργοσ δ’ ἀπὸ τῶν ὁμοίων βουλόμενοσ ἄρχεσθαι Κλεομένει, τὸ τῶν Μεγαλοπολιτῶν Ἀθήναιον ἐπολιόρκει προσεστρατοπεδευκώσ.

Ἀχαιοὶ δὲ μισθοφόρουσ ἱππεῖσ καὶ πεζοὺσ ἥθροιζον εἰσ τὸν περιεστῶτα πόλεμον· Φίλιπποσ δ’ ἐκ Μακεδονίασ ἐκίνει μετὰ τῆσ δυνάμεωσ, ἔχων Μακεδόνων φαλαγγίτασ μὲν μυρίουσ, πελταστὰσ δὲ πεντακισχιλίουσ, ἅμα δὲ τούτοισ ἱππεῖσ ὀκτακοσίουσ.

Ταῦτα μὲν οὖν ἅπαντ’ ἦν ἐν τοιαύταισ ἐπιβολαῖσ καὶ παρασκευαῖσ.