헬라어 문장 검색 - ΠολψβίΗιστορί04́019́

(폴리비오스, Histories, book 4, chapter 19)

Κατὰ δὲ τοὺσ καιροὺσ τούτουσ ὁ τῶν Ἀχαιῶν στρατηγὸσ Ἄρατοσ ἐξαπέστειλε μὲν πρὸσ Φίλιππον παρακαλῶν βοηθεῖν, συνῆγε δὲ τοὺσ ἐπιλέκτουσ, μετεπέμπετο δὲ παρὰ Λακεδαιμονίων καὶ Μεσσηνίων τοὺσ διατεταγμένουσ κατὰ τὰσ ὁμολογίασ. οἱ δ’ Αἰτωλοὶ τὸ μὲν πρῶτον παρεκάλουν τοὺσ Κλειτορίουσ ἀποστάντασ τῶν Ἀχαιῶν αἱρεῖσθαι τὴν πρὸσ αὑτοὺσ συμμαχίαν.

τῶν δὲ Κλειτορίων ἁπλῶσ οὐ προσιεμένων τοὺσ λόγουσ, προσβολὰσ ἐποιοῦντο, καὶ προσερείδοντεσ τὰσ κλίμακασ τοῖσ τείχεσι κατεπείραζον τῆσ πόλεωσ.

ἀμυνομένων δὲ γενναίωσ καὶ τολμηρῶσ τῶν ἔνδον, εἴξαντεσ τοῖσ πράγμασιν ἀνεστρατοπέδευσαν, καὶ προαγαγόντεσ αὖθισ ὡσ ἐπὶ τὴν Κύναιθαν, ὅμωσ τὰ θρέμματα τῆσ θεοῦ περισύραντεσ ἀπήγαγον.

καὶ τὸ μὲν πρῶτον παρεδίδοσαν τοῖσ Ἠλείοισ τὴν Κύναιθαν·

μετὰ δὲ ταῦτα πάλιν δείσαντεσ ἐκ τῶν προσαγγελλομένων τὴν ἐκ Μακεδονίασ βοήθειαν, ἐμπρήσαντεσ τὴν πόλιν ἀπηλλάγησαν, καὶ προῆγον αὖτισ ὡσ ἐπὶ τὸ Ῥίον, ταύτῃ κρίνοντεσ ποιεῖσθαι τὴν διάβασιν.

ὁ δὲ Ταυρίων, πυνθανόμενοσ τὴν τῶν Αἰτωλῶν εἰσβολὴν καὶ τὰ περὶ τὴν Κύναιθαν πεπραγμένα, θεωρῶν δὲ τὸν Δημήτριον τὸν Φάριον ἀπὸ τῶν νήσων εἰσ τὰσ Κεγχρεὰσ καταπεπλευκότα, παρεκάλει τοῦτον βοηθῆσαι τοῖσ Ἀχαιοῖσ καὶ διισθμίσαντα τοὺσ λέμβουσ ἐπιτίθεσθαι τῇ τῶν Αἰτωλῶν διαβάσει.

ὁ δὲ Δημήτριοσ λυσιτελῆ μέν, οὐκ εὐσχήμονα δὲ πεποιημένοσ τὴν ἀπὸ τῶν νήσων ἐπάνοδον, διὰ τὸν τῶν Ῥοδίων ἐπ’ αὐτὸν ἀνάπλουν, ἄσμενοσ ὑπήκουσε τῷ Ταυρίωνι, προσδεξαμένου ’κείνου τὴν εἰσ τὴν ὑπέρβασιν τῶν λέμβων δαπάνην.

οὗτοσ μὲν οὖν ὑπερισθμίσασ, καὶ δυσὶ καθυστερήσασ ἡμέραισ τῆσ τῶν Αἰτωλῶν διαβάσεωσ, προκατασύρασ τινὰσ τόπουσ τῆσ παραλίασ τῆσ τῶν Αἰτωλῶν κατήχθη πάλιν εἰσ τὴν Κόρινθον.

Λακεδαιμόνιοι δὲ τὸ μὲν πέμπειν τὰσ βοηθείασ κατὰ τὴν διάταξιν ἐνεκάκησαν, βραχεῖσ δέ τινασ παντελῶσ ἱππεῖσ καὶ πεζούσ, στοχαζόμενοι τοῦ δοκεῖν μόνον, ἐξέπεμψαν.

Ἄρατοσ δὲ τοὺσ Ἀχαιοὺσ ἔχων πολιτικώτερον ἢ στρατηγικώτερον ὑπὲρ τῶν παρόντων ἐβουλεύσατο·

μέχρι γὰρ τούτου τὴν ἡσυχίαν ἦγε, προσανέχων καὶ μεμνημένοσ τῆσ προγεγενημένησ συμφορᾶσ, ἑώσ οὗ πάντα διαπραξάμενοι κατὰ τὰσ αὑτῶν προαιρέσεισ οἱ περὶ τὸν Σκόπαν καὶ Δωρίμαχον ἐπανῆλθον εἰσ τὴν οἰκείαν, καίπερ διὰ τόπων ποιούμενοι τὰσ πορείασ εὐεπιθέτων καὶ στενῶν καὶ μόνον σαλπιγκτοῦ δεομένων.

Κυναιθεῖσ δὲ μεγάλοισ ἀτυχήμασιν ὑπ’ Αἰτωλῶν καὶ μεγάλαισ συμφοραῖσ περιπεσόντεσ ὅμωσ πάντων ἀνθρώπων ἔδοξαν ἠτυχηκέναι δικαιότατα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 19

(폴리비오스, Histories, book 4, chapter 19)

상위

목록

SEARCH

MENU NAVIGATION