헬라어 문장 검색 - ΠολψβίΗιστορί04́008́

(폴리비오스, Histories, book 4, chapter 8)

Ἄρατοσ γὰρ ἦν τὰ μὲν ἄλλα τέλειοσ ἀνὴρ εἰσ τὸν πραγματικὸν τρόπον· ἔτι δὲ πράξεισ, ἀπάτασ, ἐπιβουλὰσ συστήσασθαι κατὰ τῶν πολεμίων, καὶ ταύτασ ἐπὶ τέλοσ ἀγαγεῖν διὰ τῆσ αὑτοῦ κακοπαθείασ καὶ τόλμησ, δεινότατοσ.

ἐναργῆ δὲ τῶν τοιούτων μαρτύρια καὶ πλείω μέν, ἐκφανέστατα δὲ τοῖσ ἱστορηκόσι κατὰ μέροσ περί τε τῆσ Σικυῶνοσ καὶ Μαντινείασ καταλήψεωσ καὶ περὶ τῆσ Αἰτωλῶν ἐκ τῆσ Πελληνέων πόλεωσ ἐκβολῆσ, τὸ δὲ μέγιστον, περὶ τῆσ κατὰ τὸν Ἀκροκόρινθον πράξεωσ.

ὁ δ’ αὐτὸσ οὗτοσ, ὅτε τῶν ὑπαίθρων ἀντιποιήσασθαι βουληθείη, νωθρὸσ μὲν ἐν ταῖσ ἐπινοίαισ, ἄτολμοσ δ’ ἐν ταῖσ ἐπιβολαῖσ, ἐν ὄψει δ’ οὐ μένων τὸ δεινόν.

διὸ καὶ τροπαίων ἐπ’ αὐτὸν βλεπόντων ἐπλήρωσε τὴν Πελοπόννησον, καὶ τῇδέ πῃ τοῖσ πολεμίοισ ἀεί ποτ’ ἦν εὐχείρωτοσ.

οὕτωσ αἱ τῶν ἀνθρώπων φύσεισ οὐ μόνον τοῖσ σώμασιν ἔχουσί τι πολυειδέσ, ἔτι δὲ μᾶλλον ταῖσ ψυχαῖσ, ὥστε τὸν αὐτὸν ἄνδρα μὴ μόνον ἐν τοῖσ διαφέρουσι τῶν ἐνεργημάτων πρὸσ ἃ μὲν εὐφυῶσ ἔχειν, πρὸσ ἃ δ’ ἐναντίωσ, ἀλλὰ καὶ περί τινα τῶν ὁμοειδῶν πολλάκισ τὸν αὐτὸν καὶ συνετώτατον εἶναι καὶ βραδύτατον, ὁμοίωσ δὲ καὶ τολμηρότατον καὶ δειλότατον.

οὐ παράδοξα ταῦτά γε, συνήθη δὲ καὶ γνώριμα τοῖσ βουλομένοισ συνεφιστάνειν.

τινὲσ μὲν γὰρ ἐν ταῖσ κυνηγίαισ εἰσὶ τολμηροὶ πρὸσ τὰσ τῶν θηρίων συγκαταστάσεισ, οἱ δ’ αὐτοὶ πρὸσ ὅπλα καὶ πολεμίουσ ἀγεννεῖσ, καὶ τῆσ γε πολεμικῆσ χρείασ τῆσ κατ’ ἄνδρα μὲν καὶ κατ’ ἰδίαν εὐχερεῖσ καὶ πρακτικοί, κοινῇ δὲ καὶ μετὰ πολεμικῆσ ἐπ’ ἴσον συντάξεωσ ἄπρακτοι.

Θετταλῶν γοῦν ἱππεῖσ κατ’ ἴλην μὲν καὶ φαλαγγηδὸν ἀνυπόστατοι, χωρὶσ δὲ παρατάξεωσ πρὸσ καιρὸν καὶ τόπον κατ’ ἄνδρα κινδυνεῦσαι δύσχρηστοι καὶ βραδεῖσ·

Αἰτωλοὶ δὲ τούτων τἀναντία. Κρῆτεσ δὲ καὶ κατὰ γῆν καὶ κατὰ θάλατταν πρὸσ μὲν ἐνέδρασ καὶ λῃστείασ καὶ κλοπὰσ πολεμίων καὶ νυκτερινὰσ ἐπιθέσεισ καὶ πάσασ τὰσ μετὰ δόλου καὶ κατὰ μέροσ χρείασ ἀνυπόστατοι, πρὸσ δὲ τὴν ἐξ ὁμολόγου καὶ κατὰ πρόσωπον φαλαγγηδὸν ἔφοδον ἀγεννεῖσ καὶ πλάγιοι ταῖσ ψυχαῖσ·

Ἀχαιοὶ δὲ καὶ Μακεδόνεσ τἀναντία τούτων. ταῦτα μὲν εἰρήσθω μοι χάριν τοῦ μὴ διαπιστεῖν τοὺσ ἀναγινώσκοντασ τοῖσ λεγομένοισ, ἐάν που περὶ τῶν αὐτῶν ἀνδρῶν ἐναντίασ ἀποφάσεισ ποιώμεθα περὶ τὰ παραπλήσια τῶν ἐπιτηδευμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 8

(폴리비오스, Histories, book 4, chapter 8)

상위

목록

SEARCH

MENU NAVIGATION