헬라어 텍스트

Polybius, Histories, book 4, chapter 7

(폴리비오스, Histories, book 4, chapter 7)

Οἱ δ’ Ἀχαιοί, καθηκούσησ αὐτοῖσ ἐκ τῶν νόμων συνόδου κατὰ τὸν καιρὸν τοῦτον, ἧκον εἰσ Αἴγιον. μάλιστα δὲ νομίζοντεσ εἶναι δεινὸν εἰ μήτε συγχωρήσαντοσ τοῖσ Αἰτωλοῖσ μηδενὸσ τὴν δίοδον μήτε καθάπαξ ἐπιβαλόμενοι παραιτεῖσθαι κατετόλμησαν ἐπιβῆναι στρατοπέδῳ τῆσ Ἀχαί̈ασ παρὰ τὰσ συνθήκασ, ἐπὶ πᾶσι τούτοισ παροξυνθέντεσ ἐψηφίσαντο βοηθεῖν τοῖσ Μεσσηνίοισ καὶ συνάγειν τὸν στρατηγὸν τοὺσ Ἀχαιοὺσ ἐν τοῖσ ὅπλοισ·

ὃ δ’ ἂν τοῖσ συνελθοῦσι βουλευομένοισ δόξῃ, τοῦτ’ εἶναι κύριον.

ὁ μὲν οὖν Τιμόξενοσ ὁ τότ’ ἔθ’ ὑπάρχων στρατηγόσ, ὅσον οὔπω ληγούσησ τῆσ ἀρχῆσ, ἅμα δὲ τοῖσ Ἀχαιοῖσ ἀπιστῶν διὰ τὸ ῥᾳθύμωσ αὐτοὺσ ἐσχηκέναι κατὰ τὸ παρὸν περὶ τὴν ἐν τοῖσ ὅπλοισ γυμνασίαν, ἀνεδύετο τὴν ἔξοδον καὶ καθόλου τὴν συναγωγὴν τῶν ὄχλων.

μετὰ γὰρ τὴν Κλεομένουσ τοῦ Σπαρτιατῶν βασιλέωσ ἔκπτωσιν, κάμνοντεσ μὲν τοῖσ προγεγονόσι πολέμοισ, πιστεύοντεσ δὲ τῇ παρούσῃ καταστάσει, πάντεσ ὠλιγώρησαν Πελοποννήσιοι τῆσ περὶ τὰ πολεμικὰ παρασκευῆσ.

ὁ δ’ Ἄρατοσ, σχετλιάζων καὶ παροξυνόμενοσ ἐπὶ τῇ τόλμῃ τῶν Αἰτωλῶν, θυμικώτερον ἐχρῆτο τοῖσ πράγμασιν, ἅτε καὶ προϋπαρχούσησ αὐτοῖσ ἀλλοτριότητοσ ἐκ τῶν ἐπάνω χρόνων.

διὸ καὶ συνάγειν ἔσπευδε τοὺσ Ἀχαιοὺσ ἐν τοῖσ ὅπλοισ καὶ συμβαλεῖν πρόθυμοσ ἦν τοῖσ Αἰτωλοῖσ.

τέλοσ δὲ πένθ’ ἡμέραισ πρότερον τοῦ καθήκοντοσ αὐτῷ χρόνου παραλαβὼν παρὰ τοῦ Τιμοξένου τὴν δημοσίαν σφραγῖδα, πρόσ τε τὰσ πόλεισ ἔγραφε καὶ συνῆγε τοὺσ ἐν ταῖσ ἡλικίαισ μετὰ τῶν ὅπλων εἰσ τὴν Μεγάλην πόλιν.

ὑπὲρ οὗ δοκεῖ μοι πρέπον εἶναι βραχέα προειπεῖν διὰ τὴν ἰδιότητα τῆσ φύσεωσ.